Thursday, September 14, 2017

                      ਅਸੀਂ ਲੜਾਂਗੇ... 
               ਖੇਤਾਂ ਦੇ ਪੁੱਤ ਬਣਕੇ
                    ਚਰਨਜੀਤ ਭੁੱਲਰ
ਬਠਿੰਡਾ : ਬਠਿੰਡਾ ਖ਼ਿੱਤੇ ਦੇ ਛੋਟੇ ਛੋਟੇ ਬੱਚੇ ਸੰਘਰਸ਼ਾਂ ਦੇ ਮਾਅਨੇ ਤਾਂ ਨਹੀਂ ਜਾਣਦੇ ਪ੍ਰੰਤੂ ਏਨਾ ਜਰੂਰ ਭਾਪਦੇ ਹਨ ਕਿ ਘਰਾਂ ਦੇ ਵਿਹੜੇ 'ਚ ਖੈਰ ਨਹੀਂ। ਬਾਪ ਦਾਦੇ ਖੁਦਕੁਸ਼ੀ ਦੇ ਰਾਹ ਚਲੇ ਗਏ ਤੇ ਇਹ ਨਿਆਣੇ ਸੜਕਾਂ 'ਤੇ ਹਨ। ਉਨ•ਾਂ ਦੇ ਚਿਹਰਿਆਂ ਦੀ ਗੰਭੀਰਤਾ ਹਕੂਮਤਾਂ ਨੂੰ ਸੁਨੇਹਾ ਦਿੰਦੀ ਹੈ ਜਿਨ•ਾਂ ਦੀ ਅਣਦੇਖੀ ਨੇ ਉਨ•ਾਂ ਦੇ ਸਿਰ ਦੀ ਛਾਂ ਖੋਹ ਲਈ ਹੈ। ਲੜਾਂਗੇ ਸਾਥੀ.. ਇਨ•ਾਂ ਬੱਚਿਆਂ ਦੇ ਮਨ ਸ਼ਾਇਦ ਇਹੋ ਆਖ ਰਹੇ ਹਨ ਪ੍ਰੰਤੂ ਉਹ ਬਹੁਤੀ ਸੋਝੀ ਨਹੀਂ ਰੱਖਦੇ। ਜਦੋਂ ਉਹ ਵੱਡੇ ਹੋਣਗੇ ਤਾਂ ਸਮਝ ਜਾਣਗੇ ਕਿਉ ਮਾਰਨੇ ਪੈਂਦੇ ਨੇ ਨਾਅਰੇ ਤੇ ਬਜ਼ੁਰਗ ਦਾਦਿਆਂ ਨੂੰ ਰੇਲ ਪਟੜੀਆਂ ਤੇ ਕਿਉਂ ਰੱਖਣਾ ਪੈਂਦਾ ਹੈ ਸਿਰ। ਬਠਿੰਡਾ ਦੇ ਮਿੰਨੀ ਸਕੱਤਰੇਤ ਅੱਗੇ ਭਾਰਤੀ ਕਿਸਾਨ ਯੂਨੀਅਨ (ਉਗਰਾਹਾਂ) ਦੇ ਧਰਨੇ ਵਿਚ ਅਨੇਕਾਂ ਬੱਚੇ ਆਪਣੇ ਮਾਪਿਆਂ ਨਾਲ ਬੈਠੇ ਸਨ। ਪਿੰਡ ਲਹਿਰਾ ਬੇਗਾ ਦਾ ਕਿਸਾਨ ਸੋਨੀ ਸਿੰਘ ਜਦੋਂ ਖੁਦਕੁਸ਼ੀ ਕਰ ਗਿਆ ਤਾਂ ਉਸ ਦੀ ਪਤਨੀ ਵੀ ਆਪਣਾ ਬੱਚਾ ਛੱਡ ਕੇ ਪੇਕੇ ਘਰ ਚਲੀ ਗਈ। ਡੇਢ ਵਰ•ੇ ਦਾ ਬੱਚਾ ਅਮਨਦੀਪ ਹੁਣ ਆਪਣੀ ਦਾਦੀ ਹਮੀਰ ਕੌਰ ਨਾਲ ਹਰ ਧਰਨੇ ਵਿਚ ਜਾਂਦਾ ਹੈ। ਉਸ ਦੀ ਭਾਵੇਂ ਹਾਲੇ ਸੁਰਤ ਵੀ ਨਹੀਂ ਸੰਭਲੀ ਪ੍ਰੰਤੂ ਖੇਤਾਂ ਦੇ ਸੰਕਟ ਵਿਚ ਇਸ ਬੱਚੇ ਦੇ ਚੋਹਲ ਮੋਹਲ ਗੁਆਚ ਗਏ ਹਨ।
                     ਦਾਦੀ ਦੱਸਦੀ ਹੈ ਕਿ ਹਕੂਮਤਾਂ ਨੇ ਬਚਪਨ ਖੋਹ ਲਏ ਹਨ ਅਤੇ ਬਚਪਨ ਵੀ ਅਮੀਰੀ ਗਰੀਬੀ ਦੇ ਪਾੜੇ ਵਿਚ ਪਿਸ ਗਿਆ ਹੈ। ਪਿੰਡ ਕੋਟੜਾ ਦਾ ਤਿੰਨ ਵਰਿ•ਆਂ ਦਾ ਬੱਚੇ ਗੁਰਸ਼ਰਨ ਨੇ ਵੀ ਸਕੂਲ ਦੇਖਣ ਤੋਂ ਪਹਿਲਾਂ ਹੀ ਸੰਘਰਸ਼ਾਂ ਦੇ ਰੰਗ ਵੇਖ ਲਏ ਹਨ ਜੋ ਆਪਣੇ ਦਾਦੇ ਨਾਲ ਪੁੱਜਦਾ ਹੈ। ਬਹੁਤੇ ਸਕੂਲੀ ਬੱਚੇ ਆਪਣੇ ਭਵਿੱਖ ਲਈ ਨਾਅਰੇ ਮਾਰਦੇ ਹਨ।  ਪਿੰਡ ਰਾਮਪੁਰਾ ਦਾ ਢਾਈ ਵਰਿ•ਆਂ ਦਾ ਬੱਚਾ ਜਸਪ੍ਰੀਤ ਅੱਜ ਧਰਨੇ ਵਿਚ ਝੰਡਾ ਚੁੱਕੀ ਖੜ•ਾ ਸੀ। ਉਹ ਖੇਤਾਂ ਦੇ ਝੁੱਲੇ ਝੱਖੜਾਂ ਬਾਰੇ ਕੁਝ ਨਹੀਂ ਜਾਣਦਾ ਪ੍ਰੰਤੂ ਝੰਡੇ ਦਾ ਰੰਗ ਅਤੇ ਵੱਜਦੇ ਨਾਅਰੇ ਉਸ ਨੂੰ ਹਲੂਣਾ ਦਿੰਦੇ ਹਨ। ਏਦਾ ਦੇ ਸੈਂਕੜੇ ਬੱਚੇ ਹਨ ਜਿਨ•ਾਂ ਦੇ ਬਾਪ ਖੁਦਕੁਸ਼ੀ ਦੇ ਰਾਹ ਚਲੇ ਗਏ ਅਤੇ ਪਿਛੇ ਦੁੱਖਾਂ ਦੀ ਪੰਡ ਨਿਆਣੀ ਉਮਰੇ ਉਨ•ਾਂ ਦੀ ਝੋਲੀ ਪੈ ਗਈ ਹੈ। ਮਹਿਲਾ ਨੇਤਾ ਬਿੰਦੂ ਦਾ ਪ੍ਰਤੀਕਰਮ ਸੀ ਕਿ ਸੈਂਕੜੇ ਮਾਂਵਾਂ ਹਨ ਜਿਨ•ਾਂ ਨਾਲ ਬੱਚੇ ਧਰਨੇ ਮੁਜ਼ਾਹਰਿਆਂ ਵਿਚ ਆਉਂਦੇ ਹਨ ਅਤੇ ਥੋੜੀ ਵੱਡੀ ਉਮਰ ਦੇ ਬੱਚੇ ਤਾਂ ਕਿਸਾਨ ਸੰਘਰਸ਼ਾਂ ਦੇ ਸਾਥੀ ਵੀ ਬਣ ਗਏ ਹਨ। ਬਠਿੰਡਾ ਮਾਨਸਾ ਵਿਚ ਇਹ ਰੁਝਾਨ ਕਾਫੀ ਵਧ ਗਿਆ ਹੈ ਕਿ ਸੜਕਾਂ ਤੇ ਹੁਣ ਸੰਘਰਸ਼ਾਂ ਵਿਚ ਬੱਚੇ ਕਾਫੀ ਦਿੱਖਦੇ ਹਨ।
                                           ਵੱਡੀ ਸੱਟ ਬਚਪਨ ਨੂੰ ਵੱਜੀ ਹੈ : ਅਮੋਲਕ ਸਿੰਘ
ਪਲਸ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਦਾ ਪ੍ਰਤੀਕਰਮ ਸੀ ਕਿ ਸੰਕਟ ਵੱਡਾ ਹੈ ਜਿਸ ਨੇ ਬਚਪਨ ਨੂੰ ਮਧੋਲ ਦਿੱਤਾ ਹੈ। ਵੱਡਾ ਸੰਤਾਪ ਇਨ•ਾਂ ਬੱਚਿਆਂ ਨੂੰ ਹੰਢਾਉਣਾ ਪੈ ਰਿਹਾ ਹੈ ਜੋ ਕਿ ਮੂੰਹੋ ਕੁਝ ਵੀ ਦੱਸਣ ਤੋਂ ਬੇਵੱਸ ਹਨ ਪ੍ਰੰਤੂ ਉਨ•ਾਂ ਦੇ ਮਾਸੂਮ ਚਿਹਰੇ ਸਭ ਕੁਝ ਬਿਆਨ ਕਰ ਰਹੇ ਹਨ। ਉਨ•ਾਂ ਆਖਿਆ ਕਿ ਖੇਤੀ ਸੰਕਟਾਂ ਦੀ ਵੱਡੀ ਸੱਟ ਤਾਂ ਬਚਪਨ ਨੂੰ ਹੀ ਪਈ ਹੈ ਪ੍ਰੰਤੂ ਸਰਕਾਰਾਂ ਦੀ ਅੱਖ ਚੋਂ ਫਿਰ ਵੀ ਹੰਝੂ ਨਹੀਂ ਕਿਰੇ

No comments:

Post a Comment