Monday, December 25, 2017

                            ਕੈਪਟਨ ਸਾਹਬ ! 
              ਸਾਡੀਆਂ ਜ਼ਮੀਨਾਂ ਵਾਪਸ ਕਰੋ
                             ਚਰਨਜੀਤ ਭੁੱਲਰ
ਬਠਿੰਡਾ : ਬਠਿੰਡਾ ਥਰਮਲ ਨੂੰ ਬੰਦ ਕਰਨ ਤੋਂ ਦਰਜਨਾਂ ਬਜ਼ੁਰਗ ਕਿਸਾਨ ਭੜਕ ਉਠੇ ਹਨ ਜਿਨ•ਾਂ ਨੇ ਆਪਣੇ ਖੇਤ ਕਈ ਦਹਾਕੇ ਪਹਿਲਾਂ ਥਰਮਲ ਖਾਤਰ ਦੇ ਦਿੱਤੇ ਸਨ। ਉਦੋਂ ਪੰਜਾਬ ਸਰਕਾਰ ਨੇ ਮਾਮੂਲੀ ਮੁਆਵਜ਼ਾ ਦੇ ਕੇ ਇਨ•ਾਂ ਕਿਸਾਨਾਂ ਦੀਆਂ ਜ਼ਮੀਨਾਂ ਐਕੂਆਇਰ ਕੀਤੀਆਂ ਸਨ। ਕਿਧਰੇ ਬਿਜਲੀ ਦਾ ਪ੍ਰਬੰਧ ਨਹੀਂ ਸੀ, ਇਹੋ ਸੋਚ ਕੇ ਕਿਸਾਨਾਂ ਨੇ ਥਰਮਲ ਉਸਾਰੀ ਲਈ ਜ਼ਮੀਨਾਂ ਦਿੱਤੀਆਂ ਸਨ। ਹੁਣ ਜਦੋਂ ਪੰਜਾਬ ਸਰਕਾਰ ਨੇ ਥਰਮਲ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ ਤਾਂ ਇਨ•ਾਂ ਕਿਸਾਨਾਂ 'ਚ ਵੀ ਰੋਹ ਜਾਗਿਆ ਹੈ। ਵੇਰਵਿਆਂ ਅਨੁਸਾਰ ਬਠਿੰਡਾ ਥਰਮਲ ਤੇ ਰਿਹਾਇਸ਼ੀ ਕਲੋਨੀ ਲਈ ਸਾਲ 1968-69 ਵਿਚ ਕਈ ਪੜਾਵਾਂ 'ਚ ਕਰੀਬ 2200 ਏਕੜ ਜ਼ਮੀਨ ਐਕੁਆਇਰ ਕੀਤੀ ਗਈ ਸੀ। ਪਿੰਡ ਸਿਵੀਆਂ,ਜੋਗਾਨੰਦ ਤੋਂ ਇਲਾਵਾ ਬਠਿੰਡਾ ਦੇ ਕੋਠੇ ਅਮਰਪੁਰਾ,ਕੋਠੇ ਸੁੱਚਾ ਸਿੰਘ,ਕੋਠੇ ਕਾਮੇਕੇ ਦੇ ਸੈਂਕੜੇ ਕਿਸਾਨਾਂ ਦੀ ਜ਼ਮੀਨ ਐਕੁਆਇਰ ਹੋਈ ਸੀ। ਪਿੰਡ ਸਿਵੀਆਂ 'ਚ ਅੱਜ ਦਰਜਨਾਂ ਕਿਸਾਨਾਂ ਨੇ ਅੱਜ ਇਸ ਪੱਤਰਕਾਰ ਕੋਲ ਦਾਸਤਾ ਬਿਆਨੀ ਕਿ ਕਿਵੇਂ ਉਨ•ਾਂ ਦੀ ਸਾਰੀ ਜ਼ਮੀਨ ਐਕੂਆਇਰ ਹੋਈ ਸੀ ਅਤੇ ਮਾਮੂਲੀ ਮੁਆਵਜ਼ੇ ਦਿੱਤੇ ਗਏ ਸਨ। ਬਜ਼ੁਰਗ ਕਿਸਾਨ ਕਰਤਾਰ ਸਿੰਘ ਨੇ ਦੱਸਿਆ ਕਿ ਉਨ•ਾਂ ਦੀ ਤਿੰਨ ਭਰਾਵਾਂ ਦੀ ਰੇਲ ਲਾਈਨ ਦੇ ਦੋਵੇਂ ਪਾਸੇ 10 ਏਕੜ ਜ਼ਮੀਨ ਸੀ ਜੋ ਪੂਰੀ ਐਕੁਆਇਰ ਕਰ ਲਈ ਸੀ। ਮੁਆਵਜ਼ਾ ਵੀ ਸਿਰਫ਼ 10 ਹਜ਼ਾਰ ਰੁਪਏ ਪ੍ਰਤੀ ਏਕੜ ਦਾ ਦਿੱਤਾ ਗਿਆ ਸੀ।
                   ਕਿਸਾਨ ਦਰਸ਼ਨ ਸਿੰਘ ਤੇ ਕਰਤਾਰ ਸਿੰਘ ਨੇ ਰੋਹ 'ਚ ਆਖਿਆ ਕਿ ਉਨ•ਾਂ ਨੂੰ ਸਰਕਾਰ ਹੁਣ ਜ਼ਮੀਨ ਵਾਪਸ ਕਰੇ, ਕਿਉਂਜੋ ਥਰਮਲ ਤਾਂ ਹੁਣ ਬੰਦ ਕਰ ਦਿੱਤਾ ਹੈ। ਉਹ ਇਸ ਮਾਮਲੇ ਤੇ ਲਾਮਬੰਦੀ ਕਰਨਗੇ। ਤਿੰਨ ਕਿਸਾਨ ਭਰਾਵਾਂ ਸੁਖਦੇਵ ਸਿੰਘ,ਬਲਦੇਵ ਸਿੰਘ ਤੇ ਜਗਦੇਵ ਦੀ ਅੱਠ ਏਕੜ ਜ਼ਮੀਨ ਇਸ ਥਰਮਲ 'ਚ ਆ ਗਈ ਸੀ। ਸੁਖਦੇਵ ਸਿੰਘ ਦੇ ਲੜਕੇ ਕਰਮਜੀਤ ਸਿੰਘ ਨੇ ਦੱਸਿਆ ਕਿ ਉਦੋਂ ਸਰਕਾਰ ਨੇ ਤਾਂ ਪ੍ਰਭਾਵਿਤ ਕਿਸਾਨਾਂ ਦੇ ਪ੍ਰਵਾਰਾਂ ਦੇ ਕਿਸੇ ਜੀਅ ਨੂੰ ਨੌਕਰੀ ਵੀ ਨਹੀਂ ਦਿੱਤੀ ਸੀ। ਇਵੇਂ ਹੀ ਦੋ ਕਿਸਾਨ ਭਰਾਵਾਂ ਜੋਗਿੰਦਰ ਸਿੰਘ ਤੇ ਅਜੈਬ ਸਿੰਘ ਦੀ ਜ਼ਮੀਨ ਇਸ ਥਰਮਲ 'ਚ ਆ ਗਈ ਸੀ ਜਿਨ•ਾਂ ਨੇ ਹੁਣ ਜ਼ਮੀਨ ਵਾਪਸ ਮੰਗੀ ਹੈ। ਮਲੋਟ ਰੋਡ ਦੇ ਵਸਨੀਕ ਮਨਜੀਤ ਸਿੰਘ ਨੇ ਦੱਸਿਆ ਕਿ ਉਨ•ਾਂ ਦੇ ਬਜ਼ੁਰਗਾਂ ਦੀ ਜ਼ਮੀਨ ਐਕੁਆਇਰ ਹੋਈ ਸੀ ਜਿਸ ਨੂੰ ਹੁਣ ਸਰਕਾਰ ਵਾਪਸ ਮੋੜੇ।  ਕੋਠੇ ਅਮਰਪੁਰਾ ਤੇ ਕੋਠਾ ਸੁੱਚਾ ਸਿੰਘ ਦੇ ਦਰਜਨਾਂ ਪ੍ਰਵਾਰਾਂ ਦੇ ਮੁਆਵਜ਼ੇ ਦੇ ਕੇਸ ਹਾਲੇ ਵੀ ਸੁਪਰੀਮ ਕੋਰਟ ਵਿਚ ਚੱਲ ਰਹੇ ਹਨ। ਨਗਰ ਕੌਂਸਲਰ ਮਲਕੀਤ ਸਿੰਘ ਗਿੱਲ ਨੇ ਦੱਸਿਆ ਕਿ ਉਨ•ਾਂ ਦੇ ਪ੍ਰਵਾਰ ਦੀ ਕਰੀਬ 100 ਏਕੜ ਜ਼ਮੀਨ ਐਕੁਆਇਰ ਹੋਈ ਸੀ ਅਤੇ ਮੁਆਵਜ਼ਾ ਘੱਟ ਮਿਲਣ ਕਰਕੇ ਹਾਲੇ ਵੀ ਕੇਸ ਸੁਪਰੀਮ ਕੋਰਟ ਵਿਚ ਪੈਂਡਿੰਗ ਹੈ।
                  ਕੋਠੇ ਸੁੱਚਾ ਸਿੰਘ ਵਾਲਾ ਦੇ ਵਸਨੀਕਾਂ ਨੇ ਦੱਸਿਆ ਕਿ ਉਨ•ਾਂ ਦੇ ਕੇਸ ਵੀ ਹਾਲੇ ਚੱਲ ਰਹੇ ਹਨ। ਥਰਮਲ ਬੰਦ ਕਰਨਾ ਹੈ ਤਾਂ ਉਨ•ਾਂ ਦੀ ਜ਼ਮੀਨ ਵਾਪਸ ਕੀਤੀ ਜਾਵੇ। ਜੋਗਾਨੰਦ ਵਾਲੀ ਸਾਈਡ 'ਤੇ ਥਰਮਲ ਕਲੋਨੀ ਬਣੀ ਹੋਈ ਹੈ ਜਿਸ ਵਿਚ 1400 ਦੇ ਕਰੀਬ ਕੋਠੀਆਂ ਅਤੇ ਕੁਆਰਟਰ ਹਨ। ਕਾਫ਼ੀ ਜਗ•ਾ ਖਾਲੀ ਵੀ ਪਈ ਹੈ। ਇਸੇ ਤਰ•ਾਂ ਕਰੀਬ 250 ਏਕੜ ਰਕਬੇ ਵਿਚ ਝੀਲਾਂ ਬਣੀਆਂ ਹੋਈਆਂ ਹਨ। ਕੋਠੇ ਕਾਮੇਕੇ ਦੇ ਪੱਪੂ ਸਿੰਘ ਦੇ ਪਰਿਵਾਰ ਦੀ ਜ਼ਮੀਨ ਵੀ ਐਕੁਆਇਰ ਹੋਈ ਸੀ। 'ਆਪ' ਦੇ ਵਿਧਾਇਕ ਕੁਲਤਾਰ ਸੰਧਵਾਂ ਦਾ ਕਹਿਣਾ ਸੀ ਕਿ ਸਰਕਾਰ ਥਰਮਲ ਦੀ ਜ਼ਮੀਨ ਵੇਚ ਕੇ ਖਾਲੀ ਖਜ਼ਾਨਾ ਭਰਨਾ ਚਾਹੁੰਦੀ ਹੈ। ਸਰਕਾਰੀ ਤਰਕ ਹੈ ਕਿ ਥਰਮਲ ਵਾਲੀ ਜਗ•ਾ 'ਤੇ ਸੋਲਰ ਪਲਾਂਟ ਲਗਾਇਆ ਜਾਵੇਗਾ ਪ੍ਰੰਤੂ ਥਰਮਲ ਮੁਲਾਜ਼ਮ ਇਸ ਨੂੰ ਲਾਲੀਪਾਪ ਦੱਸ ਰਹੇ ਹਨ ਅਤੇ ਅਸਲ ਮਕਸਦ ਜ਼ਮੀਨ ਵੇਚਣ ਨੂੰ ਦੱਸ ਰਹੇ ਹਨ। 

Sunday, December 24, 2017

                              ਸੂਰਜੀ ਊਰਜਾ 
              ਇੱਕ ਯੂਨਿਟ ਦਾ ਮੁੱਲ 18 ਰੁਪਏ !
                             ਚਰਨਜੀਤ ਭੁੱਲਰ
ਬਠਿੰਡਾ :  ਪੰਜਾਬ ਸਰਕਾਰ ਵਲੋਂ ਕਰੀਬ ਅੱਧੀ ਦਰਜਨ ਫਰਮਾਂ ਤੋਂ ਮਹਿੰਗੇ ਭਾਅ 'ਤੇ ਸੂਰਜੀ ਊਰਜਾ ਖਰੀਦੀ ਜਾ ਰਹੀ ਹੈ ਜਿਸ ਨੂੰ ਪੈਸਾ ਪਾਵਰਕੌਮ ਦੇ ਖ਼ਜ਼ਾਨੇ ਚੋਂ ਜਾਂਦਾ ਹੈ। ਗਠਜੋੜ ਸਰਕਾਰ ਸਮੇਂ ਇਨ•ਾਂ ਫਰਮਾਂ ਨਾਲ ਐਗਰੀਮੈਂਟ ਉੱਚੇ ਭਾਅ 'ਚ ਹੋਏ ਹਨ। ਇਨ•ਾਂ ਫਰਮਾਂ ਤੋਂ ਪਾਵਰਕੌਮ ਸੂਰਜੀ ਊਰਜਾ ਕਰੀਬ 18 ਰੁਪਏ ਪ੍ਰਤੀ ਯੂਨਿਟ ਖਰੀਦ ਰਿਹਾ ਹੈ। ਦੇਸ਼ ਭਰ 'ਚ ਵਿਰਲੇ ਸੋਲਰ ਪਲਾਂਟ ਹੋਣਗੇ ਜਿਨ•ਾਂ ਦੀ ਊਰਜਾ ਏਨੀ ਮਹਿੰਗੀ ਹੋਵੇਗੀ। ਹੁਣ ਜਦੋਂ ਬਠਿੰਡਾ ਥਰਮਲ ਨੂੰ ਮਹਿੰਗੀ ਬਿਜਲੀ ਦਾ ਤਰਕ ਦੇ ਕੇ ਬੰਦ ਕੀਤਾ ਗਿਆ ਹੈ ਤਾਂ ਇਨ•ਾਂ ਸੋਲਰ ਪਲਾਂਟਾਂ ਨਾਲ ਹੋਏ ਮਹਿੰਗੇ ਭਾਅ ਵਾਲੇ ਐਗਰੀਮੈਂਟਾਂ 'ਤੇ ਵੀ ਉਂਗਲ ਉੱਠੀ ਹੈ। ਆਰ.ਟੀ.ਆਈ 'ਚ ਪ੍ਰਾਪਤ ਵੇਰਵਿਆਂ ਅਨੁਸਾਰ ਪਾਵਰਕੌਮ ਤਰਫ਼ੋਂ ਸਾਲ 2011-12 ਤੋਂ 9 ਸੋਲਰ ਪਲਾਂਟਾਂ ਤੋਂ ਬਿਜਲੀ ਖ਼ਰੀਦਣੀ ਸ਼ੁਰੂ ਕੀਤੀ ਹੈ। ਉਦੋਂ ਪਾਵਰਕੌਮ ਨੇ ਅਜ਼ੂਰ ਸੋਲਰ ਪਲਾਂਟ ਤੋਂ 8.95 ਰੁਪਏ ਅਤੇ ਕਾਰਲਿਲ ਐਨਰਜੀ, ਈਕੋਨੈਨਰਜੀ, ਜੀ.ਐਸ. ਅਟਵਾਲ ਭੁੱਟੀਵਾਲ ਅਤੇ ਸੋਵੋਕਸ ਸੋਲਰ ਤੋਂ 7.91 ਰੁਪਏ ਪ੍ਰਤੀ ਯੂਨਿਟ ਸੂਰਜੀ ਊਰਜਾ ਖਰੀਦ ਕੀਤੀ ਸੀ। ਪਾਵਰਕੌਮ ਨੇ ਵਰ•ਾ 2012-13 ਤੋਂ ਇਨ•ਾਂ ਫਰਮਾਂ ਤੋਂ 17.91 ਰੁਪਏ ਪ੍ਰਤੀ ਯੂਨਿਟ ਬਿਜਲੀ ਖਰੀਦਣੀ ਸ਼ੁਰੂ ਕਰ ਦਿੱਤੀ ਜਦੋਂ ਕਿ ਅਜ਼ੂਰ ਤੋਂ 17.59 ਰੁਪਏ ਪ੍ਰਤੀ ਯੂਨਿਟ ਬਿਜਲੀ ਖਰੀਦ ਕੀਤੀ ਗਈ।
                   ਸਾਲ 2012-13 ਤੋਂ ਸਾਲ 2016-17 ਤੱਕ ਇਨ•ਾਂ ਫਰਮਾਂ ਤੋਂ ਪਾਵਰਕੌਮ ਨੇ 68.68 ਕਰੋੜ 'ਚ ਕਰੀਬ 3.28 ਕਰੋੜ ਯੂਨਿਟ ਸੂਰਜੀ ਊਰਜਾ ਖਰੀਦੀ ਹੈ। ਪਾਵਰਕੌਮ ਵਲੋਂ ਹੁਣ 81 ਸੋਲਰ ਪਲਾਂਟਾਂ ਤੋਂ ਸੂਰਜੀ ਊਰਜਾ ਖਰੀਦੀ ਜਾ ਰਹੀ ਹੈ ਅਤੇ ਇਹ ਊਰਜਾ ਔਸਤਨ 3 ਰੁਪਏ ਤੋਂ ਲੈ ਕੇ 8.70 ਰੁਪਏ ਪ੍ਰਤੀ ਯੂਨਿਟ ਦੇ ਹਿਸਾਬ ਨਾਲ ਖਰੀਦ ਕੀਤੀ ਜਾ ਰਹੀ ਹੈ ਜਦੋਂ ਕਿ ਕੁਝ 'ਖਾਸ' ਅੱਧੀ ਦਰਜਨ ਫਰਮਾਂ ਤੋਂ ਪਾਵਰਕੌਮ ਹੁਣ ਵੀ 17.91 ਰੁਪਏ ਪ੍ਰਤੀ ਯੂਨਿਟ ਬਿਜਲੀ ਖਰੀਦ ਰਿਹਾ ਹੈ। ਇਵੇਂ ਸੋਮਾ ਪਾਵਰ ਪਲਾਂਟ ਤੋਂ ਪਾਵਰਕੌਮ 14.95 ਰੁਪਏ ਪ੍ਰਤੀ ਯੂਨਿਟ ਦੇ ਹਿਸਾਬ ਨਾਲ ਬਿਜਲੀ ਖਰੀਦ ਰਿਹਾ ਹੈ ਜਿਸ ਤੋਂ 9.76 ਕਰੋੜ ਦੀ ਸੂਰਜੀ ਊਰਜਾ ਖਰੀਦ ਕੀਤੀ ਗਈ ਹੈ। ਕੇਂਦਰੀ ਬਿਜਲੀ ਮੰਤਰਾਲੇ ਅਨੁਸਾਰ ਪੰਜਾਬ ਵਿਚ 2066 ਕਿਲੋਵਾਟ (ਕੇਐਮਪੀ) ਦੇ ਸੋਲਰ ਪਲਾਂਟ ਹਨ ਜਿਨ•ਾਂ ਤੋਂ ਸਾਲ 2016-17 ਵਿਚ 909.2 ਮਿਲੀਅਨ ਯੂਨਿਟ ਅਤੇ ਚਾਲੂ ਵਰੇ• 2017-18 ਦੌਰਾਨ 919.07 ਮਿਲੀਅਨ ਯੂਨਿਟ ਬਿਜਲੀ ਦੀ ਪੈਦਾਵਾਰ ਹੋਈ ਹੈ।
                 ਸਰਕਾਰੀ ਵੇਰਵਿਆਂ ਅਨੁਸਾਰ ਪਾਵਰਕੌਮ ਨੇ ਕਾਰਲਿਲ ਤੋਂ ਲੰਘੇ ਪੰਜ ਵਰਿ•ਆਂ ਦੌਰਾਨ ਕਰੀਬ 20.03 ਕਰੋੜ, ਈਕੋਨੈਨਰਜੀ ਤੋਂ 10.69 ਕਰੋੜ,ਜੀ.ਐਸ.ਅਟਵਾਲ ਤੋਂ 19.89 ਕਰੋੜ ਅਤੇ ਸੋਵੋਕਸ ਪਲਾਂਟ ਤੋਂ 8.28 ਕਰੋੜ ਦੀ ਸੂਰਜੀ ਊਰਜਾ ਖਰੀਦੀ ਹੈ। ਦੂਸਰੀ ਤਰਫ ਖ਼ਜ਼ਾਨਾ ਮੰਤਰੀ ਮਨਪ੍ਰੀਤ ਬਾਦਲ ਨੇ ਤਰਕ ਦਿੱਤਾ ਸੀ ਕਿ ਬਠਿੰਡਾ ਥਰਮਲ ਤੋਂ ਬਿਜਲੀ ਪ੍ਰਤੀ ਯੂਨਿਟ 11.50 ਰੁਪਏ ਪੈਂਦੀ ਹੈ ਜਿਸ ਕਰਕੇ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਪੀਐਸਈਬੀ ਇੰਜੀਨੀਅਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਸੰਜੀਵ ਸੂਦ ਨੇ ਦੱਸਿਆ ਕਿ ਜਦੋਂ ਬਠਿੰਡਾ ਥਰਮਲ ਪੂਰੇ ਲੋਡ ਤੇ ਚੱਲਦਾ ਹੈ ਤਾਂ ਇਸ ਦੀ ਬਿਜਲੀ ਪ੍ਰਤੀ ਯੂਨਿਟ 4.50 ਰੁਪਏ 'ਚ ਪੈਂਦੀ ਹੈ। ਉਨ•ਾਂ ਮੰਗ ਕੀਤੀ ਕਿ ਜੋ ਹਰ ਤਰ•ਾਂ ਦੀ ਮਹਿੰਗੀ ਬਿਜਲੀ ਖਰੀਦ ਦੇ ਐਗਰੀਮੈਂਟ ਹੋਏ ਹਨ, ਉਨ•ਾਂ ਨੂੰ ਰੀਵਿਊ ਕੀਤਾ ਜਾਵੇ।
                   ਬਠਿੰਡਾ ਥਰਮਲ ਦੀ ਐਂਪਲਾਈਜ ਤਾਲਮੇਲ ਕਮੇਟੀ ਦੇ ਆਗੂ ਗੁਰਸੇਵਕ ਸਿੰਘ ਨੇ ਮੰਗ ਕੀਤੀ ਕਿ ਪ੍ਰਾਈਵੇਟ ਫਰਮਾਂ ਤੋਂ ਮਹਿੰਗੀ ਬਿਜਲੀ ਖਰੀਦਣ ਦੇ ਮਾਮਲੇ ਵਿਚ ਵੱਡਾ ਘਪਲਾ ਹੋਇਆ ਹੈ ਜਿਸ ਦੀ ਉੱਚ ਪੱਧਰੀ ਜਾਂਚ ਹੋਣੀ ਚਾਹੀਦੀ ਹੈ। ਉਨ•ਾਂ ਸੁਆਲ ਕੀਤਾ ਕਿ ਕੀ ਪਾਵਰਕੌਮ ਮਹਿੰਗੀ ਸੂਰਜੀ ਊਰਜਾ ਖ਼ਰੀਦਣੀ ਵੀ ਬੰਦ ਕਰੇਗੀ। ਪਾਵਰਕੌਮ ਦੇ ਸੂਤਰਾਂ ਨੇ ਦੱਸਿਆ ਕਿ ਕੇਂਦਰੀ ਪਾਲਿਸੀ ਅਨੁਸਾਰ ਸੂਰਜੀ ਊਰਜਾ ਖ਼ਰੀਦਣੀ ਲਾਜ਼ਮੀ ਹੁੰਦੀ ਹੈ ਅਤੇ ਸ਼ੁਰੂਆਤ ਵਿਚ ਸੋਲਰ ਐਨਰਜੀ ਦੀ ਕਮੀ ਕਰਕੇ ਕੁਝ ਫਰਮਾਂ ਨੇ ਮਜਬੂਰੀ ਦਾ ਫਾਇਦਾ ਲੈਂਦੇ ਹੋਏ ਪਾਵਰਕੌਮ ਨਾਲ ਮਹਿੰਗੇ ਭਾਅ ਵਿਚ ਸੌਦੇ ਕੀਤੇ ਸਨ। ਫਰਮਾਂ ਦਾ ਤਰਕ ਹੈ ਕਿ ਐਗਰੀਮੈਂਟ ਦੇ ਹਿਸਾਬ ਅਤੇ ਲਾਗਤ ਖਰਚ ਦੇ ਹਿਸਾਬ ਨਾਲ ਹੀ ਸੂਰਜੀ ਊਰਜਾ ਦਿੱਤੀ ਜਾ ਰਹੀ ਹੈ।
                                 ਮਹਿੰਗੀ ਊਰਜਾ ਨਹੀਂ ਖਰੀਦ ਰਹੇ : ਡਾਇਰੈਕਟਰ
ਪਾਵਰਕੌਮ ਦੇ ਡਾਇਰੈਕਟਰ (ਵੰਡ) ਐਨ.ਕੇ.ਸ਼ਰਮਾ ਦਾ ਕਹਿਣਾ ਸੀ ਕਿ ਸੋਲਰ ਐਨਰਜੀ ਖ਼ਰੀਦਣੀ ਵੀ ਲਾਜ਼ਮੀ ਹੁੰਦੀ ਹੈ ਅਤੇ ਰੈਗੂਲੇਟਰੀ ਕਮਿਸ਼ਨ ਦੀ ਵੀ ਹਦਾਇਤ ਹੁੰਦੀ ਹੈ ਪ੍ਰੰਤੂ ਏਨੀ ਮਹਿੰਗੇ ਭਾਅ ਤੇ ਸੂਰਜੀ ਊਰਜਾ ਪਾਵਰਕੌਮ ਖਰੀਦ ਨਹੀਂ ਰਿਹਾ ਹੈ। ਉਨ•ਾਂ ਦੇ ਧਿਆਨ ਵਿਚ ਏਦਾ ਦੀ ਕੋਈ ਗੱਲ ਨਹੀਂ ਹੈ। 

Thursday, December 14, 2017

                                                            'ਗੁਪਤ ਰਿਪੋਰਟ' 
                                      ਕਰੋੜਾਂ ਨੱਪਣ ਵਾਲੇ ਵੱਡੇ ਲੀਡਰ ਬੇਪਰਦ
                                                             ਚਰਨਜੀਤ ਭੁੱਲਰ
ਬਠਿੰਡਾ : ਖੇਤੀ ਵਿਕਾਸ ਬੈਂਕਾਂ ਦੀ 'ਗੁਪਤ ਰਿਪੋਰਟ' ਨੇ ਵੱਡੇ ਲੀਡਰ ਬੇਪਰਦ ਕਰ ਦਿੱਤੇ ਹਨ ਜਿਨ•ਾਂ ਨੇ ਬੈਂਕਾਂ ਦੇ ਕਰੋੜਾਂ ਰੁਪਏ ਨੱਪ ਹੋਏ ਹਨ। ਸਭਨਾਂ ਸਿਆਸੀ ਧਿਰਾਂ ਦੇ ਲੀਡਰ ਇਸ 'ਗੁਪਤ ਰਿਪੋਰਟ' 'ਚ  ਸ਼ਾਮਿਲ ਹਨ । 'ਗੁਪਤ ਰਿਪੋਰਟ' 'ਚ ਸਾਬਕਾ ਵਿਧਾਇਕ,ਸਾਬਕਾ ਵਜ਼ੀਰ ਤੇ ਸਾਬਕਾ ਐਮ.ਪੀ ਸ਼ਾਮਿਲ ਹਨ ਜਿਨ•ਾਂ ਖ਼ਿਲਾਫ਼ ਪਹਿਲੀ ਦਫ਼ਾ ਬੈਂਕ ਪ੍ਰਬੰਧਕਾਂ ਨੇ ਡੰਡਾ ਖੜਕਾਇਆ ਹੈ। 'ਗੁਪਤ ਰਿਪੋਰਟ' ਦੇ ਵੇਰਵਿਆਂ ਅਨੁਸਾਰ ਅਕਾਲੀ ਸਰਕਾਰ 'ਚ ਟਰਾਂਸਪੋਰਟ ਮੰਤਰੀ ਰਹੇ ਰਘਬੀਰ ਸਿੰਘ ਕਪੂਰਥਲਾ ਦਾ ਨਾਮ ਇਸ ਰਿਪੋਰਟ 'ਚ ਉਭਰਿਆ ਹੈ ਜਿਨ•ਾਂ ਸਿਰ ਖੇਤੀ ਵਿਕਾਸ ਬੈਂਕ ਕਪੂਰਥਲਾ ਦੇ 61 ਲੱਖ ਦਾ ਕਰਜ਼ਾ ਖੜ•ਾ ਹੈ। ਸਾਬਕਾ ਮੰਤਰੀ ਤੇ ਕਾਂਗਰਸੀ ਨੇਤਾ ਰਮਨ ਭੱਲਾ ਨੇ ਵੀ ਖੇਤੀ ਵਿਕਾਸ ਬੈਂਕ ਪਠਾਨਕੋਟ ਦਾ 19 ਲੱਖ ਦਾ ਕਰਜ਼ਾ ਨਹੀਂ ਮੋੜਿਆ ਹੈ । ਰਿਪੋਰਟ ਅਨੁਸਾਰ ਸਾਬਕਾ ਐਮ.ਪੀ ਅਮਰੀਕ ਸਿੰਘ ਆਲੀਵਾਲ ਅਤੇ ਉਨ•ਾਂ ਦੇ ਲੜਕੇ ਯਾਦਵਿੰਦਰ ਸਿੰਘ ਦਾ ਨਾਮ ਵੀ ਇਸ ਸੂਚੀ ਵਿਚ ਸ਼ਾਮਲ ਹੈ ਜਿਨ•ਾਂ ਨੇ 11 ਲੱਖ ਦਾ ਲੋਨ ਨਹੀਂ ਮੋੜਿਆ। ਸਾਬਕਾ ਅਕਾਲੀ ਵਿਧਾਇਕ ਅਤੇ ਮੌਜੂਦਾ 'ਆਪ' ਆਗੂ ਜਗਤਾਰ ਸਿੰਘ ਰਾਜਲਾ 30 ਲੱਖ ਰੁਪਏ ਦਾ ਡਿਫਾਲਟਰ ਹੈ ਜਿਸ ਦੇ ਖ਼ਿਲਾਫ਼ ਹੁਣ ਸਮਾਣਾ ਬੈਂਕ ਕਦਮ ਚੁੱਕੇਗਾ।
                     ਪੰਜਾਬ ਦਾ ਇੱਕ ਏ.ਡੀ.ਸੀ ਵੀ ਡਿਫਾਲਟਰਾਂ ਦੀ ਸੂਚੀ ਵਿਚ ਹੈ ਅਤੇ ਇਸੇ ਤਰ•ਾਂ ਸੁਖਬੀਰ ਬਾਦਲ ਦੇ ਇੱਕ ਪੁਰਾਣੇ ਓ.ਐਸ.ਡੀ ਦਾ ਪ੍ਰਵਾਰ ਵੀ 33 ਲੱਖ ਦਾ ਡਿਫਾਲਟਰ ਹੈ। ਐਮ.ਪੀ ਚੰਦੂਮਾਜਰਾ ਦੇ ਨੇੜਲੇ ਸਾਥੀ ਕੁਲਦੀਪ ਸਿੰਘ ਵਾਸੀ ਦੌਣ ਕਲਾਂ ਨੇ ਵੀ ਕੰਬਾਇਨ ਤੇ ਲਿਆ ਕਰਜ਼ਾ ਨਹੀਂ ਮੋੜਿਆ ਜੋ ਕਿ ਹੁਣ 17 ਲੱਖ ਬਣ ਗਿਆ ਹੈ।  ਮੋਹਾਲੀ ਦਾ 'ਆਪ' ਨੇਤਾ ਅਤੇ ਵਿਧਾਨ ਸਭਾ ਉਮੀਦਵਾਰ ਨਰਿੰਦਰ ਸਿੰਘ ਸ਼ੇਰਗਿੱਲ ਦੋ ਬੈਂਕਾਂ ਦਾ ਡਿਫਾਲਟਰ ਹੈ। ਰੋਪੜ ਬੈਂਕ ਦਾ ਸ਼ੇਰਗਿੱਲ ਵੱਲ 8 ਲੱਖ ਦਾ ਕਰਜ਼ਾ ਹੈ ਅਤੇ ਉਨ•ਾਂ ਦੀ ਪਤਨੀ ਵੱਲ 9 ਲੱਖ ਦਾ ਲੋਨ ਖੜ•ਾ ਹੈ। ਇਵੇਂ ਸ਼ੇਰਗਿੱਲ ਖੇਤੀ ਵਿਕਾਸ ਬੈਂਕ ਖਰੜ ਦਾ 9 ਲੱਖ ਰੁਪਏ ਦਾ ਡਿਫਾਲਟਰ ਹੈ। ਅਕਾਲੀ ਦਲ ਦੇ ਸਰਕਲ ਦਸੂਹਾ ਦਾ ਪ੍ਰਧਾਨ ਭੁਪਿੰਦਰ ਸਿੰਘ ਵੀ ਦਸੂਹਾ ਬੈਂਕ ਦਾ 57 ਲੱਖ ਰੁਪਏ ਦਾ ਡਿਫਾਲਟਰ ਹੈ ਜਦੋਂ ਇੱਕ ਹੋਰ ਅਕਾਲੀ ਨੇਤਾ ਨੇ ਰਾਮਪੁਰਾ ਬੈਂਕ ਦੇ 12 ਲੱਖ ਰੁਪਏ ਨਹੀਂ ਮੋੜੇ ਹਨ। ਮਾਲਵੇ ਦੇ ਇੱਕ ਸਾਬਕਾ ਕਾਂਗਰਸੀ ਮੰਤਰੀ ਦੇ ਭਰਾ ਨੇ ਅੱਜ ਪਹਿਲਾਂ ਹੀ ਬੈਂਕ ਦੇ ਧਰਨੇ ਦੇ ਡਰੋਂ ਦੋ ਲੱਖ ਰੁਪਏ ਦਾ ਚੈੱਕ ਦੇ ਦਿੱਤਾ ਹੈ। ਮਾਨਸਾ ਜ਼ਿਲ•ੇ 'ਚ ਮਨਪ੍ਰੀਤ ਬਾਦਲ ਦਾ ਨੇੜਲਾ ਰਿਹਾ ਅਤੇ ਪੀਪਲਜ਼ ਪਾਰਟੀ ਦੇ ਪ੍ਰਧਾਨ ਰਿਹਾ ਸੁਰਜੀਤ ਸਿੰਘ (ਉਡਤ ਸੈਦੇਵਾਲਾ) ਵੀ 30.49 ਲੱਖ ਰੁਪਏ ਦਾ ਡਿਫਾਲਟਰ ਹੈ। ਖੇਤੀ ਵਿਕਾਸ ਬੈਂਕ ਬੁਢਲਾਡਾ ਵਲੋਂ ਇਸ ਦੇ ਘਰ ਅੱਗੇ 15 ਦਸੰਬਰ ਨੂੰ ਧਰਨਾ ਮਾਰਿਆ ਜਾਣਾ ਹੈ।
                   ਮਾਨਸਾ ਦਾ ਸਾਬਕਾ ਸ਼੍ਰੋਮਣੀ ਕਮੇਟੀ ਮੈਂਬਰ ਕੌਰ ਸਿੰਘ ਖਾਰਾ,ਕਾਂਗਰਸੀ ਆਗੂ ਅਮਰੀਕ ਸਿੰਘ ਝੁਨੀਰ,ਮਾਨਸਾ ਖੁਰਦ ਦੇ ਸਰਪੰਚ ਜਗਵਿੰਦਰ ਸਿੰਘ,ਪਿੰਡ ਖਿਆਲਾ ਦੇ ਸਰਪੰਚ ਨਰਪਿੰਦਰ ਸਿੰਘ ਦਾ ਨਾਮ ਵੀ ਬੈਂਕ ਸੂਚੀ ਵਿਚ ਸ਼ਾਮਲ ਹੈ। ਬਠਿੰਡਾ ਦੇ ਪਿੰਡ ਕਣਕਵਾਲ ਦਾ ਕਾਂਗਰਸੀ ਨੇਤਾ ਅਜੀਤ ਸਿੰਘ ਵੀ ਖੇਤੀ ਵਿਕਾਸ ਬੈਂਕ ਰਾਮਾਂ ਦਾ 17 ਲੱਖ ਦਾ ਡਿਫਾਲਟਰ ਹੈ ਇਵੇਂ ਟਰੱਕ ਯੂਨੀਅਨ ਗਿੱਦੜਬਹਾ ਦਾ ਪ੍ਰਧਾਨ ਰਾਜਵਿੰਦਰ ਸਿੰਘ ਵੀ 18 ਲੱਖ ਦਾ ਡਿਫਾਲਟਰ ਹੈ ਜਦੋਂ ਕਿ ਅਬੋਹਰ ਬੈਂਕ ਦਾ ਇੰਦਰ ਸੈਨ ਦਾ ਪ੍ਰਵਾਰ 65 ਲੱਖ ਦਾ ਡਿਫਾਲਟਰ ਹੈ ਜਿਨ•ਾਂ ਦਾ ਰਿਸ਼ਤੇਦਾਰ ਬਾਦਲ ਪਰਿਵਾਰ ਦੇ ਨੇੜਲਾ ਹੈ। ਸਾਬਕਾ ਜ਼ਿਲ•ਾ ਪ੍ਰੀਸ਼ਦ ਮੈਂਬਰ ਤੇ ਕਾਂਗਰਸੀ  ਜਗਸੀਰ ਸਿੰਘ ਵੀ 9.50 ਲੱਖ ਦਾ ਡਿਫਾਲਟਰ ਹੈ ਜਦੋਂ ਕਿ ਬਰਨਾਲਾ ਬੈਂਕ ਦਾ ਸਾਬਕਾ ਡਾਇਰੈਕਟਰ ਪ੍ਰਦੀਪ ਸਿੰਘ ਵੀ 19 ਲੱਖ ਦਾ ਡਿਫਾਲਟਰ ਹੈ। ਵਿਧਾਇਕ ਪ੍ਰੀਤਮ ਕੋਟਭਾਈ ਦਾ ਨੇੜਲਾ ਪਿੰਡ ਕੋਟਭਾਈ ਦਾ ਪੰਚਾਇਤ ਮੈਂਬਰ ਹਰਜਿੰਦਰ ਸਿੰਘ ਵੀ 14 ਲੱਖ ਦਾ ਡਿਫਾਲਟਰ ਹੈ। ਏਦਾ ਹੋਰ ਵੀ ਕਾਫੀ ਨੇਤਾ ਸੂਚੀ ਵਿਚ ਸ਼ਾਮਲ ਹਨ। ਪੰਜਾਬ ਭਰ ਵਿਚ 89 ਖੇਤੀ ਵਿਕਾਸ ਬੈਂਕਾਂ ਦੇ ਵੱਡੇ ਡਿਫਾਲਟਰਾਂ ਵੱਲ 233 ਕਰੋੜ ਰੁਪਏ ਫਸੇ ਹੋਏ ਹਨ ਅਤੇ ਬੈਂਕਾਂ ਨੇ ਕੁੱਲ 1800 ਕਰੋੜ ਦੀ ਵਸੂਲੀ ਕਰਨੀ ਹੈ।
                                         ਵੱਡਿਆਂ ਦੀ ਸ਼ਨਾਖ਼ਤ ਕੀਤੀ : ਐਮ.ਡੀ
ਖੇਤੀ ਵਿਕਾਸ ਬੈਂਕਾਂ ਦੇ ਮੈਨੇਜਿੰਗ ਡਾਇਰੈਕਟਰ ਹਰਿੰਦਰ ਸਿੰਘ ਸਿੱਧੂ ਦਾ ਕਹਿਣਾ ਸੀ ਕਿ ਵੱਡੇ ਡਿਫਾਲਟਰਾਂ ਦੀ ਸਨਾਖਤ ਕੀਤੀ ਗਈ ਹੈ ਜਿਨ•ਾਂ ਦੇ ਘਰਾਂ ਵਿਚ ਸਮੁੱਚਾ ਬੈਂਕ ਸਟਾਫ ਜਾ ਕੇ ਧਰਨੇ ਮਾਰ ਰਿਹਾ ਹੈ। ਰੋਜ਼ਾਨਾ ਤਿੰਨ ਚਾਰ ਪ੍ਰਭਾਵਸ਼ਾਲੀ ਲੋਕਾਂ ਦੇ ਘਰਾਂ 'ਚ ਸਟਾਫ ਜਾਵੇਗਾ। ਦਿਆਲ ਸਿੰਘ ਕੋਲਿਆਂ ਵਾਲੀ ਨੇ ਪੰਜ ਲੱਖ ਅਤੇ ਜਸਪਾਲ ਸਿੰਘ ਧੰਨ ਸਿੰਘ ਖਾਨਾ ਨੇ ਧਰਨੇ ਤੋਂ ਪਹਿਲਾਂ ਹੀ ਦੋ ਲੱਖ ਰੁਪਏ ਦੇ ਚੈੱਕ ਦੇ ਦਿੱਤੇ ਹਨ ਅਤੇ ਬਾਕੀ ਰਾਸ਼ੀ 31 ਦਸੰਬਰ ਤੱਕ ਭਰਨ ਦਾ ਭਰੋਸਾ ਦਿੱਤਾ ਹੈ।  

Tuesday, December 12, 2017

                          ਕੈਪਟਨ ਵਲੋਂ ਹਰੀ ਝੰਡੀ !
          ਹੁਣ ਧਨੰਤਰਾਂ ਨਾਲ ਹੋਣਗੇ 'ਦੋ ਦੋ ਹੱਥ'
                             ਚਰਨਜੀਤ ਭੁੱਲਰ
ਬਠਿੰਡਾ : ਕੈਪਟਨ ਹਕੂਮਤ ਨੇ ਧਨੰਤਰ ਡਿਫਾਲਟਰਾਂ ਨੂੰ 'ਦੋ ਹੱਥ' ਦਿਖਾਉਣ ਲਈ ਹਰੀ ਝੰਡੀ ਦੇ ਦਿੱਤੀ ਹੈ ਜੋ ਵਰਿ•ਆਂ ਤੋਂ ਸਿਆਸੀ ਆੜ ਹੇਠ ਸਹਿਕਾਰੀ ਬੈਂਕਾਂ ਦਾ ਪੈਸਾ ਨਹੀਂ ਮੋੜ ਰਹੇ ਹਨ। ਖੇਤੀ ਵਿਕਾਸ ਬੈਂਕਾਂ ਨੇ ਨਵਾਂ ਪੈਂਤੜਾ ਲਿਆ ਹੈ ਜਿਸ ਤਹਿਤ ਵੱਡੇ ਡਿਫਾਲਟਰਾਂ ਦੇ ਘਰਾਂ ਅੱਗੇ ਬੈਂਕਾਂ ਦੇ ਮੁਲਾਜ਼ਮ ਇਕੱਠੇ ਹੋ ਕੇ ਧਰਨਾ ਮਾਰਨਗੇ। ਸੂਤਰ ਦੱਸਦੇ ਹਨ ਕਿ ਸ਼ੁਰੂਆਤ ਭਲਕੇ 13 ਦਸੰਬਰ ਨੂੰ ਸਾਬਕਾ ਅਕਾਲੀ ਚੇਅਰਮੈਨ ਦਿਆਲ ਸਿੰਘ ਕੋਲਿਆਂ ਵਾਲੀ ਤੋਂ ਕੀਤੀ ਜਾਣੀ ਹੈ। ਖੇਤੀ ਵਿਕਾਸ ਬੈਂਕ ਮਲੋਟ ਦਾ ਸਮੁੱਚਾ ਸਟਾਫ 13 ਦਸੰਬਰ ਨੂੰ  ਸੱਤ ਵਜੇ ਸਾਬਕਾ ਚੇਅਰਮੈਨ ਦੇ ਪਿੰਡ ਕੋਲਿਆਂਵਾਲੀ ਵਿਚ ਉਨ•ਾਂ ਦੇ ਘਰ ਜਾਵੇਗਾ ਅਤੇ ਇਸ ਮੌਕੇ ਧਰਨਾ ਦੇਣ ਦਾ ਪ੍ਰੋਗਰਾਮ ਵੀ ਹੈ। ਪੰਜਾਬ ਸਰਕਾਰ ਇੱਕ ਤੀਰ ਨਾਲ ਦੋ ਨਿਸ਼ਾਨੇ ਮਾਰੇਗੀ। ਅਕਾਲੀਆਂ ਦੀ ਖਿਚਾਈ ਦਾ ਮੌਕਾ ਵੀ ਮਿਲੇਗਾ ਅਤੇ ਦੂਸਰਾ ਆਮ ਕਿਸਾਨੀ ਦੀ ਨਜ਼ਰ 'ਚ ਭੱਲ ਖੱਟਣ ਦੀ ਕੋਸ਼ਿਸ਼ ਵੀ ਹੋਵੇਗੀ। ਵੇਰਵਿਆਂ ਅਨੁਸਾਰ ਖੇਤੀ ਵਿਕਾਸ ਬੈਂਕਾਂ ਨੇ ਪੰਜਾਬ ਭਰ ਵਿਚ 89 ਖੇਤੀ ਵਿਕਾਸ ਬੈਂਕਾਂ ਦੇ 4450 ਵੱਡੇ ਡਿਫਾਲਟਰਾਂ ਦੀ ਸ਼ਨਾਖ਼ਤ ਹੋਈ ਹੈ ਜਿਨ••ਾਂ ਵੱਲ 233 ਕਰੋੜ ਰੁਪਏ ਫਸੇ ਹੋਏ ਹਨ। ਉਂਜ, ਕੁੱਲ 93,778 ਡਿਫਾਲਟਰ ਹਨ ਜਿਨ•ਾਂ ਤੋਂ ਹੁਣ ਤੱਕ 154 ਕਰੋੜ ਦੀ ਵਸੂਲੀ ਹੋਈ ਹੈ।
                   ਸਹਿਕਾਰੀ ਬੈਂਕਾਂ ਦੀ ਮਜਬੂਰੀ ਬਣ ਗਈ ਹੈ ਕਿ ਉਹ ਵੱਡੇ ਡਿਫਾਲਟਰਾਂ ਨੂੰ ਹੱਥ ਪਾਵੇ ਕਿਉਂਕਿ ਪਹਿਲਾਂ ਨੋਟਬੰਦੀ ਤੇ ਫਿਰ ਕਰਜ਼ਾ ਮੁਆਫ਼ੀ ਦੇ ਚੱਕਰ ਨੇ ਖੇਤੀ ਵਿਕਾਸ ਬੈਂਕਾਂ ਨੂੰ ਭੁੰਜੇ ਲਾਹ ਦਿੱਤਾ ਹੈ।ਸੂਤਰਾਂ ਨੇ ਦੱਸਿਆ ਕਿ ਸਹਿਕਾਰੀ ਬੈਂਕਾਂ ਦੇ ਅਫਸਰਾਂ ਨੇ ਜਦੋਂ ਪੰਜਾਬ ਸਰਕਾਰ ਕੋਲ ਵਸੂਲੀ ਘਟਣ ਦਾ ਰੌਣਾ ਰੋਇਆ ਤਾਂ ਸਰਕਾਰ ਨੇ ਟੌਪ ਦੇ ਡਿਫਾਲਟਰਾਂ ਜੋ ਸਰਦੇ ਪੁੱਜਦੇ ਹੋਣ ਦੇ ਬਾਵਜੂਦ ਵਸੂਲੀ ਨਹੀਂ ਤਾਰ ਰਹੇ, ਖ਼ਿਲਾਫ਼ ਕਦਮ ਉਠਾਉਣ ਲਈ ਆਖ ਦਿੱਤਾ ਹੈ। ਬੈਂਕਾਂ ਤਰਫ਼ੋਂ ਪਹਿਲਾਂ ਵੱਡੇ ਡਿਫਾਲਟਰਾਂ ਦੇ ਘਰਾਂ ਵਿਚ ਜ਼ਿਲ•ਾ ਮੈਨੇਜਰ ਨਿੱਜੀ ਤੌਰ ਤੇ ਭੇਜੇ ਗਏ ਸਨ ਪ੍ਰੰਤੂ ਫਿਰ ਵੀ ਉਨ•ਾਂ ਨੇ ਕੋਈ ਕਿਸ਼ਤ ਨਹੀਂ ਭਰੀ। ਸੂਤਰ ਦੱਸਦੇ ਹਨ ਕਿ ਹੁਣ ਬੈਂਕ ਮੁਲਾਜ਼ਮ ਇਕੱਠੇ ਹੋ ਕੇ ਧਰਨੇ ਮਾਰਨਗੇ। ਖੇਤੀ ਵਿਕਾਸ ਬੈਂਕ ਮਲੋਟ ਦੇ ਮੈਨੇਜਰ ਰਾਕੇਸ਼ ਕੁਮਾਰ ਨੇ ਦੱਸਿਆ ਕਿ ਵੈਸੇ ਤਾਂ ਉਹ ਰੁਟੀਨ ਵਿਚ ਵੀ ਜਾਂਦੇ ਹਨ ਪ੍ਰੰਤੂ ਉਹ ਹੁਣ ਵੱਡੇ ਡਿਫਾਲਟਰਾਂ ਦੇ ਘਰਾਂ ਵਿਚ ਸਮੁੱਚੇ ਸਟਾਫ ਸਮੇਤ ਜਾਣਗੇ। ਉਹ ਇਕੱਠੇ ਹੋ ਕੇ ਇਨ•ਾਂ ਡਿਫਾਲਟਰਾਂ 'ਤੇ ਵਸੂਲੀ ਲਈ ਦਬਾਓ ਪਾਉਣਗੇ। ਉਨ•ਾਂ ਦੱਸਿਆ ਕਿ ਉਹ 13 ਦਸੰਬਰ ਤੋਂ ਬੈਂਕ ਵਿਚ ਸਿਰਫ਼ ਦੋ ਮੁਲਾਜ਼ਮ ਹੀ ਬਾਕੀ ਛੱਡਣਗੇ ਅਤੇ ਬਾਕੀ ਸਾਰੇ ਮੁਲਾਜ਼ਮ ਇਕੱਠੇ ਹੋ ਕੇ ਜਾਣਗੇ ਅਤੇ ਬਾਕੀ ਫੈਸਲਾ ਮੌਕੇ ਮੁਤਾਬਿਕ ਲਿਆ ਜਾਵੇਗਾ।
                  ਵੇਰਵਿਆਂ ਅਨੁਸਾਰ ਮੁਕਤਸਰ ਜ਼ਿਲ••ੇ  ਦੇ ਟੌਪ-50 ਡਿਫਾਲਟਰਾਂ ਦੀ ਸੂਚੀ 'ਚ ਸਭ ਤੋਂ ਉਪਰ ਸਾਬਕਾ ਅਕਾਲੀ ਚੇਅਰਮੈਨ ਦਿਆਲ ਸਿੰਘ ਕੋਲਿਆਂਵਾਲੀ ਦਾ ਨਾਮ ਹੈ ਜਿਨ•ਾਂ ਦੇ ਸਮੁੱਚੇ ਪ੍ਰਵਾਰ ਸਿਰ ਕਰੀਬ 90 ਲੱਖ ਦਾ ਲੋਨ ਖੜਾ ਹੈ। ਖੇਤੀ ਵਿਕਾਸ ਬੈਂਕਾਂ ਨੇ ਐਤਕੀਂ 1800 ਕਰੋੜ ਦੀ ਵਸੂਲੀ ਕਰਨੀ ਹੈ ਜਿਸ ਚੋਂ ਹੁਣ ਤੱਕ ਸਿਰਫ਼ 264 ਕਰੋੜ ਦੀ ਵਸੂਲੀ ਹੋਈ ਹੈ । ਬਠਿੰਡਾ ਜ਼ਿਲ••ੇ ਵਿਚ ਇੱਕ ਸਾਬਕਾ ਅਕਾਲੀ ਮੰਤਰੀ ਦਾ ਸਾਲਾ ਵੀ 16.13 ਲੱਖ ਰੁਪਏ ਦਾ ਡਿਫਾਲਟਰ ਹੈ । ਬੈਂਕ ਅਧਿਕਾਰੀ ਹਾਲੇ ਇਸ ਮਾਮਲੇ ਵਿਚ ਬਹੁਤੇ ਪੱਤੇ ਖੋਲ ਨਹੀਂ ਰਹੇ ਹਨ। ਭਾਰਤੀ ਕਿਸਾਨ ਯੂਨੀਅਨ (ਡਕੌਂਦਾ) ਦੇ ਬੂਟਾ ਸਿੰਘ ਬੁਰਜ ਗਿੱਲ ਦਾ ਕਹਿਣਾ ਸੀ ਕਿ ਅਗਰ ਸਹਿਕਾਰੀ ਬੈਂਕਾਂ ਸਿਆਸੀ ਪਹੁੰਚ ਵਾਲੇ ਵੱਡੇ ਡਿਫਾਲਟਰਾਂ ਖਿਲਾਫ ਕੋਈ ਕਦਮ ਚੁੱਕਦੀਆਂ ਹਨ ਤਾਂ ਉਹ ਬੈਂਕ ਮੁਲਾਜ਼ਮਾਂ ਦੀ ਹਮਾਇਤ ਕਰਨਗੇ। ਅਜਿਹੇ ਡਿਫਾਲਟਰਾਂ ਦੀ ਕੁਰਕੀ ਤੇ ਨਿਲਾਮੀ ਤੇ ਵੀ ਕੋਈ ਇਤਰਾਜ਼ ਨਹੀਂ ਹੋਵੇਗਾ। ਬੀ.ਕੇ.ਯੂ(ਉਗਰਾਹਾਂ) ਦੇ ਪ੍ਰਧਾਨ ਸ਼ਿੰਗਾਰਾ ਸਿੰਘ ਮਾਨ ਦਾ ਕਹਿਣਾ ਸੀ ਕਿ ਏਦਾ ਕੋਈ ਕਦਮ ਚੁੱਕਿਆ ਜਾਂਦਾ ਤਾਂ ਉਹ ਵੱਡੇ ਡਿਫਾਲਟਰਾਂ ਦੇ ਖਿਲਾਫ ਖੜਨਗੇ।

Saturday, December 9, 2017

                    ਅਕਾਲੀ ਹਕੂਮਤ ਵੇਲੇ
     ਪੰਜਾਬ 'ਚ ਹੋਏ 70 ਹਜ਼ਾਰ ਅੰਦੋਲਨ !
                         ਚਰਨਜੀਤ ਭੁੱਲਰ
ਬਠਿੰਡਾ  : ਅਕਾਲੀ-ਭਾਜਪਾ ਹਕੂਮਤ ਦੇ ਦਸ ਵਰਿ••ਆਂ ਦੇ ਸਮੇਂ ਦੌਰਾਨ ਪੰਜਾਬ ਵਿਚ ਕਰੀਬ 70 ਹਜ਼ਾਰ ਅੰਦੋਲਨ ਹੋਏ ਹਨ ਜਿਨ••ਾਂ ਨੂੰ ਉਦੋਂ ਹਕੂਮਤ ਨੇ 'ਵਿਹਲੜਾਂ' ਦਾ ਕੰਮ ਦੱਸਿਆ ਸੀ। ਕੈਪਟਨ ਹਕੂਮਤ 'ਚ ਹੁਣ ਅਕਾਲੀ ਸੜਕਾਂ 'ਤੇ ਉੱਤਰੇ ਹਨ ਜੋ ਲੰਘੇ ਦਹਾਕੇ ਦੌਰਾਨ ਸੜਕਾਂ ਰੋਕਣ ਵਾਲਿਆਂ ਨੂੰ ਭੰਡਦੇ ਰਹੇ ਹਨ। ਜਦੋਂ ਅਕਾਲੀ ਹਕੂਮਤ ਵੇਲੇ ਹਰੀਕੇ ਪੱਤਣ ਲਾਗੇ ਬੇਅਦਬੀ ਮਾਮਲੇ 'ਤੇ ਸਿੱਖ ਪੈਰੋਕਾਰਾਂ ਨੇ ਧਰਨਾ ਮਾਰਿਆ ਸੀ ਤਾਂ ਉਦੋਂ ਪੁਲੀਸ ਨੇ ਸਿੱਖ ਆਗੂਆਂ 'ਤੇ ਕੇਸ ਦਰਜ ਕੀਤੇ ਸਨ। ਹੁਣ ਉਸੇ ਖ਼ਿੱਤੇ 'ਚ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ 'ਚ ਧਰਨਾ ਲੱਗਾ ਹੈ ਜਿਥੇ ਅੰਦੋਲਨ ਕਰਕੇ ਇਨਸਾਫ ਮੰਗਿਆ ਜਾ ਰਿਹਾ ਹੈ। ਮਾਮਲਾ ਨਗਰ ਕੌਂਸਲ ਚੋਣਾਂ 'ਚ ਹੋਈ ਧੱਕੇਸ਼ਾਹੀ ਦਾ ਹੈ। ਕੇਂਦਰੀ ਗ੍ਰਹਿ ਮੰਤਰਾਲੇ ਦੇ ਵੇਰਵਿਆਂ ਅਨੁਸਾਰ ਜਨਵਰੀ 2007 ਤੋਂ ਦਸੰਬਰ 2016 (ਅਕਾਲੀ ਰਾਜ ਦੇ 10 ਵਰਿ••ਆਂ) ਦੌਰਾਨ ਪੰਜਾਬ ਵਿਚ ਹਰ ਤਰ•ਾਂ ਦੇ 70,669 ਅੰਦੋਲਨ ਹੋਏ ਹਨ ਜਿਸ ਦਾ ਮਤਲਬ ਕਿ ਰੋਜ਼ਾਨਾ ਔਸਤਨ ਕਰੀਬ 20 ਅੰਦੋਲਨ ਪੰਜਾਬ ਦੀ ਧਰਤੀ 'ਤੇ ਹੁੰਦੇ ਰਹੇ। ਇਸ ਦਹਾਕੇ ਦੌਰਾਨ ਹਰ ਵਰ•ੇ ਹੱਕ ਤੇ ਨਿਆਂ ਖਾਤਰ ਔਸਤਨ 7066 ਅੰਦੋਲਨ ਹੁੰਦੇ ਰਹੇ।
                   ਸਿਆਸੀ ਧਿਰਾਂ ਦੇ ਅੰਦੋਲਨਾਂ 'ਤੇ ਨਜ਼ਰ ਮਾਰੀਏ ਤਾਂ ਲੰਘੇ ਦਸ ਵਰਿ•ਆਂ ਦੌਰਾਨ 13,282 ਅੰਦੋਲਨ ਇਕੱਲੇ ਸਿਆਸੀ ਧਿਰਾਂ ਨੇ ਕੀਤੇ ਹਨ ਜਿਸ ਤਰਜ਼ 'ਤੇ ਹੁਣ ਅਕਾਲੀ ਦਲ ਨੇ ਸੜਕਾਂ 'ਤੇ ਧਰਨਾ ਮਾਰਿਆ ਹੈ। ਸਿਆਸੀ ਧਿਰਾਂ ਦੇ ਔਸਤਨ ਰੋਜ਼ਾਨਾ ਤਿੰਨ ਤੋਂ ਚਾਰ ਅੰਦੋਲਨ ਪੰਜਾਬ 'ਚ ਹੁੰਦੇ ਰਹੇ ਹਨ। ਪੰਜਾਬ 'ਚ ਅਕਾਲੀ ਹਕੂਮਤ ਦੇ ਆਖਰੀ ਤਿੰਨ ਵਰਿ•ਆਂ ਦੇ ਅੰਦੋਲਨਾਂ ਨੇ ਸਭ ਰਿਕਾਰਡ ਤੋੜ ਦਿੱਤੇ ਸਨ। ਜਨਵਰੀ 2014 ਤੋਂ ਦਸੰਬਰ 2016 ਦੇ ਤਿੰਨ ਵਰਿ•ਆਂ ਦੌਰਾਨ 39,540 ਅੰਦੋਲਨ ਹੋਏ ਜਿਨ•ਾਂ ਚੋਂ 7363 ਅੰਦੋਲਨ ਸਿਆਸੀ ਧਿਰਾਂ ਦੇ ਸਨ। ਅੰਦੋਲਨਾਂ ਦੇ ਮਾਮਲੇ ਵਿਚ ਦੇਸ਼ ਭਰ ਦੇ ਪਹਿਲੇ ਤਿੰਨ ਸੂਬਿਆਂ ਵਿਚ ਪੰਜਾਬ ਦਾ ਨਾਮ ਬੋਲਦਾ ਹੈ। ਸਾਲ 2016 ਵਿਚ ਦੇਸ਼ ਭਰ ਵਿਚ 1,15,837 ਅੰਦੋਲਨ ਹੋਏ ਸਨ ਜਿਸ ਚੋਂ ਇਕੱਲੇ ਪੰਜਾਬ 'ਚ 10.25 ਫੀਸਦੀ ਅੰਦੋਲਨ ਹੋਏ ਜਿਸ ਨਾਲ ਪੰਜਾਬ ਦਾ ਦੇਸ਼ ਚੋਂ ਅੰਦੋਲਨਾਂ ਦੇ ਮਾਮਲੇ 'ਚ ਤੀਜਾ ਨੰਬਰ ਰਿਹਾ ਜਦੋਂ ਕਿ ਸਾਲ 2015 ਵਿਚ ਪੰਜਾਬ ਇਸ ਮਾਮਲੇ ਵਿਚ ਦੇਸ਼ ਭਰ ਚੋਂ ਦੂਜੇ ਨੰਬਰ ਤੇ ਸੀ ਅਤੇ ਉਦੋਂ ਦੇਸ਼ ਦੇ 11.96 ਫੀਸਦੀ ਅੰਦੋਲਨ ਇਕੱਲੇ ਪੰਜਾਬ ਦੀ ਧਰਤੀ ਤੇ ਹੋਏ। ਪੰਜਾਬ 'ਚ ਪਿਛਲੇ ਸਮੇਂ ਦੌਰਾਨ ਹੱਕ ਤੇ ਇਨਸਾਫ ਆਮ ਲੋਕਾਂ ਤੋਂ ਦੂਰ ਹੋਇਆ ਹੈ।
                    ਦੋ ਵਰਿ•ਆਂ ਤੋਂ ਅੰਦੋਲਨਾਂ 'ਚ ਸਭ ਤੋਂ ਪਹਿਲੇ ਨੰਬਰ ਤੇ ਤਾਮਿਲਨਾਡੂ ਰਾਜ ਹੈ। ਮੋਟੇ ਅੰਦਾਜ਼ੇ ਅਨੁਸਾਰ ਬਠਿੰਡਾ ਜ਼ੋਨ ਦੇ ਸੱਤ ਜ਼ਿਲਿ•ਆਂ ਵਿਚ ਅਕਾਲੀ ਹਕੂਮਤ ਦੌਰਾਨ ਕਰੀਬ ਛੇ ਹਜ਼ਾਰ ਸੰਘਰਸ਼ੀ ਲੋਕਾਂ 'ਤੇ ਪੁਲੀਸ ਕੇਸ ਦਰਜ ਕੀਤੇ ਗਏ ਸਨ ਜਿਨ•ਾਂ ਚੋਂ ਕਰੀਬ 1500 ਲੋਕਾਂ ਤੇ ਹਲਕਾ ਲੰਬੀ ਵਿਚ ਕੇਸ ਦਰਜ ਹੋਏ ਸਨ। ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੇ ਜਨਰਲ ਸਕੱਤਰ ਲਛਮਣ ਸਿੰਘ ਸੇਵੇਵਾਲਾ ਦਾ ਪ੍ਰਤੀਕਰਮ ਸੀ ਕਿ ਜਦੋਂ ਕੋਈ ਰਾਹ ਨਹੀਂ ਬਚਦਾ ਤਾਂ ਉਦੋਂ ਲੋਕਾਂ ਨੂੰ ਮਜਬੂਰੀ ਵਿਚ ਸੜਕਾਂ ਤੇ ਉਤਰਨਾ ਪੈਂਦਾ ਹੈ। ਅਕਾਲੀ ਰਾਜ ਭਾਗ ਵੇਲੇ ਹੱਕ ਮੰਗਣ ਵਾਲੇ ਲੋਕਾਂ ਨੂੰ ਪੁਲੀਸ ਦੀ ਡਾਂਗ ਮਿਲਦੀ ਰਹੀ ਹੈ। ਉਦੋਂ ਦੀ ਹਕੂਮਤ ਵਾਲੇ ਅੱਜ ਖੁਦ ਸੜਕਾਂ ਤੇ ਉੱਤਰੇ ਹਨ ਜੋ ਕਿਸਾਨਾਂ ਮਜ਼ਦੂਰਾਂ ਦੇ ਅੰਦੋਲਨਾਂ ਨੂੰ ਭੰਡਦੇ ਰਹੇ ਹਨ।
                        ਅਕਾਲੀ ਰਾਜ ਦੌਰਾਨ 10 ਵਰਿ•ਆਂ 'ਚ ਹੋਏ ਅੰਦੋਲਨਾਂ ਤੇ ਇੱਕ ਨਜ਼ਰ
   ਸਾਲ             ਅੰਦੋਲਨਾਂ ਦੀ ਗਿਣਤੀ          ਸਿਆਸੀ ਅੰਦੋਲਨਾਂ ਦੀ ਗਿਣਤੀ
2007                        3583                                     1002
2008                        1607                                       268
2009                        4379                                     1266
2010                        2454                                       917
2011                        7554                                       861
2012                        4246                                       601
2013                        7306                                     1004
2014                      14574                                     1695
2015                      13089                                     3259
2016                      11876                                     2409
   

Friday, December 8, 2017

                                 ਸ਼ਰਾਬ ਤਸਕਰੀ
                   ਬਠਿੰਡਾ ਪੁਲੀਸ ਦੀ ਖੁੱਲੀ ਪੋਲ
                                ਚਰਨਜੀਤ ਭੁੱਲਰ
ਬਠਿੰਡਾ  : ਬਠਿੰਡਾ ਪੁਲੀਸ ਵਲੋਂ 'ਪਾਵਰਫੁੱਲ ਠੇਕੇਦਾਰ' 'ਤੇ ਦਰਜ ਪੁਲੀਸ ਕੇਸ ਨੂੰ ਕੈਂਸਲ ਕਰਨ ਦੀ ਹੁਣ ਵੱਡੀ ਪੋਲ ਖੁੱਲ• ਗਈ ਹੈ ਜਿਸ ਤੋਂ ਪੁਲੀਸ ਤੇ ਆਬਕਾਰੀ ਅਫਸਰਾਂ 'ਤੇ ਸਿੱਧੀ ਉਂਗਲ ਉੱਠਣ ਲੱਗੀ ਹੈ। ਸਿਆਸੀ ਦਬਾਓ ਕਰਕੇ ਆਬਕਾਰੀ ਅਫਸਰਾਂ ਨੇ ਪਹਿਲੋਂ ਸਭ ਕੁਝ ਗੋਲਮਾਲ ਕਰ ਦਿੱਤਾ ਅਤੇ ਹੁਣ ਇਨ•ਾਂ ਅਫਸਰਾਂ ਨੇ ਪੈਰ ਪਿਛਾਂਹ ਖਿੱਚ ਲਏ ਹਨ ਜਿਸ ਤੋਂ ਕੇਸ ਰੱਦ ਕਰਨ ਲਈ ਬੁਣੇ ਤਾਣੇ ਦੀਆਂ ਪਰਤਾਂ ਖੁੱਲ•ਣ ਲੱਗੀਆਂ ਹਨ। ਸਹਾਇਕ ਕਰ ਅਤੇ ਆਬਕਾਰੀ ਅਫਸਰ ਬਠਿੰਡਾ ਤੋਂ ਪ੍ਰਾਪਤ ਆਰ.ਟੀ.ਆਈ ਜੁਆਬ ਨੇ ਸਭ ਕੁਝ ਬੇਪਰਦ ਕਰ ਦਿੱਤਾ ਹੈ। ਦੱਸਣਯੋਗ ਹੈ ਕਿ ਅਡਵਾਂਸ ਵਾਈਨ ਦੇ ਹਿੱਸੇਦਾਰ ਜਸਵਿੰਦਰ ਸਿੰਘ ਜੁਗਨੂੰ ਅਤੇ ਰਮੇਸ਼ ਕੁਮਾਰ ਦੇ ਗ਼ੈਰਕਨੂੰਨੀ ਗੋਦਾਮ ਚੋਂ ਪੁਲੀਸ ਨੇ 28 ਜਨਵਰੀ 2017 ਨੂੰ ਚੋਣਾਂ ਮੌਕੇ ਕਰੀਬ 1.26 ਲੱਖ ਬੋਤਲਾਂ ਸ਼ਰਾਬ ਫੜੀ ਸੀ ਜਿਸ ਦਾ ਥਾਣਾ ਕੈਨਾਲ ਵਿਚ ਐਫ.ਆਈ.ਆਰ ਨੰਬਰ 14 ,ਧਾਰਾ 420,61/1/14 ਆਫ ਐਕਸਾਈਜ ਐਕਟ ਤਹਿਤ ਕੇਸ ਦਰਜ ਹੋਇਆ। ਬਠਿੰਡਾ ਜ਼ੋਨ ਦੇ ਆਈ.ਜੀ ਨੇ 21 ਫਰਵਰੀ ਨੂੰ ਪੱਤਰ ਨੰਬਰ 1360-64/ਆਰ ਤਹਿਤ ਤਤਕਾਲੀ ਐਸ.ਪੀ (ਐਚ) ਦੇਸ ਰਾਜ ਦੀ ਅਗਵਾਈ ਵਿਚ ਵਿਸ਼ੇਸ਼ ਜਾਂਚ ਟੀਮ (ਸਿੱਟ) ਬਣਾ ਦਿੱਤੀ।
                     ਐਸ.ਐਸ.ਪੀ ਬਠਿੰਡਾ ਨੇ 12 ਅਪਰੈਲ ਨੂੰ ਪੱਤਰ ਨੰਬਰ 1142/ ਸਪੈਸ਼ਲ ਤਹਿਤ ਆਈ.ਜੀ ਬਠਿੰਡਾ ਨੂੰ ਸਿੱਟ ਦੀ ਰਿਪੋਰਟ ਦੇ ਦਿੱਤੀ। ਪ੍ਰਵਾਨਗੀ ਮਿਲਣ ਮਗਰੋਂ ਐਸ.ਐਸ.ਪੀ ਨੇ ਪੱਤਰ ਨੰਬਰ 3840/ਪਬ ਤਹਿਤ ਕੈਂਸਲੇਸ਼ਨ ਰਿਪੋਰਟ ਭਰ ਦਿੱਤੀ ਜੋ ਹੁਣ ਅਦਾਲਤ ਵਿਚ ਹੈ। ਬਰਾਮਦ ਸ਼ਰਾਬ ਪੰਜਾਬ ਤੋਂ ਬਿਨ•ਾਂ ਹਰਿਆਣਾ ਤੇ ਅਰੁਣਾਚਲ ਪ੍ਰਦੇਸ਼ ਦੀ ਸੀ। ਸਿੱਟ ਰਿਪੋਰਟ ਅਨੁਸਾਰ ਅਡਵਾਂਸ ਵਾਈਨ ਨੇ 4,37,845 ਰੁਪਏ ਭਰ ਦਿੱਤੀ ਹੈ ਜਿਸ ਦੀ ਪੁਸਟੀ ਆਬਕਾਰੀ ਇੰਸਪੈਕਟਰ ਸੁਰਿੰਦਰ ਕੁਮਾਰ ਨੇ 22 ਮਾਰਚ ਨੂੰ ਪੱਤਰ ਨੰਬਰ 2762 ਤਹਿਤ ਕਰ ਦਿੱਤੀ ਹੈ ਜਿਸ ਦੇ ਅਧਾਰ ਤੇ ਪੁਲੀਸ ਨੇ ਕੈਸਲੇਸ਼ਨ ਰਿਪੋਰਟ ਭਰ ਦਿੱਤੀ ਹੈ। ਤਤਕਾਲੀ ਈ.ਟੀ.ਓ ਵਿਕਰਮ ਠਾਕੁਰ ਨੇ 23 ਮਾਰਚ ਨੂੰ ਪੁਲੀਸ ਕੋਲ ਬਿਆਨ ਦਰਜ ਕਰਾਏ ਕਿ ਅਡਵਾਂਸ ਵਾਈਨ ਨੇ ਬਣਦੀ ਆਬਕਾਰੀ ਡਿਊਟੀ ਭਰ ਦਿੱਤੀ ਹੈ। ਅਗਰ ਪੁਲੀਸ ਕੇਸ ਕੈਂਸਲ ਕਰਦੀ ਹੈ ਤਾਂ ਉਨ•ਾਂ ਨੂੰ ਕੋਈ ਇਤਰਾਜ਼ ਨਹੀਂ। ਇਵੇਂ ਇੰਸਪੈਕਟਰ ਸੁਰਿੰਦਰ ਕੁਮਾਰ ਨੇ ਤਾਂ ਪੁਲੀਸ ਕੋਲ 23 ਮਾਰਚ ਨੂੰ ਇਹ ਬਿਆਨ ਵੀ ਦਰਜ ਕਰਾਏ ਕਿ ਇਸ ਕੰਪਨੀ ਨੇ ਹਰਿਆਣਾ ਤੇ ਅਰੁਣਾਚਲ ਪ੍ਰਦੇਸ਼ ਦੀ ਆਬਕਾਰੀ ਡਿਊਟੀ ਵੀ ਭਰ ਦਿੱਤੀ ਹੈ।
                  ਮਾਮਲੇ ਦੀ ਪੋਲ ਉਦੋਂ ਖੁੱਲ•ਣੀ ਸ਼ੁਰੂ ਹੋ ਗਈ ਜਦੋਂ ਈ.ਟੀ.ਓ ਵਿਕਰਮ ਠਾਕੁਰ ਨੇ 5 ਮਈ ਨੂੰ ਅਦਾਲਤ 'ਚ ਬਿਆਨ ਦੇ ਦਿੱਤੇ ਕਿ ਬਰਾਮਦ ਸ਼ਰਾਬ ਦੀ ਆਬਕਾਰੀ ਡਿਊਟੀ ਨਹੀਂ ਭਰੀ ਜਾ ਸਕਦੀ ਹੈ ਅਤੇ ਉਹ ਪੁਲੀਸ ਵਲੋਂ ਪੇਸ਼ ਕੀਤੀ ਕੈਂਸਲੇਸ਼ਨ ਰਿਪੋਰਟ ਨਾਲ ਸਹਿਮਤ ਨਹੀਂ ਹੈ। ਵਿਕਰਮ ਠਾਕੁਰ ਨੇ ਅੱਜ ਇਸ ਪੱਤਰਕਾਰ ਕੋਲ ਖੁਲਾਸਾ ਕੀਤਾ ਕਿ ਉਨ•ਾਂ ਨੇ ਤਾਂ ਠੇਕੇਦਾਰਾਂ ਤੋਂ ਫੜੀ ਸ਼ਰਾਬ ਦੀ ਫੀਸ ਨਾ ਅਸੈਸ ਕੀਤੀ ਹੈ ਅਤੇ ਨਾ ਭਰਾਈ ਹੈ। ਜੋ ਠੇਕੇਦਾਰਾਂ ਨੇ ਫੀਸ ਭਰੀ ਹੈ, ਉਹ ਉਨ•ਾਂ ਨੇ ਨਹੀਂ ਭਰਾਈ। ਉਨ•ਾਂ ਆਖਿਆ ਕਿ ਪੁਲੀਸ ਕੋਲ ਵੀ ਉਸ ਨੇ ਫੀਸ ਭਰਨ ਦਾ ਕੋਈ ਬਿਆਨ ਨਹੀਂ ਦਿੱਤਾ। ਇੰਸਪੈਕਟਰ ਸੁਰਿੰਦਰ ਕੁਮਾਰ ਨੇ ਇਸ ਮਾਮਲੇ ਤੇ ਹੁਣ ਕੁਝ ਕਹਿਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਆਬਕਾਰੀ ਤੇ ਕਰ ਅਫਸਰ ਬਠਿੰਡਾ ਵਲੋਂ 6 ਦਸੰਬਰ ਨੂੰ ਆਰ.ਟੀ.ਆਈ ਤਹਿਤ ਦਿੱਤੇ ਜੁਆਬ ਵਿਚ ਆਖਿਆ ਹੈ ਕਿ ਜ਼ਿਲ•ਾ ਪੁਲੀਸ ਦਾ ਆਬਕਾਰੀ ਡਿਊਟੀ ਭਰਨ ਦੀ ਪੁਸ਼ਟੀ ਕਰਨ ਆਦਿ ਦਾ ਕੋਈ ਪੱਤਰ ਉਨ•ਾਂ ਨੂੰ ਪ੍ਰਾਪਤ ਨਹੀਂ ਹੋਇਆ। ਵੱਡਾ ਖੁਲਾਸਾ ਇਹ ਕੀਤਾ ਹੈ ਕਿ ਗ਼ੈਰਕਨੂੰਨੀ ਗੋਦਾਮ ਚੋਂ ਸ਼ਰਾਬ ਬਰਾਮਦ ਹੋਣ ਤੇ ਆਬਕਾਰੀ ਡਿਊਟੀ ਜਾਂ ਜੁਰਮਾਨਾ ਭਰਵਾਉਣ ਦਾ ਕੋਈ ਨਿਯਮ ਨਹੀਂ ਹੈ।
                   ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਅਡਵਾਂਸ ਵਾਈਨ ਵਲੋਂ ਭਰੀ 4.37 ਲੱਖ ਦੀ ਰਾਸ਼ੀ ਖ਼ਜ਼ਾਨੇ ਵਿਚ ਜਮ•ਾ ਹੈ ਪ੍ਰੰਤੂ ਇਹ ਆਬਕਾਰੀ ਵਿਭਾਗ ਦੇ ਸਾਲ 2016-17 ਦੇ ਸਰਕਾਰੀ ਮਾਲੀਏ ਦਾ ਹਿੱਸਾ ਨਹੀਂ ਹੈ ਅਤੇ ਇਹ ਰਸੀਦ ਦਫ਼ਤਰ ਰਿਕਾਰਡ ਵਿਚ ਦਰਜ ਨਹੀਂ ਹੈ। ਸੂਤਰ ਹੈਰਾਨ ਹਨ ਕਿ ਅਗਰ ਬਰਾਮਦ ਸ਼ਰਾਬ ਤੇ ਡਿਊਟੀ ਨਹੀਂ ਭਰੀ ਜਾ ਸਕਦੀ ਤਾਂ ਠੇਕੇਦਾਰ ਨੇ ਕਿਸ ਅਧਾਰ ਤੇ ਕਿਸ ਤੋਂ ਅਸੈਸਮੈਂਟ ਕਰਾ ਕੇ ਫੀਸ ਭਰੀ ਹੈ ਜਿਸ ਨੂੰ ਆਬਕਾਰੀ ਮਹਿਕਮਾ ਆਪਣੇ ਮਾਲੀਏ ਦਾ ਹਿੱਸਾ ਮੰਨਣ ਨੂੰ ਤਿਆਰ ਨਹੀਂ ਹੈ ਜਿਸ ਫੀਸ ਨੂੰ ਅਧਾਰ ਬਣਾ ਕੇ ਪੁਲੀਸ ਨੇ ਕੇਸ ਰੱਦ ਕੀਤਾ ਹੈ। ਮਹਿਕਮੇ ਨੇ ਇਹ ਵੀ ਲਿਖਤੀ ਦੱਸਿਆ ਹੈ ਕਿ ਆਬਕਾਰੀ ਨਿਰੀਖਕ ਸੁਰਿੰਦਰ ਕੁਮਾਰ ਨੇ ਐਸ.ਐਸ.ਪੀ ਨੂੰ ਇੱਕ ਪੱਤਰ ਜਰੂਰ ਭੇਜਿਆ ਹੈ ਪ੍ਰੰਤੂ ਆਬਕਾਰੀ ਨਿਰੀਖਕ ਵਲੋਂ ਸਿੱਧੇ ਤੌਰ ਤੇ ਕਿਸੇ ਹੋਰ ਦਫ਼ਤਰ ਨਾਲ ਪੱਤਰ ਵਿਹਾਰ ਨਹੀਂ ਕੀਤਾ ਜਾ ਸਕਦਾ ਹੈ। ਦੱਸਣਯੋਗ ਅਡਵਾਂਸ ਵਾਈਨ ਦੇ ਹਿੱਸੇਦਾਰ ਜਸਵਿੰਦਰ ਜੁਗਨੂੰ ਦਾ ਬਾਪ ਪੀਪਲਜ਼ ਪਾਰਟੀ ਆਫ਼ ਪੰਜਾਬ ਦਾ ਸੀਨੀਅਰ ਆਗੂ ਰਿਹਾ ਹੈ। ਅਡਵਾਂਸ ਵਾਈਨ ਵੱਲ 20.38 ਕਰੋੜ ਦਾ ਬਕਾਇਆ ਖੜ•ਾ ਹੈ। ਪੁਲੀਸ ਕੇਸ ਰੱਦ ਕਰਨ ਦਾ ਇਹ ਮਾਮਲਾ ਮੁੱਖ ਮੰਤਰੀ ਦੀ 'ਨਸ਼ਾ ਮੁਕਤ ਪੰਜਾਬ' ਮੁਹਿੰਮ ਤੇ ਸੁਆਲ ਖੜ•ੇ ਕਰਦਾ ਹੈ। ਆਈ.ਜੀ ਅਤੇ ਐਸ.ਐਸ.ਪੀ ਨੇ ਫੋਨ ਨਹੀਂ ਚੁੱਕਿਆ।

Thursday, November 30, 2017

                                ਬੇਦਰਦ ਹਕੂਮਤ
             ਰੋਲ ਦਿੱਤਾ ਮਰਨਾ ਪੁੱਤ ਸ਼ੇਰ ਬੱਗੇ ਦਾ
                                ਚਰਨਜੀਤ ਭੁੱਲਰ
ਬਠਿੰਡਾ  : ਕੈਪਟਨ ਹਕੂਮਤ ਹੁਣ ਮਾਂ ਸੁਖਜੀਤ ਕੌਰ ਦੇ ਜੇਰੇ ਨੂੰ ਪਰਖ ਰਹੀ ਹੈ। ਇਸ ਮਾਂ ਨੇ ਪਹਿਲਾਂ ਖੇਤਾਂ 'ਚ ਰੁਲਦਾ ਪੁੱਤ ਵੇਖਿਆ ਤੇ ਹੁਣ ਨੌ ਦਿਨਾਂ ਤੋਂ ਪੁੱਤ ਦੀ ਰੁਲਦੀ ਲਾਸ਼ ਦੇਖ ਰਹੀ ਹੈ। ਜਦੋਂ ਸਰਕਾਰ 'ਬੁੱਤ' ਬਣ ਜਾਏ ਤਾਂ ਮਾਂਵਾਂ ਦੇ ਪੁੱਤਾਂ ਦਾ ਮਰਨਾ ਵੀ ਰੁਲ ਜਾਂਦਾ ਹੈ। ਪੂਰੇ ਨੌ ਦਿਨਾਂ ਤੋਂ ਜਵਾਨ ਕਿਸਾਨ ਭੁਪਿੰਦਰ ਸਿੰਘ ਦੀ ਲਾਸ਼ ਰੁਲ ਰਹੀ ਹੈ। ਸਰਕਾਰ ਇਨਸਾਫ ਲੈਣ ਲਈ ਮੈਦਾਨ 'ਚ ਕੁੱਦੇ ਕਿਸਾਨਾਂ ਦਾ ਸਿਰੜ ਵੀ ਤੋਲ ਰਹੀ ਹੈ। ਹਾਲੇ ਤੱਕ ਕਿਸੇ ਅਫਸਰ ਦਾ ਵੀ ਮਨ ਸਭ ਕੁਝ ਦੇਖ ਕੇ ਨਹੀਂ ਉੱਛਲਿਆ। ਮਾਂ ਸੁਖਜੀਤ ਕੌਰ ਹੁਣ ਚਲਦੀ ਫਿਰਦੀ 'ਲਾਸ਼' ਤੋਂ ਵੱਧ ਕੇ ਕੁਝ ਨਹੀਂ। ਰਾਤ ਨੂੰ ਜਦੋਂ ਖੜਾਕ ਹੁੰਦਾ ਹੈ ਤਾਂ ਬੂਹੇ ਵੱਲ ਦੇਖਦੀ ਹੈ। ਨਿਆਂ ਦੇਣ ਦੀ ਥਾਂ ਪੁਲੀਸ ਇਸ ਮਾਂ ਦੇ ਸਬਰ ਨੂੰ ਗਜ਼ਾਂ ਨਾਲ ਨਾਪਣ ਲੱਗੀ ਹੈ। ਬਾਪ ਦਰਸ਼ਨ ਸਿੰਘ ਆਖਦਾ ਹੈ ਕਿ ਜੋ ਪੁੱਤ ਦੀ ਮੌਤ ਲਈ ਜਿੰਮੇਵਾਰ ਹਨ, ਉਨ•ਾਂ ਤੇ ਕੇਸ ਦਰਜ ਹੋਵੇ। ਪਿੰਡ ਮੰਡੀ ਕਲਾਂ ਦੇ ਭੁਪਿੰਦਰ ਸਿੰਘ ਨੇ 20 ਨਵੰਬਰ ਦੀ ਰਾਤ ਨੂੰ ਖੁਦਕੁਸ਼ੀ ਕਰ ਲਈ ਸੀ। ਖੁਦਕੁਸ਼ੀ ਨੋਟ 'ਚ ਉਸ ਨੇ ਇੱਕ ਏ.ਐਸ.ਆਈ ਦਾ ਨਾਮ ਲਿਖਿਆ ਜੋ ਉਸ ਨੂੰ ਡਰਾ ਧਮਕਾ ਰਿਹਾ ਸੀ। ਘਰੋਂ ਮਾਂ ਨੂੰ ਉਹ ਇਹੋ ਆਖ ਕੇ ਗਿਆ ਕਿ ' ਤੜਕੇ ਨਰਮਾ ਮੰਡੀ ਲੈ ਕੇ ਜਾਵਾਂਗੇ'। ਤੜਕਸਾਰ ਮਾਪਿਆਂ ਨੂੰ ਭੁਪਿੰਦਰ ਦੀ ਲਾਸ਼ ਮੰਡੀ ਰਾਮਪੁਰਾ ਦੇ ਹਸਪਤਾਲ ਲਿਜਾਣੀ ਪੈ ਗਈ।
                   ਆੜ•ਤੀਆਂ ਤਾਂ ਕਿਸਾਨ ਭੁਪਿੰਦਰ ਦੇ ਰਾਹ ਦੇਖ ਰਿਹਾ ਸੀ ਪ੍ਰੰਤੂ ਉਸ ਤੋਂ ਪਹਿਲਾਂ ਹੀ ਇਹ ਕਿਸਾਨ ਕਿਸੇ ਹੋਰ 'ਮੰਡੀ' ਚਲਾ ਗਿਆ। ਜਮ•ਾਂ ਦੋ ਦੀ ਪੜਾਈ ਮਗਰੋਂ ਉਸ ਨੇ ਪਾਸਪੋਰਟ ਬਣਾਇਆ ਤੇ ਵਿਦੇਸ਼ ਜਾਣ ਦੇ ਸੁਫਨੇ ਵੇਖਣ ਲੱਗਾ। ਉਸ ਤੋਂ ਪਹਿਲਾਂ ਪੁਲੀਸ ਨੇ ਇੱਕ ਕੇਸ ਦਰਜ ਕਰ ਦਿੱਤਾ ਜਿਸ ਦੀ ਪੜਤਾਲ 'ਚ ਉਹ ਨਿਰਦੋਸ਼ ਨਿਕਲਿਆ। ਛੋਟੀ ਕਿਸਾਨੀ ਵਾਲੇ ਇਸ ਪਰਿਵਾਰ ਨੂੰ ਪੁਲੀਸ ਦੀ ਡਰਾਉਣੀ ਚੁੱਪ ਹੁਣ ਰੜਕ ਰਹੀ ਹੈ। ਬਾਪ ਦਰਸ਼ਨ ਸਿੰਘ ਆਖਦਾ ਹੈ ,' ਏਨੀ ਨਿਰਦਈ ਸਰਕਾਰ, ਕਿਸੇ ਨੇ ਫੋਕਾ ਹਾਅ ਦਾ ਨਾਅਰਾ ਵੀ ਨਹੀਂ ਮਾਰਿਆ।'  ਭੁਪਿੰਦਰ ਸਿੰਘ ਨੇ 20 ਨਵੰਬਰ ਦੀ ਰਾਤ ਨੂੰ ਮੌਤ ਨੂੰ ਜੱਫੀ ਪਾ ਲਈ ਅਤੇ ਮਾਂ ਸੁਖਜੀਤ ਕੌਰ ਨੂੰ ਨਾ ਦਿਨੇ ਚੈਨ ਹੈ ਅਤੇ ਨਾ ਰਾਤ ਨੂੰ ਅੱਖ ਲੱਗਦੀ ਹੈ। ਮਾਂ ਆਖਦੀ ਹੈ ' ਜਿਹਦੇ ਪੁੱਤ ਦੀ ਲਾਸ਼ ਰੁਲ ਜਾਏ, ਉਸ ਨੂੰ ਨੀਂਦਾਂ ਕਿਥੇ'। 'ਜਦੋਂ ਰੋਟੀ ਦੀ ਬੁਰਕੀ ਮੂੰਹ 'ਚ ਪਾਉਂਦੀ ਹਾਂ ਤਾਂ ਲੰਘਦੀ ਨਹੀਂ।' ਮਾਂ ਨੇ ਰੋਂਦੀ ਹੋਈ ਨੇ ਦੱਸਿਆ। ਇਸ ਘਰ ਦਾ ਦੀਵਾ ਹੀ ਬੁੱਝ ਗਿਆ ਹੈ ਅਤੇ ਪੂਰੇ ਪਿੰਡ ਦੇ ਚੁੱਲ•ੇ ਠੰਢੇ ਹੋ ਗਏ ਹਨ। ਪਿੰਡ ਵਾਲਿਆਂ ਦੇ ਇਸ ਸ਼ੇਰ ਬੱਗੇ ਦੀ ਲਾਸ਼ ਨੂੰ ਵੀ ਹੁਣ ਲਮਕਣਾ ਪੈ ਰਿਹਾ ਹੈ। ਇਸ ਪਰਿਵਾਰ ਕੋਲ ਛੇ ਏਕੜ ਜ਼ਮੀਨ ਹੈ ਅਤੇ ਸਿਰ ਸੱਤ ਲੱਖ ਦਾ ਕਰਜ਼ਾ ਹੈ। ਭੁਪਿੰਦਰ ਸਿੰਘ ਦਾ ਇੱਕ ਛੋਟਾ ਭਰਾ ਪ੍ਰਲਾਦ ਸਿੰਘ ਹੈ ਜਿਸ ਨੂੰ ਹੁਣ ਕਦੇ ਵੀ ਸੱਜੀ ਬਾਂਹ ਦਾ ਅਹਿਸਾਸ ਨਹੀਂ ਹੋਵੇਗਾ।
                     ਭਰਾ ਦੱਸਦਾ ਹੈ ਕਿ ਭੁਪਿੰਦਰ ਨੇ ਖੇਤ ਜਾਣ ਤੋਂ ਪਹਿਲਾਂ ਮਾਂ ਤੋਂ ਰੋਟੀ ਖਾਧੀ ਤੇ ਰਾਤ ਨੂੰ ਖੁਦਕੁਸ਼ੀ ਦਾ ਸੁਨੇਹਾ ਆ ਗਿਆ। ਮਾਂ ਸੁਖਜੀਤ ਕੌਰ ਕੋਲ ਹੁਣ ਕੋਈ ਢਾਰਸ ਨਹੀਂ ਬਚੀ। ਕਿਸਾਨ ਆਗੂ ਕਈ ਦਿਨਾਂ ਤੋਂ ਸੜਕਾਂ ਤੇ ਧਰਨੇ ਮਾਰ ਰਹੇ ਹਨ। ਉਧਰ, ਸਰਕਾਰ ਵਲੋਂ ਵੱਟੀ ਚੁੱਪ ਨੇ ਕਿਸਾਨ ਸੰਘਰਸ਼ ਨੂੰ ਐਸਾ ਝੋਕਾ ਲਾਇਆ ਹੈ ਕਿ ਹੁਣ ਕਿਸਾਨ ਉਬਾਲੇ ਖਾਣ ਲੱਗੇ ਹਨ। ਮਾਂ ਸੁਖਜੀਤ ਕੌਰ ਪੁੱਤ ਦੇ ਚਲੇ ਜਾਣ ਮਗਰੋਂ ਵੀ ਮਿੱਟੀ ਫਰੋਲ ਰਹੀ ਹੈ। ਕਿਧਰੋਂ ਵੀ ਕੋਈ ਸਰਕਾਰੀ ਹੁੰਗਾਰਾ ਨਹੀਂ ਮਿਲਿਆ, ਹਾਲਾਂਕਿ ਜ਼ਿੰਦਗੀ ਨੇ ਇਸ ਕਿਸਾਨ ਪ੍ਰਵਾਰ ਨੂੰ ਏਡੀ ਫੇਟ ਮਾਰ ਦਿੱਤੀ ਹੈ। ਹਕੂਮਤ ਇਸ ਮਾਂ ਨੂੰ ਲਿਫਾਉਣਾ ਚਾਹੁੰਦੀ ਹੈ। ਜਦੋਂ ਕਿ ਮਾਂ ਆਪਣਾ ਕਸੂਰ ਪੁੱਛ ਰਹੀ ਹੈ। ਉਹ ਪੁੱਤ ਦੀ ਮੌਤ ਲਈ ਨਿਆਂ ਮੰਗ ਰਹੀ ਹੈ। ਦੂਸਰੀ ਤਰਫ਼ ਸਰਕਾਰ ਇਸ ਮਾਂ ਦੇ ਜਜ਼ਬਾਤਾਂ ਨਾਲ ਕਲੋਲਾਂ ਕਰ ਰਹੀ ਹੈ।
                                ਮੋਤੀ ਮਹਿਲ ਅੱਗੇ ਲਾਸ਼ ਰੱਖਾਂਗੇ : ਕਿਸਾਨ ਯੂਨੀਅਨ
ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਸਿੱਧੂਪੁਰ) ਦੇ ਪ੍ਰਧਾਨ ਜਗਜੀਤ ਸਿੰਘ ਅਤੇ ਜਨਰਲ ਸਕੱਤਰ ਬੋਘ ਸਿੰਘ ਮਾਨਸਾ ਨੇ ਅੱਜ ਐਲਾਨ ਕੀਤਾ ਹੈ ਕਿ ਮ੍ਰਿਤਕ ਕਿਸਾਨ ਭੁਪਿੰਦਰ ਸਿੰਘ ਦੀ ਲਾਸ਼ ਨੂੰ 3 ਦਸੰਬਰ ਨੂੰ ਮੋਤੀ ਮਹਿਲ ਪਟਿਆਲਾ ਅੱਗੇ ਲਿਜਾਇਆ ਜਾਵੇਗਾ ਅਤੇ ਇਸ ਮੌਕੇ ਲਾਸ਼ ਰੱਖ ਕੇ ਧਰਨਾ ਦਿੱਤਾ ਜਾਵੇਗਾ। ਸਰਕਾਰ ਨੇ ਏਨੀ ਬੇਸ਼ਰਮੀ ਧਾਰ ਲਈ ਹੈ ਕਿ ਕਿਸੇ ਨੇ ਇਸ ਪ੍ਰਵਾਰ ਦੀ ਬਾਤ ਤੱਕ ਨਹੀਂ ਪੁੱਛੀ ਹੇ। ਹੁਣ ਪਟਿਆਲੇ ਤੋਂ ਸੁੱਕੇ ਨਹੀਂ ਮੁੜਾਂਗੇ। ਉਨ•ਾਂ ਮੰਗ ਕੀਤੀ ਕਿ ਸਰਕਾਰ ਫੌਰੀ ਦੋਸ਼ੀਆਂ ਖ਼ਿਲਾਫ਼ ਕੇਸ ਦਰਜ ਕਰੇ, ਪੀੜਤ ਪ੍ਰਵਾਰ ਨੂੰ ਮੁਆਵਜ਼ਾ ਦੇਵੇ। ਬਿਨ•ਾਂ ਇਨਸਾਫ ਤੋਂ ਲਾਸ਼ ਦਾ ਸਸਕਾਰ ਨਹੀਂ ਕੀਤਾ ਜਾਵੇਗਾ। 

Wednesday, November 29, 2017

                   ਮੋਤੀਆਂ ਵਾਲੀ ਸਰਕਾਰ
           ਸੱਤ ਲੱਖ ਦਾ ਪਾਣੀ ਪੀ ਗਈ… 
                       ਚਰਨਜੀਤ ਭੁੱਲਰ
ਬਠਿੰਡਾ : ਕੈਪਟਨ ਹਕੂਮਤ 'ਅੰਮ੍ਰਿਤ' ਵਰਗਾ ਪਾਣੀ ਪੀਂਦੀ ਹੈ। ਜਦੋਂ ਮਾਮਲਾ ਵੀ.ਆਈ.ਪੀਜ਼ ਦਾ ਹੋਵੇ ਤਾਂ ਸਰਕਾਰ ਵਲੋਂ ਪੀਣ ਵਾਲੇ ਪਾਣੀ ਦੇ ਮਾਮਲੇ 'ਚ ਕੋਈ ਸਮਝੌਤਾ ਨਹੀਂ। ਤਾਹੀਂਓ ਪ੍ਰਾਹੁਣਚਾਰੀ ਮਹਿਕਮੇ ਵਲੋਂ ਰੋਜ਼ਾਨਾ ਔਸਤਨ ਚਾਰ ਹਜ਼ਾਰ ਰੁਪਏ ਇਕੱਲੇ ਪੀਣ ਵਾਲੇ ਪਾਣੀ ਤੇ ਖਰਚੇ ਜਾ ਰਹੇ ਹਨ। ਲੰਘੇ ਸਾਢੇ ਛੇ ਮਹੀਨਿਆਂ 'ਚ 7.09 ਲੱਖ ਰੁਪਏ ਦਾ ਖਰਚਾ ਇਕੱਲੇ ਪੀਣ ਵਾਲੇ ਪਾਣੀ ਦਾ ਹੈ। ਜਦੋਂ ਅਕਾਲੀ ਹਕੂਮਤ ਸਾਲ 2007-12 'ਚ ਬਣੀ ਸੀ ਤਾਂ ਉਦੋਂ ਪੰਜ ਵਰਿ•ਆਂ 'ਚ ਪੀਣ ਵਾਲੇ ਪਾਣੀ ਦਾ ਖਰਚਾ 10.29 ਲੱਖ ਰੁਪਏ ਦਾ ਸੀ ਜਦੋਂ ਕਿ ਹੁਣ ਸਾਢੇ ਛੇ ਮਹੀਨਿਆਂ 'ਚ ਪਾਣੀ ਦਾ ਖਰਚਾ ਸੱਤ ਲੱਖ ਨੂੰ ਪਾਰ ਕਰ ਗਿਆ ਹੈ। ਪੰਜਾਬ ਦੇ ਆਮ ਲੋਕਾਂ ਨੂੰ ਸ਼ੁੱਧ ਪਾਣੀ ਨਹੀਂ ਮਿਲਦਾ ਹੈ ਤੇ ਮਾਲਵਾ ਖ਼ਿੱਤਾ ਕੈਂਸਰ ਤੇ ਹੈਪੇਟਾਈਟਸ-ਸੀ ਦੀ ਅਲਾਮਤ ਨਾਲ ਦੋ ਚਾਰ ਹੋ ਰਿਹਾ ਹੈ। ਆਰ.ਟੀ.ਆਈ 'ਚ ਪ੍ਰਾਪਤ ਵੇਰਵਿਆਂ ਅਨੁਸਾਰ ਪ੍ਰਾਹੁਣਚਾਰੀ ਮਹਿਕਮੇ ਤਰਫ਼ੋਂ  1 ਅਪਰੈਲ 2017 ਤੋਂ 15 ਅਕਤੂਬਰ 2017 ਤੱਕ ਇਕੱਲੇ ਪੀਣ ਵਾਲੇ ਪਾਣੀ 'ਤੇ 7.09 ਲੱਖ ਰੁਪਏ ਦਾ ਖਰਚਾ ਕੀਤਾ ਗਿਆ ਹੈ। ਮਤਲਬ ਕਿ ਪ੍ਰਤੀ ਦਿਨ ਔਸਤਨ ਚਾਰ ਹਜ਼ਾਰ ਰੁਪਏ ਦਾ ਖਰਚਾ ਇਕੱਲੇ 'ਬੋਤਲਾਂ ਵਾਲੇ ਪਾਣੀ' ਤੇ ਕੀਤਾ ਗਿਆ ਹੈ। ਸਰਕਾਰ ਤਰਫ਼ੋਂ ਬਿਸਲੇਰੀ ,ਕਿਨਲੇ ਆਦਿ ਕੰਪਨੀ ਦਾ ਪਾਣੀ ਪੀਤਾ ਜਾਂਦਾ ਹੈ।
                    ਕੁਝ ਅਰਸਾ ਪਹਿਲਾਂ ਦੱਸਿਆ ਗਿਆ ਸੀ ਕਿ ਪੰਜਾਬ ਸਰਕਾਰ ਕੈਚ ਕੰਪਨੀ ਦਾ 25 ਰੁਪਏ ਲੀਟਰ ਵਾਲਾ ਪਾਣੀ ਵਰਤਦੀ ਰਹੀ ਹੈ। ਭਾਵੇਂ ਪੰਜਾਬ ਦੇ ਮਾਲਵੇ ਦੇ ਲੋਕਾਂ ਨੂੰ ਅਜਿਹਾ ਪਾਣੀ ਨਸੀਬ ਨਹੀਂ ਪ੍ਰੰਤੂ ਇਸ ਮਾਮਲੇ 'ਚ ਵੀ.ਆਈ.ਪੀਜ਼ ਖ਼ੁਸ਼ਨਸੀਬ ਹਨ। ਇਹ ਵੱਖਰੀ ਗੱਲ ਹੈ ਕਿ ਪੰਜਾਬ ਦਾ ਖ਼ਜ਼ਾਨਾ ਮਾਲੀ ਸੰਕਟ ਵਿਚੋਂ ਗੁਜਰ ਰਿਹਾ ਹੈ। ਭਾਵੇਂ ਇਹ ਖਰਚਾ ਵੱਡਾ ਨਹੀਂ ਹੈ ਪ੍ਰੰਤੂ ਸਰਫਾ ਮੁਹਿੰਮ 'ਤੇ ਉਂਗਲ ਜਰੂਰ ਉਠਾਉਂਦਾ ਹੈ। ਉਂਜ, ਨਜ਼ਰ ਮਾਰੀਏ ਤਾਂ ਕੈਪਟਨ ਸਰਕਾਰ ਨੇ 'ਨਾਨ ਵੈਜ' ਤੇ ਪੌਣੇ ਤਿੰਨ ਲੱਖ ਰੁਪਏ ਖਰਚੇ ਹਨ ਜਿਸ 'ਚ 87,268 ਰੁਪਏ ਦਾ ਚਿਕਨ,52,440 ਰੁਪਏ ਦੀ ਮੱਛੀ ਅਤੇ 1.01 ਲੱਖ ਰੁਪਏ ਦੇ ਆਂਡੇ ਵੀ ਸ਼ਾਮਿਲ ਹਨ।  ਜਦੋਂ ਵਰ•ਾ 2002-07 ਦੌਰਾਨ ਕੈਪਟਨ ਅਮਰਿੰਦਰ ਦੀ ਸਰਕਾਰ ਸੀ ਤਾਂ ਉਦੋਂ ਇਨ•ਾਂ ਪੰਜ ਵਰਿ•ਆਂ 'ਚ ਸਰਕਾਰ ਨੇ ਚਾਹ ਪਾਣੀ ਅਤੇ ਕਾਜੂ ਬਦਾਮਾਂ 'ਤੇ 2.39 ਕਰੋੜ ਰੁਪਏ ਖਰਚ ਕੀਤੇ ਸਨ।  ਪ੍ਰਾਹੁਣਚਾਰੀ ਮਹਿਕਮੇ ਨੇ ਦੱਸਿਆ ਹੈ ਕਿ ਲੰਘੇ ਸਾਢੇ ਛੇ ਮਹੀਨਿਆਂ ਵਿਚ ਮੁੱਖ ਮੰਤਰੀ, ਵਜ਼ੀਰਾਂ,ਸਲਾਹਕਾਰਾਂ,ਓ.ਐਸ.ਡੀਜ਼ ਦੇ ਚਾਹ ਪਾਣੀ,ਖਾਣਿਆਂ ਅਤੇ ਸਨੈਕਸ ਦਾ ਖਰਚਾ 48.54 ਲੱਖ ਰੁਪਏ ਆਇਆ ਹੈ।
                   ਇਨ•ਾਂ ਵੀ.ਆਈ.ਪੀਜ਼ ਦਾ ਵੱਖੋ ਵੱਖਰਾ ਖਰਚਾ ਦੱਸਣ ਤੋਂ ਮਹਿਕਮੇ ਨੇ ਟਾਲ਼ਾ ਵੱਟਿਆ ਹੈ। ਏਨਾ ਜਰੂਰ ਦੱਸਿਆ ਹੈ ਕਿ ਇਸ ਚਾਹ ਪਾਣੀ ਤੇ ਸਨੈਕਸ ਆਦਿ ਲਈ ਕੋਈ ਵੱਖਰਾ ਬਜਟ ਨਹੀਂ ਮਿਲਦਾ ਹੈ ਅਤੇ ਇਹ ਖਰਚਾ ਸਲਾਨਾ ਬਜਟ ਚੋਂ ਹੀ ਕੀਤਾ ਜਾਂਦਾ ਹੈ। ਕੈਪਟਨ ਹਕੂਮਤ ਨੂੰ ਇਨ•ਾਂ ਮਹੀਨਿਆਂ 'ਚ ਕਰਾਏ ਚਾਰ ਸਮਾਗਮ ਕਾਫ਼ੀ ਖ਼ਰਚੀਲੇ ਪਏ ਹਨ। 12 ਮਈ ਨੂੰ ਗਲੋਬਲ ਪਾਊਂਡ ਕਾਨਫਰੰਸ ਦੇ ਮਹਿਮਾਨਾਂ ਦੀ ਖ਼ਾਤਰਦਾਰੀ 'ਤੇ 12.29 ਲੱਖ ਰੁਪਏ ਅਤੇ ਇਸੇ ਦਿਨ ਨਾਰਦਨ ਜ਼ੋਨਲ ਕਾਨਫਰੰਸ ਦੇ ਮਹਿਮਾਨਾਂ 'ਤੇ 14.99 ਲੱਖ ਰੁਪਏ ਦਾ ਖਰਚਾ ਆਇਆ ਹੈ। 18 ਜੁਲਾਈ ਨੂੰ ਇੰਡੀਅਨ ਹੈਰੀਟੇਜ ਅਤੇ ਹੋਟਲ ਐਸੋਸੀਏਸ਼ਨ ਕਾਨਫਰੰਸ 'ਤੇ 6.13 ਲੱਖ ਰੁਪਏ ਦਾ ਖਰਚਾ ਆਇਆ ਹੈ। ਮਹਿਕਮੇ ਨੇ ਦੱਸਿਆ ਕਿ ਇਹ 6.13 ਲੱਖ ਦੀ ਅਦਾਇਗੀ ਹਾਲੇ ਕੀਤੀ ਨਹੀਂ ਜਾ ਸਕੀ ਹੈ। ਬਜਟ ਮਿਲਣ ਮਗਰੋਂ ਹੀ ਇਹ ਬਕਾਏ ਤਾਰੇ ਜਾਣੇ ਹਨ। ਸੂਤਰ ਆਖਦੇ ਹਨ ਕਿ ਜਦੋਂ ਆਮ ਲੋਕਾਂ ਲਈ ਸਰਕਾਰ ਹੱਥ ਘੁੱਟ ਕੇ ਖਰਚੇ ਕਰ ਰਹੀ ਹੈ ਤਾਂ ਵੀਆਈਪੀਜ਼ ਲਈ ਕਾਹਤੋਂ ਹੱਥ ਖੋਲਿ•ਆ ਹੋਇਆ ਹੈ। 

Tuesday, November 28, 2017

                    ਝੁਕ ਗਈ ਪੁਲੀਸ 
     ਉੱਡਤਾ ਪੰਜਾਬ ਨੂੰ ਲਾ ਦਿੱਤੇ 'ਖੰਭ'
                     ਚਰਨਜੀਤ ਭੁੱਲਰ
ਬਠਿੰਡਾ : ਬਠਿੰਡਾ ਪੁਲੀਸ ਨੇ 'ਉੜਤਾ ਪੰਜਾਬ' ਨੂੰ ਖੰਭ ਲਾ ਦਿੱਤੇ ਹਨ। ਪੁਲੀਸ ਅਫਸਰਾਂ ਨੇ ਸਵਾ ਲੱਖ ਬੋਤਲਾਂ ਦੀ ਤਸਕਰੀ ਵਾਲੇ ਪੁਲੀਸ ਕੇਸ ਨੂੰ ਕੈਂਸਲ ਕਰ ਦਿੱਤਾ ਹੈ ਜਿਸ ਨਾਲ ਮੁੱਖ ਮੰਤਰੀ ਦੀ 'ਨਸ਼ਾ ਮੁਕਤ ਪੰਜਾਬ' ਮੁਹਿੰਮ 'ਤੇ ਉਂਗਲ ਉੱਠੀ ਹੈ। ਸਿਆਸੀ ਲੀਡਰਾਂ ਦੇ ਨੇੜਲੇ ਸ਼ਰਾਬ ਠੇਕੇਦਾਰ ਜਸਵਿੰਦਰ ਸਿੰਘ ਉਰਫ ਜੁਗਨੂੰ ਦੇ ਗ਼ੈਰਕਨੂੰਨੀ ਗੋਦਾਮ ਚੋਂ ਪੁਲੀਸ ਨੇ 28 ਜਨਵਰੀ 2017 ਨੂੰ ਚੋਣਾਂ ਮੌਕੇ ਕਰੀਬ 1.26 ਲੱਖ ਬੋਤਲਾਂ ਸ਼ਰਾਬ ਫੜੀ ਸੀ ਜਿਸ ਦੀ ਕੀਮਤ 1.30 ਕਰੋੜ ਰੁਪਏ ਦੱਸੀ ਗਈ। ਥਾਣਾ ਕੈਨਾਲ ਬਠਿੰਡਾ ਵਿਚ ਇਸ ਸਬੰਧੀ ਐਫ.ਆਈ.ਆਰ ਨੰਬਰ 14 ,ਧਾਰਾ 420,61/1/14 ਆਫ ਐਕਸਾਈਜ ਐਕਟ ਤਹਿਤ ਦਰਜ ਹੋਈ ਸੀ ਅਤੇ ਠੇਕੇਦਾਰ ਜਸਵਿੰਦਰ ਜੁਗਨੂੰ ਨੂੰ ਉਸ ਮਗਰੋਂ ਪੁਲੀਸ ਨੇ 20 ਫਰਵਰੀ ਨੂੰ ਗ੍ਰਿਫਤਾਰ ਕਰ ਲਿਆ ਸੀ ਜਿਸ ਦੀ ਜ਼ਮਾਨਤ ਮਾਰਚ ਦੇ ਅਖੀਰਲੇ ਦਿਨਾਂ ਵਿਚ ਹੋ ਗਈ ਸੀ। ਵੇਰਵਿਆਂ ਅਨੁਸਾਰ ਮੈਸਰਜ ਅਡਵਾਂਸ ਵਾਈਨਜ਼ ਨੂੰ ਸਾਲ 2016-17 ਦਾ ਬਠਿੰਡਾ ਜ਼ਿਲ•ੇ ਦੇ ਸ਼ਰਾਬ ਕਾਰੋਬਾਰ ਦਾ ਕੰਮ ਮਿਲਿਆ ਸੀ ਜਿਸ ਵਿਚ ਠੇਕੇਦਾਰ ਜੁਗਨੂੰ ਹਿੱਸੇਦਾਰ ਸੀ। ਬਠਿੰਡਾ ਦੇ ਸਨਅਤੀ ਖੇਤਰ ਦੇ ਗੋਦਾਮ ਨੰਬਰ ਏ-7 ਅਤੇ ਈ-10 ਚੋਂ ਪੁਲੀਸ ਨੇ ਚੋਣ ਪ੍ਰਚਾਰ ਦੇ ਦਿਨਾਂ 'ਚ ਕਰੀਬ 1.26 ਲੱਖ ਬੋਤਲਾਂ ਦੇਸੀ ਅਤੇ ਅੰਗਰੇਜ਼ੀ ਸ਼ਰਾਬ ਬਰਾਮਦ ਕੀਤੀ ਸੀ ਜੋ ਕਿ ਪੰਜਾਬ,ਹਰਿਆਣਾ ਅਤੇ ਅਰੁਨਾਚਲ ਪ੍ਰਦੇਸ਼ ਦੀ ਸੀ।
                      ਆਬਕਾਰੀ ਮਹਿਕਮੇ ਨੇ ਅਡਵਾਂਸ ਵਾਈਨਜ ਤੋਂ ਕਰੀਬ 22 ਕਰੋੜ ਰੁਪਏ ਕਿਸ਼ਤਾਂ ਦੇ ਲੈਣੇ ਹਨ ਜਿਸ ਦੇ ਬਦਲੇ ਵਿਚ ਆਬਕਾਰੀ ਅਫਸਰਾਂ ਨੇ ਠੇਕੇਦਾਰ ਜੁਗਨੂੰ ਦੀ ਜ਼ਮੀਨ ਦੀ ਮਾਲ ਮਹਿਕਮੇ ਦੇ ਰਿਕਾਰਡ ਵਿਚ ਰੈੱਡ ਐਂਟਰੀ ਵੀ ਪਾਈ ਹੈ। ਸੂਤਰਾਂ ਅਨੁਸਾਰ ਬਠਿੰਡਾ ਜ਼ੋਨ ਦੇ ਤਤਕਾਲੀ ਆਈ.ਜੀ ਨੇ ਪਰਚਾ ਦਰਜ ਹੋਣ ਤੋਂ ਥੋੜਾ ਸਮਾਂ ਮਗਰੋਂ ਹੀ ਇਸ ਮਾਮਲੇ 'ਚ ਵਿਸ਼ੇਸ਼ ਜਾਂਚ ਟੀਮ (ਸਿਟ) ਤਤਕਾਲੀ ਐਸ.ਪੀ ਸਿਟੀ ਦੇਸ ਰਾਜ ਦੀ ਅਗਵਾਈ ਵਿਚ ਬਣਾ ਦਿੱਤੀ ਸੀ ਜਿਸ ਦੀ ਰਿਪੋਰਟ ਨੂੰ ਮਗਰੋਂ ਆਈ.ਜੀ ਨੇ ਪ੍ਰਵਾਨ ਵੀ ਕਰ ਲਿਆ ਹੈ। ਤਤਕਾਲੀ ਸਿੱਟ ਇੰਚਾਰਜ ਐਸ.ਪੀ ਦੇਸ ਰਾਜ ਦਾ ਕਹਿਣਾ ਸੀ ਕਿ ਉਨ•ਾਂ ਨੇ ਇਸ ਮਾਮਲੇ ਵਿਚ ਕਾਨੂੰਨੀ ਰਾਇ ਲੈਣ ਮਗਰੋਂ ਹੀ ਰਿਪੋਰਟ ਦਿੱਤੀ ਸੀ। ਸੂਤਰ ਦੱਸਦੇ ਹਨ ਕਿ ਸਿਟ ਦੀ ਸਿਫਾਰਸ਼ ਤੇ ਹੀ ਐਫ.ਆਈ.ਆਰ ਕੈਂਸਲ ਕੀਤੀ ਗਈ ਹੈ। ਪਤਾ ਲੱਗਾ ਹੈ ਕਿ ਸਿਟ ਤਰਫ਼ੋਂ ਆਬਕਾਰੀ ਮਹਿਕਮੇ ਨੂੰ ਪੜਤਾਲ ਵਿਚ ਸ਼ਾਮਲ ਹੀ ਨਹੀਂ ਕੀਤਾ ਗਿਆ ਹੈ। ਆਈ.ਜੀ ਬਠਿੰਡਾ ਸ੍ਰੀ ਮੁਖਵਿੰਦਰ ਸਿੰਘ ਛੀਨਾ ਦਾ ਪ੍ਰਤੀਕਰਮ ਸੀ ਕਿ ਉਨ•ਾਂ ਦੇ ਅਜਿਹਾ ਕੋਈ ਪੁਲੀਸ ਕੇਸ ਕੈਂਸਲ ਕਰਨ ਦਾ ਮਾਮਲਾ ਧਿਆਨ ਵਿਚ ਨਹੀਂ ਹੈ। ਉਹ ਰਿਕਾਰਡ ਦੇਖਣ ਮਗਰੋਂ ਹੀ ਕੁਝ ਦੱਸ ਸਕਦੇ ਹਨ।
                  ਸੂਤਰ ਦੱਸਦੇ ਹਨ ਕਿ ਪੁਲੀਸ ਨੇ ਕੈਂਸਲੇਸ਼ਨ ਰਿਪੋਰਟ ਅਦਾਲਤ ਨੂੰ ਦੇ ਦਿੱਤੀ ਹੈ ਜਿਸ 'ਤੇ ਅਦਾਲਤ ਤਰਫ਼ੋਂ ਫ਼ੈਸਲਾ ਲਿਆ ਜਾਣਾ ਬਾਕੀ ਹੈ। ਦੱਸਣਯੋਗ ਹੈ ਕਿ ਜਿਸ ਗੋਦਾਮ ਚੋਂ ਸ਼ਰਾਬ ਫੜੀ ਗਈ ਸੀ, ਉਹ ਗੁਦਾਮ ਨੀਲਮ ਰਾਣੀ ਦਾ ਸੀ ਜਿਸ ਤੋਂ ਜਸਵਿੰਦਰ ਜੁਗਨੂੰ ਨੇ ਗੋਦਾਮ ਕਿਰਾਏ ਤੇ ਲਿਆ ਹੋਇਆ ਸੀ। ਸੂਤਰ ਦੱਸਦੇ ਹਨ ਕਿ ਕਾਂਗਰਸ ਪਾਰਟੀ ਨਾਲ ਜੁਗਨੂੰ ਦੀ ਨੇੜਤਾ ਰਹੀ ਹੈ ਅਤੇ ਜੁਗਨੂੰ ਦਾ ਪਿਤਾ ਪੀਪਲਜ਼ ਪਾਰਟੀ ਆਫ਼ ਪੰਜਾਬ ਦਾ ਆਗੂ ਰਿਹਾ ਹੈ। ਜਦੋਂ ਮਾਮਲਾ ਅਦਾਲਤ ਵਿਚ ਗਿਆ ਸੀ ਤਾਂ ਆਬਕਾਰੀ ਮਹਿਕਮੇ ਨੇ ਅਸਹਿਮਤੀ ਜ਼ਾਹਰ ਕੀਤੀ ਸੀ। ਤਤਕਾਲੀ ਈ.ਟੀ.ਓ ਵਿਕਰਮ ਠਾਕੁਰ ਦਾ ਕਹਿਣਾ ਸੀ ਕਿ ਉਨ•ਾਂ ਨੇ ਅਦਾਲਤ ਵਿਚ ਬਿਆਨ ਦਰਜ ਕਰਾ ਕੇ ਪੁਲੀਸ ਦੀ ਰਿਪੋਰਟ ਨਾਲ ਅਸਹਿਮਤੀ ਜਿਤਾ ਦਿੱਤੀ ਸੀ ਕਿਉਂਕਿ ਫੜੀ ਸ਼ਰਾਬ ਦੂਸਰੇ ਰਾਜਾਂ ਦੀ ਸੀ।  ਥਾਣਾ ਕੈਨਾਲ ਦੇ ਮੁੱਖ ਥਾਣਾ ਅਫਸਰ ਸ੍ਰੀ ਕੁਲਵਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਐਫ.ਆਈ.ਆਰ ਨੰਬਰ 14 ਨੂੰ ਸਿੱਟ ਦੀ ਸਿਫਾਰਸ਼ 'ਤੇ ਕੈਂਸਲ ਕਰ ਦਿੱਤਾ ਹੈ ਅਤੇ ਕੈਂਸਲੇਸ਼ਨ ਰਿਪੋਰਟ ਅਦਾਲਤ ਵਿਚ ਪੇਸ਼ ਕੀਤੀ ਗਈ ਹੈ ਜਿਸ ਨੂੰ ਨਾ ਅਦਾਲਤ ਨੇ ਹਾਲੇ ਸਵੀਕਾਰ ਕੀਤਾ ਹੈ ਅਤੇ ਨਾ ਹੀ ਇਸ 'ਤੇ ਕੋਈ ਅਗਲਾ ਹੁਕਮ ਸੁਣਾਇਆ ਹੈ।
                ਕੁਲਵਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਪੜਤਾਲ ਰਿਪੋਰਟ ਵਿਚ ਇਹੋ ਆਖਿਆ ਗਿਆ ਹੈ ਕਿ ਸਬੰਧਿਤ ਵਿਅਕਤੀ ਨੇ ਐਕਸਾਈਜ ਫੀਸ ਭਰ ਦਿੱਤੀ ਹੈ।  ਦੂਸਰੀ ਤਰਫ਼ ਮੌਜੂਦਾ ਈ.ਟੀ.ਓ ਬਠਿੰਡਾ ਸ੍ਰੀ ਆਰ.ਐਸ.ਰੋਮਾਣਾ ਦਾ ਕਹਿਣਾ ਸੀ ਕਿ ਅਡਵਾਂਸ ਵਾਈਨ ਦੇ ਗ਼ੈਰਕਨੂੰਨੀ ਗੋਦਾਮ ਚੋਂ ਸ਼ਰਾਬ ਫੜੀ ਗਈ ਸੀ ਜਿਸ ਦੀ ਕੋਈ ਕਿਸੇ ਵਲੋਂ ਨਾ ਐਕਸਾਈਜ ਡਿਊਟੀ ਭਰੀ ਗਈ ਹੈ ਅਤੇ ਨਾ ਹੀ ਭਰੀ ਜਾ ਸਕਦੀ ਹੈ। ਉਨ•ਾਂ ਨੂੰ ਨਾ ਕਿਸੇ ਪੜਤਾਲ ਵਿਚ ਸੱਦਿਆ ਗਿਆ ਹੈ ਅਤੇ ਨਾ ਅਦਾਲਤ ਦੇ ਕੋਈ ਸੰਮਨ ਆਏ ਹਨ। ਉਨ•ਾਂ ਦੱਸਿਆ ਕਿ ਅਡਵਾਂਸ ਵਾਈਨ ਵੱਲ 22 ਕਰੋੜ ਦੇ ਬਕਾਏ ਖੜ•ੇ ਹਨ ਜਿਸ ਕਰਕੇ ਉਨ•ਾਂ ਦੀ ਸੰਪਤੀ ਦੀ ਰੈਡ ਐਂਟਰੀ ਮਾਲ ਵਿਭਾਗ ਦੇ ਰਿਕਾਰਡ ਵਿਚ ਪਾ ਦਿੱਤੀ ਗਈ ਹੈ।

Sunday, November 26, 2017

                               ਲੀਡਰ ਫਸੇ
            ਹੁਣ 'ਵੱਡੇ ਡਿਫਾਲਟਰਾਂ' ਨੂੰ ਘੇਰਾ
                             ਚਰਨਜੀਤ ਭੁੱਲਰ
ਬਠਿੰਡਾ : ਸਹਿਕਾਰੀ ਬੈਂਕਾਂ ਨੇ ਹੁਣ 'ਵੱਡੇ ਡਿਫਾਲਟਰਾਂ' ਨੂੰ ਹੱਥ ਪਾਉਣਾ ਸ਼ੁਰੂ ਕੀਤਾ ਹੈ ਜਿਨ••ਾਂ ਵੱਲ ਕਰੋੜਾਂ ਰੁਪਏ ਵਰਿ•ਆਂ ਤੋਂ ਅੜ•ੇ ਹੋਏ ਹਨ। ਜਦੋਂ ਵਸੂਲੀ ਦਰ ਨੂੰ ਕਿਧਰੋਂ ਢਾਰਸ ਨਾ ਮਿਲੀ ਤਾਂ ਬੈਂਕ ਅਫਸਰਾਂ ਨੇ 'ਵੱਡਿਆਂ' ਦੇ ਬੂਹੇ ਖੜਕਾਉਣੇ ਸ਼ੁਰੂ ਕੀਤੇ ਹਨ। ਖੇਤੀ ਵਿਕਾਸ ਬੈਂਕਾਂ ਨੇ ਹੁਣ ਹਰ ਜ਼ਿਲ••ੇ ਦੇ 'ਟੌਪ-50' (ਵੱਡੇ ਪੰਜਾਹ ਡਿਫਾਲਟਰਾਂ) ਦੀ ਸ਼ਨਾਖ਼ਤ ਕੀਤੀ ਹੈ ਜਿਨ••ਾਂ ਕੋਲ ਹੁਣ ਬੈਂਕ ਦੇ ਮੁੱਖ ਅਫਸਰਾਂ ਨੂੰ ਭੇਜਣਾ ਸ਼ੁਰੂ ਕੀਤਾ ਹੈ। ਪੰਜਾਬ ਭਰ ਵਿਚ 89 ਖੇਤੀ ਵਿਕਾਸ ਬੈਂਕਾਂ ਦੇ 4450 ਵੱਡੇ ਡਿਫਾਲਟਰਾਂ ਦੀ ਸ਼ਨਾਖ਼ਤ ਹੋਈ ਹੈ ਜਿਨ••ਾਂ ਵੱਲ 233 ਕਰੋੜ ਰੁਪਏ ਫਸੇ ਹੋਏ ਹਨ ਜੋ ਕਿ ਕੁੱਲ ਵਸੂਲੀ ਦਾ 13 ਫੀਸਦੀ ਬਣਦਾ ਹੈ। ਵੱਡੇ ਡਿਫਾਲਟਰਾਂ ਵਿਚ ਹਾਕਮ ਧਿਰ ਕਾਂਗਰਸ ਅਤੇ ਅਕਾਲੀ ਦਲ ਦੇ ਵੱਡੇ ਨੇਤਾ ਵੀ ਸ਼ਾਮਲ ਹਨ ਜੋ ਬੈਂਕਾਂ ਦਾ ਕਰਜ਼ਾ ਮੋੜ ਨਹੀਂ ਰਹੇ ਹਨ। ਵੇਰਵਿਆਂ ਅਨੁਸਾਰ ਖੇਤੀ ਵਿਕਾਸ ਬੈਂਕਾਂ ਨੇ ਐਤਕੀਂ 1800 ਕਰੋੜ ਦੀ ਵਸੂਲੀ ਕਰਨੀ ਹੈ ਜਿਸ ਚੋਂ ਹੁਣ ਤੱਕ ਸਿਰਫ਼ 178 ਕਰੋੜ ਦੀ ਵਸੂਲੀ ਹੋਈ ਹੈ ਜੋ ਕਿ ਪਿਛਲੇ ਵਰੇ• ਦੀ ਵਸੂਲੀ ਦਰ 9.8 ਫੀਸਦੀ ਦੇ ਮੁਕਾਬਲੇ ਕਰੀਬ 10 ਫੀਸਦੀ ਬਣਦੀ ਹੈ। ਖੇਤੀ ਵਿਕਾਸ ਬੈਂਕਾਂ ਨੂੰ ਰੋਜ਼ਾਨਾ 5 ਕਰੋੜ ਦੀ ਵਸੂਲੀ ਆ ਰਹੀ ਹੈ। ਹਰ ਖੇਤੀ ਵਿਕਾਸ ਬੈਂਕ ਤਰਫ਼ੋਂ ਬੈਂਕ ਵਾਈਜ ਅਤੇ ਫਿਰ ਜ਼ਿਲ•ਾ ਵਾਈਜ ਉਪਰਲੇ ਵੱਡੇ ਪੰਜਾਹ ਡਿਫਾਲਟਰਾਂ ਦੀ ਸੂਚੀ ਤਿਆਰ ਕੀਤੀ ਗਈ ਹੈ।
                    ਬਠਿੰਡਾ ਜ਼ਿਲ••ੇ ਵਿਚ ਇੱਕ ਸਾਬਕਾ ਅਕਾਲੀ ਮੰਤਰੀ ਦਾ ਸਾਲਾ ਵੀ 16.13 ਲੱਖ ਰੁਪਏ ਦਾ ਡਿਫਾਲਟਰ ਹੈ ਜਿਸ ਨੇ ਸਾਲ 1997 ਵਿਚ ਪੋਲਟਰੀ ਲਈ ਲੋਨ ਲਿਆ ਸੀ। ਜ਼ਿਲ••ਾ ਬਠਿੰਡਾ 'ਚ ਜੋ ਟੌਪ-50 ਦੀ ਸੂਚੀ ਤਿਆਰ ਹੋਈ ਹੈ, ਉਸ ਵਿਚ ਸਾਬਕਾ ਮੰਤਰੀ ਦਾ ਸਾਲਾ ਚੌਥੇ ਸਥਾਨ 'ਤੇ ਹੈ। ਬਠਿੰਡਾ ਜ਼ਿਲ••ੇ 'ਚ ਖੇਤੀ ਵਿਕਾਸ ਬੈਂਕਾਂ ਦੇ ਉਪਰਲੇ ਵੱਡੇ ਪੰਜਾਹ ਡਿਫਾਲਟਰਾਂ ਵੱਲ 6.43 ਕਰੋੜ ਰੁਪਏ ਖੜ•ੇ ਹਨ ਜਿਨ•ਾਂ ਚੋਂ ਕਈ ਲੋਨ 21-21 ਸਾਲ ਪੁਰਾਣੇ ਹਨ। ਰਾਮਾਂ ਇਲਾਕੇ ਦਾ ਇੱਕ ਕਾਂਗਰਸੀ ਨੇਤਾ ਵੀ 11.33 ਲੱਖ ਰੁਪਏ ਦਾ ਡਿਫਾਲਟਰ ਹੈ ਜਿਸ ਨੇ ਬਾਗ ਲਾਉਣ ਵਾਸਤੇ ਲੋਨ ਲਿਆ ਸੀ। ਖੇਤੀ ਵਿਕਾਸ ਬੈਂਕਾਂ ਬਠਿੰਡਾ ਦੇ ਏਜੀਐਮ ਸ੍ਰੀ ਰਣਜੀਤ ਸਿੰਘ ਨੇ ਦੱਸਿਆ ਕਿ ਉਹ ਨਿੱਜੀ ਤੌਰ ਤੇ ਟੌਪ-50 ਡਿਫਾਲਟਰਾਂ ਦੇ ਘਰਾਂ ਵਿਚ ਵਸੂਲੀ ਵਾਸਤੇ ਗਏ ਹਨ ਪ੍ਰੰਤੂ ਹਾਲੇ ਤੱਕ ਕਿਸੇ ਨੇ ਕਿਸ਼ਤ ਭਰੀ ਨਹੀਂ ਹੈ। ਸੂਤਰਾਂ ਅਨੁਸਾਰ ਮੁਕਤਸਰ ਜ਼ਿਲ•ੇ 'ਚ ਇਨ•ਾਂ ਬੈਂਕਾਂ ਨੇ 150 ਕਰੋੜ ਵਸੂਲ ਕਰਨੇ ਸਨ ਜਿਨ•ਾਂ ਚੋਂ ਟੌਪ-50 ਵੱਲ 7.05 ਕਰੋੜ ਰੁਪਏ ਖੜ•ੇ ਹਨ।
                  ਮੁਕਤਸਰ ਜ਼ਿਲ••ੇ  ਦੀ ਜੋ ਟੌਪ-50 ਡਿਫਾਲਟਰਾਂ ਦੀ ਸੂਚੀ ਹੈ, ਉਸ 'ਚ ਸਭ ਤੋਂ ਉਪਰ ਸਾਬਕਾ ਅਕਾਲੀ ਚੇਅਰਮੈਨ ਦਿਆਲ ਸਿੰਘ ਕੋਲਿਆਂਵਾਲੀ ਦਾ ਨਾਮ ਹੈ ਜਿਨ•ਾਂ ਨੇ ਸਾਲ 2004 ਵਿਚ ਕੰਬਾਇਨ ਲਈ ਕਰਜ਼ਾ ਲਿਆ ਸੀ ਜੋ ਕਿ ਹੁਣ ਕਰੀਬ 35 ਲੱਖ ਰੁਪਏ ਬਣ ਗਿਆ ਹੈ। ਕੋਲਿਆਂਵਾਲੀ ਨੇ ਸੰਪਰਕ ਕਰਨ ਤੇ ਫੋਨ ਨਹੀਂ ਚੁੱਕਿਆ। ਹਲਕਾ ਲੰਬੀ ਦੇ ਖੇਤੀ ਵਿਕਾਸ ਬੈਂਕ ਦੀ ਵਸੂਲੀ ਦਰ ਐਤਕੀਂ ਹੁਣ ਤੱਕ 8.7 ਫੀਸਦੀ ਹੈ ਜੋ ਕਿ ਪਿਛਲੇ ਸਾਲ 9.7 ਫੀਸਦੀ ਸੀ। ਪਿੰਡ ਬਾਦਲ ਦੇ ਦਰਜਨ ਦੇ ਕਰੀਬ ਕਿਸਾਨਾਂ ਨੇ ਇਸ ਬੈਂਕ ਤੋਂ ਕਰਜ਼ਾ ਚੁੱਕਿਆ ਹੋਇਆ ਹੈ। ਸੂਤਰ ਦੱਸਦੇ ਹਨ ਕਿ ਬਰਨਾਲਾ ,ਸੰਗਰੂਰ ਤੇ ਮਾਨਸਾ ਦੇ ਵੀ ਕਈ ਸਿਆਸੀ ਆਗੂ ਇਨ•ਾਂ ਡਿਫਾਲਟਰਾਂ ਵਿਚ ਸ਼ਾਮਿਲ ਹਨ।  ਵੇਰਵਿਆਂ ਅਨੁਸਾਰ ਪੰਜਾਬ ਭਰ ਵਿਚ 1.21 ਲੱਖ ਕਿਸਾਨਾਂ ਤੋਂ ਕਰਜ਼ਾ ਵਸੂਲੀ ਕਰਨੀ ਹੈ ਜਿਸ ਚੋਂ 93,778 ਕਿਸਾਨ ਡਿਫਾਲਟਰ ਹਨ। ਜੋ 4450 ਵੱਡੇ ਡਿਫਾਲਟਰ ਹਨ, ਉਨ•ਾਂ ਨੇ ਹੁਣ ਤੱਕ 8 ਕਰੋੜ ਭਰੇ ਹਨ। ਫਿਰੋਜ਼ਪੁਰ ਡਵੀਜ਼ਨ ਦੀ ਵਸੂਲੀ ਦਰ ਹੁਣ ਤੱਕ 6.5 ਫੀਸਦੀ ਹੈ ਜੋ ਕਿ ਪਿਛਲੇ ਵਰੇ• 7.4 ਫੀਸਦੀ ਸੀ। ਬੀ.ਕੇ.ਯੂ (ਉਗਰਾਹਾਂ) ਮਾਨਸਾ ਦੇ ਜ਼ਿਲ•ਾ ਪ੍ਰਧਾਨ ਰਾਮ ਸਿੰਘ ਭੈਣੀ ਬਾਘਾ ਦਾ ਕਹਿਣਾ ਸੀ ਕਿ ਆਮ ਕਿਸਾਨਾਂ ਦੀ ਥਾਂ ਸਿਆਸੀ ਪਾਰਟੀਆਂ ਦੇ ਵੱਡੇ ਡਿਫਾਲਟਰ ਨੇਤਾਵਾਂ ਦੇ ਬੈਂਕ ਨਾਮ ਜਨਤਿਕ ਕਰਨ ਜੋ ਸਿਆਸੀ ਆੜ ਹੇਠ ਵਸੂਲੀ ਨਹੀਂ ਦੇ ਰਹੇ ਹਨ।
                         ਵੱਡੇ ਡਿਫਾਲਟਰਾਂ ਦੇ ਦਰਵਾਜੇ ਖੜ•ਕਾ ਰਹੇ ਹਾਂ : ਐਮ.ਡੀ
ਖੇਤੀ ਵਿਕਾਸ ਬੈਂਕਾਂ ਦੇ ਮੈਨੇਜਿੰਗ ਡਾਇਰੈਕਟਰ ਸ੍ਰ. ਹਰਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਹਰ ਜ਼ਿਲ••ੇ ਦੇ ਟਾਪ-50 ਵੱਡੇ ਡਿਫਾਲਟਰਾਂ ਦੀ ਸ਼ਨਾਖ਼ਤ ਕੀਤੀ ਹੈ ਜਿਨ•ਾਂ ਦੇ ਘਰਾਂ 'ਚ  ਵਸੂਲੀ ਲਈ ਅਫਸਰਾਂ ਨੂੰ ਭੇਜਣਾ ਸ਼ੁਰੂ ਕੀਤਾ ਹੈ। ਸਰਦੇ ਪੁੱਜਦੇ ਡਿਫਾਲਟਰਾਂ ਤੋਂ ਪੈਸਾ ਕਢਵਾਉਣ ਲਈ ਜ਼ੋਰ ਲਾਇਆ ਜਾ ਰਿਹਾ ਹੈ ਜਿਸ ਦੇ ਚੰਗੇ ਨਤੀਜੇ ਮਿਲਣ ਦੀ ਸੰਭਾਵਨਾ ਹੈ। ਉਨ•ਾਂ ਆਖਿਆ ਕਿ ਆਉਂਦੇ ਦਿਨਾਂ ਵਿਚ ਵਸੂਲੀ ਦਰ ਵਿਚ ਸੁਧਾਰ ਦੀ ਆਸ ਹੈ ਕਿਉਂਕਿ ਵੇਚੀ ਜਿਣਸ ਦਾ ਪੈਸਾ ਆੜ•ਤੀਆਂ ਤੋਂ ਕਿਸਾਨਾਂ ਨੂੰ ਹੁਣ ਮਿਲਿਆ ਹੈ। 

Saturday, November 25, 2017

                  ਉੜਤਾ ਪੰਜਾਬ 
     ਬੀਬੀਆਂ ਨੇ ਵੀ ਖੰਭ ਖਿਲਾਰੇ
                  ਚਰਨਜੀਤ ਭੁੱਲਰ
ਬਠਿੰਡਾ  : ਫਾਜਿਲਕਾ ਦਾ ਪਿੰਡ ਸੁਖੇਰਾ ਬੋਦਲਾ ਹੁਣ ਪੰਜਾਬ ਦੇ ਕੌੜੇ ਸੱਚ ਨੂੰ ਦੱਸਣ ਲਈ ਕਾਫ਼ੀ ਹੈ। ਸੁਖੇਰਾ ਬੋਦਲਾ 'ਚ ਜਦੋਂ ਔਰਤਾਂ ਨੇ ਤਸਕਰੀ ਵਿੱਢੀ ਤਾਂ ਪੁਲੀਸ ਦੀ ਹੈਰਾਨੀ ਪ੍ਰੇਸ਼ਾਨੀ ਵੀ ਵਧੀ। ਭਾਵੇਂ ਪੂਰਾ ਪਿੰਡ ਤਸਕਰੀ 'ਚ ਨਹੀਂ ਡੁੱਬਾ ਪ੍ਰੰਤੂ ਇਸ ਪਿੰਡ ਦੇ ਮੱਥੇ 'ਤੇ ਤਸਕਰੀ ਦਾ ਦਾਗ ਔਰਤਾਂ ਨੇ ਲਾਇਆ ਹੈ। ਜਲਾਲਾਬਾਦ (ਸਦਰ) ਥਾਣੇ ਦੇ ਇਸ ਪਿੰਡ 'ਚ ਔਰਤਾਂ 'ਤੇ 34 ਪੁਲੀਸ ਕੇਸ ਨਸ਼ਾ ਤਸਕਰੀ ਦੇ ਦਰਜ ਹੋਏ ਹਨ। ਲੰਘੇ ਦਸ ਵਰਿ•ਆਂ 'ਚ ਇਸ ਪਿੰਡ ਦੀਆਂ ਔਰਤਾਂ 'ਤੇ 21 ਕੇਸ ਐਨ. ਡੀ. ਪੀ. ਐਸ ਐਕਟ ਅਤੇ 13 ਕੇਸ ਆਬਕਾਰੀ ਐਕਟ ਤਹਿਤ ਦਰਜ ਹੋਏ ਹਨ। ਵਜਾ ਕੋਈ ਵੀ ਹੋਵੇ, ਔਰਤਾਂ ਵਲੋਂ ਤਸਕਰੀ ਦੇ ਰਾਹ ਪੈਣਾ ਪੰਜਾਬ ਲਈ ਖੈਰ ਨਹੀਂ। ਮੁਕਤਸਰ ਦਾ ਪਿੰਡ ਝੋਰੜ ਕਦੇ ਨਰਮੇ ਦੀ ਦੇਸੀ ਕਿਸਮ 'ਝੋਰੜ' ਵਜੋਂ ਮਸ਼ਹੂਰ ਸੀ। ਹੁਣ ਕੁਝ ਔਰਤਾਂ ਨੇ ਪਿੰਡ ਝੋਰੜ ਨੂੰ ਸ਼ਰਮਸਾਰ ਕਰ ਦਿੱਤਾ ਹੈ। ਲੰਘੇ ਦਹਾਕੇ 'ਚ ਝੋਰੜ ਦੇ ਵਸਨੀਕਾਂ 'ਤੇ ਤਸਕਰੀ ਦੇ 24 ਪੁਲੀਸ ਕੇਸ ਦਰਜ ਹੋਏ ਹਨ ਜਿਨ•ਾਂ ਚੋਂ 13 ਕੇਸ ਇਕੱਲੇ ਔਰਤਾਂ ਦੇ ਦਰਜ ਹੋਏ ਹਨ। ਕਿਸੇ ਔਰਤ ਨੂੰ ਸਜ਼ਾ ਅਤੇ ਕੋਈ ਬਰੀ ਹੋ ਗਈ ਹੈ। ਇਕੱਲੀ ਰਾਣੀ ਨਾਮ ਦੀ ਔਰਤ 'ਤੇ ਕਰੀਬ ਪੰਜ ਪੁਲੀਸ ਕੇਸ ਦਰਜ ਹੋਏ ਹਨ।
                     ਹੁਸ਼ਿਆਰਪੁਰ ਜ਼ਿਲ•ੇ ਵਿਚ ਪਿੰਡ ਦੋਨਾਖੁਰਦ ਹੈ ਜਿਥੇ ਔਰਤਾਂ 'ਤੇ ਤਸਕਰੀ ਦੇ ਕਰੀਬ 65 ਕੇਸ ਦਰਜ ਹੋਏ ਹਨ। ਫਿਰੋਜ਼ਪੁਰ ਦੇ ਪਿੰਡ ਖਿਲਚੀਆਂ ਕਦੀਮ ਦੀ ਇੱਕ ਔਰਤ ਛਿੰਦੋ 'ਤੇ ਐਕਸਾਈਜ ਐਕਟ ਤੇ 9 ਕੇਸ ਦਰਜ ਹੋਏ ਹਨ। ਮੋਗਾ ਜ਼ਿਲ•ੇ ਦਾ ਪਿੰਡ ਦੌਲੇਵਾਲਾ ਤਾਂ ਤਸਕਰਾਂ ਦੀ ਰਾਜਧਾਨੀ ਹੈ। ਪਿੰਡ ਦੇ 75 ਫੀਸਦੀ ਘਰ ਤਸਕਰੀ ਦੇ ਕਾਰੋਬਾਰ ਵਿਚ ਪਏ ਹੋਏ ਹਨ। ਇਸ ਪਿੰਡ ਵਿਚ ਕਰੀਬ 80 ਪੁਲੀਸ ਕੇਸ ਇਕੱਲੇ ਔਰਤਾਂ ਤੇ ਦਰਜ ਹਨ ਜਿਨ•ਾਂ ਚੋਂ ਦਰਜਨ ਕੇਸ ਇਕੱਲੀ ਸਮੈਕ ਤਸਕਰੀ ਦੇ ਹਨ। ਪਿੰਡ ਵਿਚ ਕਰੀਬ 400 ਘਰ ਹਨ। ਥਾਣਾ ਮਮਦੋਟ ਦੇ ਪਿੰਡ ਛਾਂਗਾ ਖੁਰਦ 'ਚ ਚਾਰ ਔਰਤਾਂ 'ਤੇ 10 ਕੇਸ ਐਕਸਾਈਜ ਐਕਟ ਦੇ ਦਰਜ ਹਨ। ਲੰਘੇ ਦਹਾਕੇ ਦੌਰਾਨ ਬਠਿੰਡਾ ਦੇ ਥਾਣਾ ਸੰਗਤ 'ਚ 26 ਕੇਸ ਅਤੇ ਥਾਣਾ ਸਦਰ ਵਿਚ 16 ਕੇਸ ਔਰਤਾਂ ਤੇ ਦਰਜ ਹੋਏ ਹਨ। ਫਿਕਰਮੰਦੀ ਇਹੋ ਹੈ ਕਿਵੇਂ ਇਹ ਔਰਤਾਂ ਘਰਾਂ ਦੇ ਚੁੱਲ•ੇ ਚੌਂਕੇ ਤੋਂ ਉਠ ਕੇ ਤਸਕਰੀ ਦੇ ਰਾਹ ਪੈ ਗਈਆਂ ਹਨ।  ਨਰਮਾ ਪੱਟੀ ਦੀ ਸੀਮਾ ਰਾਜਸਥਾਨ ਨਾਲ ਲੱਗਦੀ ਹੈ ਜਿਥੋਂ ਔਰਤਾਂ ਭੁੱਕੀ ਦੀ ਤਸਕਰੀ ਕਰਦੀਆਂ ਹਨ। ਤਸਕਰੀ 'ਚ ਅੰਦਾਜ਼ਨ 20 ਫੀਸਦੀ ਔਰਤਾਂ ਵਿਧਵਾ ਹਨ ਅਤੇ 30 ਫੀਸਦੀ ਔਰਤਾਂ ਉਹ ਹਨ ਜਿਨ•ਾਂ ਦੇ ਪਤੀ ਵੀ ਤਸਕਰੀ ਦੇ ਧੰਦੇ ਵਿਚ ਹਨ।
                     ਇਕੱਲੇ ਮੁਕਤਸਰ ਜ਼ਿਲ•ੇ 'ਚ ਲੰਘੇ ਦਹਾਕੇ ਦੌਰਾਨ ਕਰੀਬ 160 ਤਸਕਰੀ ਦੇ ਕੇਸ ਔਰਤਾਂ ਤੇ ਦਰਜ ਹੋਏ ਹਨ ਜਦੋਂ ਕਿ ਜ਼ਿਲ•ਾ ਫਿਰੋਜ਼ਪੁਰ ਵਿਚ ਕਰੀਬ 200 ਕੇਸ ਔਰਤਾਂ 'ਤੇ ਦਰਜ ਹੋਏ ਹਨ। ਦੁਆਬੇ ਚੋਂ ਜਲੰਧਰ (ਦਿਹਾਤੀ) ਅਤੇ ਸ਼ਹੀਦ ਭਗਤ ਸਿੰਘ ਨਗਰ ਅੱਗੇ ਹਨ ਜਿਥੇ ਕਰੀਬ 500 ਤਸਕਰੀ ਦੇ ਕੇਸ ਇਕੱਲੇ ਔਰਤਾਂ 'ਤੇ ਦਰਜ ਹੋਏ ਹਨ। ਬਠਿੰਡਾ ਜ਼ਿਲ•ੇ ਵਿਚ ਕਰੀਬ ਸਵਾ ਸੌ ਕੇਸ ਔਰਤਾਂ 'ਤੇ ਤਸਕਰੀ ਦੇ ਦਹਾਕੇ ਦੌਰਾਨ ਦਰਜ ਹੋਏ ਹਨ। ਇਵੇਂ ਬਰਨਾਲਾ ਜ਼ਿਲ•ੇ ਵਿਚ ਔਰਤਾਂ ਤੇ ਤਸਕਰੀ ਦੇ ਦਰਜ ਕੇਸਾਂ ਦੀ ਗਿਣਤੀ 100 ਤੋਂ ਉਪਰ ਹੈ। ਰੁਝਾਨ ਇਹੋ ਸਾਹਮਣੇ ਹੈ ਕਿ ਦੁਆਬੇ ਵਿਚ ਸੈਂਸੀ ਭਾਈਚਾਰੇ ਅਤੇ ਮਾਲਵੇ ਵਿਚ ਦਲਿਤ ਵਰਗ ਦੀਆਂ ਔਰਤਾਂ 'ਤਸਕਰੀ' ਕਰਨ ਲਈ ਮਜਬੂਰ ਹੋਈਆਂ ਹਨ। ਫੌਜਦਾਰੀ ਕੇਸਾਂ ਦੇ ਐਡਵੋਕੇਟ ਸ੍ਰੀ ਰਾਜੇਸ਼ ਸ਼ਰਮਾ ਦਾ ਪ੍ਰਤੀਕਰਮ ਸੀ ਕਿ ਖਾਸ ਕਰਕੇ ਮਾਲਵੇ 'ਚ ਔਰਤਾਂ ਨੇ ਖੁਦ ਤਸਕਰੀ ਦੇ ਰਾਹ 'ਤੇ ਪੈਰ ਨਹੀਂ ਪੁੱਟਿਆ ਬਲਕਿ ਉਨ•ਾਂ ਦੇ ਪਤੀ ਪਹਿਲੋਂ ਤਸਕਰੀ ਕਰਦੇ ਸਨ ਜਿਨ•ਾਂ ਦੇ ਜੇਲ• ਜਾਣ ਮਗਰੋਂ ਉਹ ਤਸਕਰੀ ਕਰਨ ਲੱਗ ਪਈਆਂ।
                     ਵੇਰਵਿਆਂ ਅਨੁਸਾਰ ਥਾਣਾ ਨੰਦਗੜ• ਵਿਚ ਹਰਬੰਸ ਕੌਰ ਤੇ ਜਸਵੀਰ ਕੌਰ ਅਤੇ ਇਸੇ ਥਾਣੇ ਵਿਚ ਇੱਕੋ ਕੇਸ ਵਿਚ ਮਲਕੀਤ ਕੌਰ ਤੇ ਸਿਮਰਜੀਤ ਕੌਰ ਸ਼ਾਮਿਲ ਸਨ।  ਸੂਤਰ ਦੱਸਦੇ ਹਨ ਕਿ ਔਰਤਾਂ ਗਰੁੱਪ ਬਣਾ ਕੇ ਵੀ ਤਸਕਰੀ ਕਰਦੀਆਂ ਹਨ। ਜਦੋਂ ਤੋਂ ਪੁਲੀਸ ਨੇ ਤਸਕਰੀ ਰੋਕਣ ਲਈ ਤੇਵਰ ਤਿੱਖੇ ਕੀਤੇ ਹਨ, ਉਦੋਂ ਤੋਂ ਔਰਤਾਂ ਨੂੰ ਪੁਰਸ਼ ਤਸਕਰੀ ਲਈ ਵਰਤਣ ਲੱਗੇ ਹਨ। ਸਮਾਜਿਕ ਕਾਰਕੁੰਨ ਸ੍ਰੀ ਲੋਕ ਬੰਧੂ (ਰਾਮਪੁਰਾ) ਦਾ ਪ੍ਰਤੀਕਰਮ ਸੀ ਕਿ ਸਮੁੱਚੇ ਅਰਥਚਾਰੇ ਦੇ ਸੰਕਟ ਨੇ ਔਰਤਾਂ ਨੂੰ ਇਸ ਮੋੜ ਤੇ ਖੜ•ਾ ਕੀਤਾ ਹੈ। ਰੁਜ਼ਗਾਰ ਦੇ ਮੌਕੇ ਘਟੇ ਹਨ ਤੇ ਕਾਰੋਬਾਰ ਸੁੰਗੜੇ ਹਨ ਜਿਸ ਦੇ ਵਜੋਂ ਤਣਾਓ ਵਧੇ ਹਨ। ਇਸ ਵਰਤਾਰੇ ਚੋਂ ਇਹ ਰੁਝਾਨ ਸਾਹਮਣੇ ਆਇਆ ਹੈ।
                                         ਰੁਝਾਨ ਫਿਕਰਮੰਦੀ ਵਾਲਾ ਨਹੀਂ : ਛੀਨਾ
ਬਠਿੰਡਾ ਜ਼ੋਨ ਦੇ ਆਈ.ਜੀ ਸ੍ਰੀ ਮੁਖਵਿੰਦਰ ਸਿੰਘ ਛੀਨਾ ਦਾ ਕਹਿਣਾ ਸੀ ਕਿ ਔਰਤਾਂ ਵਲੋਂ ਤਸਕਰੀ ਕਰਨ ਦਾ ਰੁਝਾਨ ਬਹੁਤ ਹੀ ਘੱਟ ਹੈ ਅਤੇ ਤਸਕਰੀ ਕਾਰੋਬਾਰ ਵਿਚ ਔਰਤਾਂ ਦੀ ਗਿਣਤੀ ਨਾਮਾਤਰ ਵਰਗੀ ਹੈ। ਉਨ•ਾਂ ਆਖਿਆ ਕਿ ਉਹੀ ਔਰਤਾਂ ਹੀ ਇਸ ਪਾਸੇ ਆਈਆਂ ਹਨ ਜਿਨ•ਾਂ ਦੇ ਪਤੀ ਪਹਿਲਾਂ ਤੋਂ ਤਸਕਰੀ ਦੇ ਧੰਦੇ ਵਿਚ ਲਿਪਤ ਸਨ। ਉਨ•ਾਂ ਆਖਿਆ ਕਿ ਦੌਲੇਵਾਲਾ ਪਿੰਡ 'ਚ ਔਰਤਾਂ ਦੀ ਸ਼ਮੂਲੀਅਤ ਵੱਡੀ ਹੈ ਜਿਥੇ ਪੁਲੀਸ ਚੌਂਕੀ ਸਥਾਪਿਤ ਕੀਤੀ ਗਈ ਹੈ। 

Wednesday, November 22, 2017

                   'ਲਾਲ ਪਰੀ ਐਕਸਪ੍ਰੈਸ'
          ਸ਼ਰਾਬੀ ਬਣ ਜਾਂਦੇ ਨੇ 'ਟੀਟੀ'
                       ਚਰਨਜੀਤ ਭੁੱਲਰ
ਬਠਿੰਡਾ :  ਕਪਾਹ ਪੱਟੀ 'ਚ ਹੁਣ 'ਲਾਲ ਪਰੀ ਐਕਸਪ੍ਰੈਸ' ਧੂੜਾਂ ਪੁੱਟਣ ਲੱਗੀ ਹੈ। ਬਠਿੰਡਾ-ਮਾਨਸਾ ਦੇ ਪਿਆਕੜਾਂ ਨੇ ਹੁਣ 'ਰੇਲ ਰੂਟ' ਫੜਿਆ ਹੈ ਜੋ ਹਰਿਆਣਾ 'ਚ ਸਸਤੀ ਸ਼ਰਾਬ ਪੀਣ ਜਾਂਦੇ ਹਨ। ਬੁਢਲਾਡਾ-ਬਰੇਟਾ ਦੇ ਪਿੰਡਾਂ 'ਚ ਜਾਖਲ ਤੋਂ ਮਾਨਸਾ ਆਉਂਦੀ ਪਸੰਜਰ ਟਰੇਨ 'ਲਾਲ ਪਰੀ ਐਕਸਪ੍ਰੈਸ' ਵਜੋਂ ਆਮ ਬੋਲਚਾਲ 'ਚ ਮਸ਼ਹੂਰ ਹੋ ਗਈ ਹੈ। ਜਾਖਲ ਤੋਂ ਚੱਲਦੀ ਇਹ ਟਰੇਨ ਬਰੇਟਾ ਦੇ ਪਿੰਡਾਂ 'ਚ ਕਰੀਬ 6.30 ਵਜੇ ਪੁੱਜਦੀ ਹੈ ਜਿਸ 'ਚ ਬਹੁਤੇ ਉਹ ਸ਼ਰਾਬੀ ਹੁੰਦੇ ਹਨ ਜੋ ਹਰਿਆਣਾ ਚੋਂ ਸ਼ਰਾਬ ਪੀ ਕੇ ਵਾਪਸ ਮੁੜਦੇ ਹਨ। ਪਸੰਜਰ ਟਰੇਨ 'ਚ ਸ਼ਾਮ ਵਕਤ ਸ਼ਰਾਬੀਆਂ ਦਾ ਮੇਲਾ ਭਰਿਆ ਹੁੰਦਾ ਹੈ। ਸੂਤਰ ਦੱਸਦੇ ਹਨ ਕਿ ਇਹ ਬਿਨ•ਾਂ ਟਿਕਟ ਤੋਂ ਹੀ ਸਫ਼ਰ ਕਰਦੇ ਹਨ। ਪੰਜਾਬ ਪੁਲੀਸ ਵਲੋਂ ਦਿਨ ਰਾਤ ਦੀ ਨਾਕੇਬੰਦੀ ਕਰਕੇ ਸ਼ਰਾਬੀਆਂ ਤੇ ਤਸਕਰਾਂ ਤੇ ਰੇਲ ਦਾ ਸਫ਼ਰ ਸ਼ੁਰੂ ਕਰ ਦਿੱਤਾ ਹੈ।  ਨਰਮਾ ਪੱਟੀ 'ਚ ਬੀਕਾਨੇਰ ਚੱਲਦੀ ਟਰੇਨ ਨੂੰ 'ਕੈਂਸਰ ਐਕਸਪ੍ਰੈਸ' ਆਖਿਆ ਜਾਂਦਾ ਸੀ ਜੋ ਕੈਂਸਰ ਪੀੜਤਾਂ ਦੇ ਦਰਦ ਦੀ ਪ੍ਰਤੀਕ ਸੀ। ਇੱਧਰ 'ਲਾਲ ਪਰੀ ਐਕਸਪ੍ਰੈਸ' ਮਾਲਵਾ ਖਿੱਤੇ ਦੇ ਮੱਥੇ 'ਤੇ ਦਾਗ ਲਾ ਰਹੀ ਹੈ। ਬੁਢਲਾਡਾ ਇਲਾਕੇ ਦੇ ਪਿੰਡ ਕਾਨਗੜ•, ਦਾਤੇਵਾਸ,ਨਰਿੰਦਰਪੁਰਾ,ਬਰੇਟਾ ਅਤੇ ਹੋਰਨਾਂ ਪਿੰਡਾਂ ਦੇ ਬਹੁਤੇ ਪਿਆਕੜ ਸਸਤੀ ਸ਼ਰਾਬ ਦੇ ਲਾਲਚ 'ਚ ਹਰਿਆਣਾ ਦੇ ਜਾਖਲ ਨੇੜਲੇ ਪਿੰਡ ਹਿੰਮਤਪੁਰਾ 'ਚ ਜਾਂਦੇ ਹਨ ਜਿਥੇ ਉਨ•ਾਂ ਨੂੰ ਸ਼ਰਾਬ ਦੀ ਬੋਤਲ ਪੰਜਾਹ ਰੁਪਏ ਵਿਚ ਮਿਲਦੀ ਹੈ।
                      ਫਿਰੋਜ਼ਪੁਰ-ਦਿੱਲੀ ਪਸੰਜਰ ਟਰੇਨ ਤੇਂ ਇਹ ਪਿਆਕੜ ਹਰਿਆਣਾ ਜਾਣ ਲਈ ਰਵਾਨਾ ਹੁੰਦੇ ਹਨ ਅਤੇ ਉਧਰੋਂ 'ਲਾਲ ਪਰੀ ਐਕਸਪ੍ਰੈਸ' 'ਚ ਵਾਪਸ ਪਰਤਦੇ ਹਨ। ਦਾਤੇਵਾਸ ਰੇਲਵੇ ਸਟੇਸ਼ਨ ਦੇ ਬੁਕਿੰਗ ਮੁਲਾਜ਼ਮ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਬਹੁਤੇ ਪਿਆਕੜ ਜਾਖਲ ਤੋਂ ਸਸਤੀ ਸ਼ਰਾਬ ਪੀਣ ਜਾਂਦੇ ਹਨ ਅਤੇ ਸ਼ਾਮ ਵਕਤ ਵਾਪਸ ਆਉਂਦੀ ਟਰੇਨ ਵਿਚ ਇਨ•ਾਂ ਦੀ ਮਹਿਫਲ ਲੱਗੀ ਹੁੰਦੀ ਹੈ। ਹੁਣ ਕੁਝ ਦਿਨ•ਾਂ ਤੋਂ ਪੁਲੀਸ ਨੇ ਸਖ਼ਤੀ ਕੀਤੀ ਹੈ ਜਿਸ ਕਰਕੇ ਥੋੜਾ ਫਰਕ ਵੀ ਪਿਆ ਹੈ। ਸੂਤਰ ਦੱਸਦੇ ਹਨ ਕਿ ਰੇਲਵੇ ਪੁਲੀਸ ਨੇ ਅੱਕ ਕੇ ਇੱਕ ਰਾਤ ਇਨ•ਾਂ ਸ਼ਰਾਬੀਆਂ ਦੀ ਹਰਿਆਣਾ ਦੇ ਸਟੇਸ਼ਨ ਤੇ ਕਟਾ ਦਿੱਤੀ ਹੈ ਜਿਸ ਮਗਰੋਂ ਪਿਆਕੜ ਥੋੜਾ ਡਰੇ ਹਨ। ਬੁਢਲਾਡਾ ਇਲਾਕੇ ਦੇ ਨੌਜਵਾਨ ਹਰਦੇਵ ਸਿੰਘ ਨੇ ਦੱਸਿਆ ਕਿ ਸ਼ਾਮ ਵਕਤ ਆਉਂਦੀ ਪੈਸੰਜਰ ਟਰੇਨ ਨੂੰ ਸ਼ਰਾਬੀ 'ਲਾਲਪਰੀ ਐਕਸਪ੍ਰੈਸ' ਆਖਦੇ ਹਨ। ਇੱਕ ਪੰਚਾਇਤੀ ਆਗੂ ਨੇ ਦੱਸਿਆ ਕਿ ਪਿਆਕੜਾ ਦੇ ਘਰਾਂ ਵਿਚ ਉਦੋਂ ਚੁੱਲ•ਾ ਤਪਦਾ ਹੈ ਜਦੋਂ ਔਰਤਾਂ ਪਸੰਜਰ ਟਰੇਨ ਦੀ ਕੂਕ ਸੁਣਦੀਆਂ ਹਨ। ਰੇਲਵੇ ਦੇ ਟੀ.ਟੀ ਵੀ ਇਨ•ਾਂ ਨਾਲ ਪੰਗਾ ਲੈਣ ਤੋਂ ਡਰਦੇ ਹਨ। ਇੱਕ ਵਿਅਕਤੀ ਦਾ ਪ੍ਰਤੀਕਰਮ ਸੀ ਕਿ 'ਸ਼ਾਮ ਵਕਤ ਇਹ ਸਾਰੇ ਪਿਆਕੜ ਖੁਦ 'ਟੀਟੀ' ਬਣੇ ਹੁੰਦੇ ਹਨ।
                      ਕਾਨਗੜ• (ਮਾਨਸਾ) ਰੇਲਵੇ ਸਟੇਸ਼ਨ ਦੇ ਬੁਕਿੰਗ ਮੁਲਾਜ਼ਮ ਕਾਕਾ ਸਿੰਘ ਨੇ ਦੱਸਿਆ ਕਿ ਰੋਜ਼ਾਨਾ ਦੀ ਬੁਕਿੰਗ ਔਸਤਨ 700 ਰੁਪਏ ਦੀ ਹੈ ਅਤੇ ਉਹ ਸ਼ਰਾਬੀਆਂ ਨੂੰ ਸਟੇਸ਼ਨ ਤੇ ਖੜ•ਨ ਨਹੀਂ ਦਿੰਦੇ ਹਨ। ਪਿੰਡ ਕਾਨਗੜ• ਦੇ ਪੰਚਾਇਤ ਮੈਂਬਰ ਜੀਤ ਸਿੰਘ ਨੇ ਦੱਸਿਆ ਕਿ ਸ਼ਾਮ ਵਕਤ ਟਰੇਨ ਸ਼ਰਾਬੀਆਂ ਨਾਲ ਲੱਦੀ ਆਉਂਦੀ ਹੈ ਅਤੇ ਮੇਲਾ ਲੱਗਿਆ ਰਹਿੰਦਾ ਹੈ। ਉਨ•ਾਂ ਦੱਸਿਆ ਕਿ ਕੁਝ ਹਫਤੇ ਪਹਿਲਾਂ ਤਾਂ ਜਾਖਲ ਦੇ ਠੇਕੇਦਾਰਾਂ ਨੇ 100 ਰੁਪਏ ਵਿਚ ਤਿੰਨ ਬੋਤਲਾਂ ਦੇਣ ਦੀ ਸੇਲ ਹੀ ਲਾ ਦਿੱਤੀ ਸੀ। ਉਨ•ਾਂ ਦੱਸਿਆ ਕਿ ਟਰੇਨ ਰਾਹੀਂ ਕਈ ਲੋਕ ਤਸਕਰੀ ਵੀ ਕਰਦੇ ਹਨ। ਰੇਲਵੇ ਪੁਲੀਸ ਦਾ ਬਠਿੰਡਾ ਮਾਨਸਾ ਨੂੰ ਥਾਣਾ ਬਠਿੰਡਾ ਲੱਗਦਾ ਹੈ ਜਿਥੇ ਬਰੇਟਾ ਇਲਾਕੇ ਦੇ ਤਸਕਰਾਂ 'ਤੇ ਡੇਢ ਮਹੀਨੇ 'ਚ ਸੱਤ ਪੁਲੀਸ ਕੇਸ ਦਰਜ ਹੋਏ ਹਨ।  ਜੀਆਰਪੀ ਦੇ ਥਾਣਾ ਬਠਿੰਡਾ ਦੇ ਮੁੱਖ ਥਾਣਾ ਅਫਸਰ ਹਰਜਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਬਰੇਟਾ ਇਲਾਕੇ ਬਹੁਤ ਲੋਕ ਹਰਿਆਣਾ 'ਚ ਸਸਤੀ ਸ਼ਰਾਬ ਪੀਣ ਜਾਂਦੇ ਹਨ ਪ੍ਰੰਤੂ ਉਨ•ਾਂ ਵਲੋਂ ਤਸਕਰਾਂ ਤੇ ਪੂਰੀ ਨਜ਼ਰ ਰੱਖੀ ਹੋਈ ਹੈ। ਉਨ•ਾਂ ਦੱਸਿਆ ਕਿ ਇਸੇ ਮਹੀਨੇ ਬਰੇਟਾ ਇਲਾਕੇ ਦੇ ਤਸਕਰਾਂ ਤੇ ਤਿੰਨ ਕੇਸ ਦਰਜ ਕੀਤੇ ਹਨ ਜੋ ਟਰੇਨ ਰਾਹੀਂ ਹਰਿਆਣਾ ਚੋਂ ਸ਼ਰਾਬ ਲਿਆ ਰਹੇ ਸਨ।
                      ਉਨ•ਾਂ ਦੱਸਿਆ ਕਿ ਜਿਆਦਾ ਪਿਆਕੜ ਸ਼ਾਮ ਵਕਤ ਜਾਖਲ ਜਾਂਦੇ ਹਨ। ਰੇਲਵੇ ਪੁਲੀਸ ਨੇ ਰਾਮਾਂ ਇਲਾਕੇ ਦੇ ਵੀ ਇੱਕ ਵਿਅਕਤੀ ਤੋਂ ਹਰਿਆਣਾ ਦੀ ਸ਼ਰਾਬ ਫੜੀ ਹੈ।  ਇਸੇ ਦੌਰਾਨ ਮਾਨਸਾ ਪੁਲੀਸ ਦੇ ਡੀ.ਐਸ.ਪੀ ਬੁਢਲਾਡਾ ਰਛਪਾਲ ਸਿੰਘ ਨੇ ਦੱਸਿਆ ਕਿ ਅੰਤਰਰਾਜੀ ਸੜਕਾਂ ਤੇ ਉਨ•ਾਂ ਨੇ ਦਿਨ ਰਾਤ ਦੇ ਨਾਕੇ ਲਾਏ ਹੋਏ ਹਨ ਅਤੇ ਹਾਲ ਹੀ ਵਿਚ ਹਰਿਆਣਾ ਦੀ 40 ਪੇਟੀਆਂ ਸ਼ਰਾਬ ਫੜੀ ਹੈ। ਅਗਰ ਇਹ ਲੋਕ ਵਾਇਆ ਟਰੇਨ ਜਾਂਦੇ ਹਨ ਤਾਂ ਉਸ ਦਾ ਪਤਾ ਰੇਲਵੇ ਨੂੰ ਹੀ ਹੋਵੇਗਾ। ਦੱਸਣਯੋਗ ਹੈ ਕਿ ਹਰਿਆਣਾ ਵਿਚ ਐਤਕੀਂ ਸ਼ਰਾਬ ਕਾਫੀ ਸਸਤੀ ਹੈ ਜਿਸ ਕਰਕੇ ਪੰਜਾਬ ਦੇ ਠੇਕੇਦਾਰ ਪ੍ਰਭਾਵਿਤ ਹੋ ਰਹੇ ਹਨ। 

Tuesday, November 14, 2017

                                    ਰੋਹੀ ਦੇ ਰੁਖ਼ 
               ਜ਼ਿੰਦਗੀ ਤੋਂ ਹਾਰੇ ਬੇਕਸੂਰ 'ਸਿਕੰਦਰ'
                                  ਚਰਨਜੀਤ ਭੁੱਲਰ
ਬਠਿੰਡਾ : ਪਿੰਡ ਗਿੱਦੜ ਦਾ ਸਿਕੰਦਰ ਹੁਣ ਹਾਰ ਗਿਆ ਹੈ। ਵਿਰਾਸਤ 'ਚ ਇਕੱਲੇ ਦੁੱਖ ਨਹੀਂ ਮਿਲੇ, ਕਰਜ਼ੇ ਦੀ ਪੰਡ ਵੀ ਮਿਲੀ । ਅਪਾਹਜ ਸਿਕੰਦਰ ਹੁਣ ਇਹ ਪੰਡ ਕਿਵੇਂ ਚੁੱਕੇ, ਕੋਈ ਢਾਰਸ ਦੇਣ ਵਾਲਾ ਨਹੀਂ। ਪਹਿਲੋਂ ਬਾਪ ਬਿੰਦਰ ਸਿੰਘ ਖੁਦਕੁਸ਼ੀ ਕਰ ਗਿਆ ਤੇ ਫਿਰ ਚਾਚਾ ਬਾਦਲ ਸਿੰਘ ਇਹੋ ਰਾਹ ਚਲਾ ਗਿਆ। ਮਾਂ ਵੀਰਾਂ ਕੌਰ ਦਾ ਸੁਹਾਗ ਦੋ ਵਾਰ ਲੁੱਟਿਆ ਗਿਆ। ਜਦੋਂ 'ਚਾਚਾ ਨਹਿਰੂ' ਦਾ ਜਨਮ ਦਿਨ ਆਉਂਦਾ ਹੈ ਤਾਂ ਉਦੋਂ ਉਸ ਨੂੰ ਬਾਲ ਦਿਵਸ ਨਹੀਂ, ਸਿਰ ਚੜੇ• ਪੰਜ ਲੱਖ ਦੇ ਕਰਜ਼ ਦਾ ਚੇਤਾ ਆਉਂਦਾ ਹੈ। ਬਰਨਾਲਾ ਦੇ ਪਿੰਡ ਬਦਰਾ ਦੇ ਸਕੂਲ ਪੜ•ਦੇ ਹਰਮਨਦੀਪ ਤੇ ਕਰਨਦੀਪ ਸਿੰਘ ਦਾ ਚਾਚਾ ਗੁਰਤੇਜ ਸਿੰਘ ਕਦੇ ਸਰਦਾ ਪੁੱਜਦਾ ਕਿਸਾਨ ਸੀ। ਦੋ ਏਕੜ ਜ਼ਮੀਨ ਵਿਕਣ ਮਗਰੋਂ ਇਹ ਚਾਚਾ ਹੁਣ ਲੇਬਰ ਚੌਂਕ ਦਾ ਮਜ਼ਦੂਰ ਬਣ ਗਿਆ ਹੈ। ਜਦੋਂ ਦੋਵੇਂ ਬੱਚਿਆਂ ਦਾ ਬਾਪ ਖੁਦਕੁਸ਼ੀ ਕਰ ਗਿਆ ਤਾਂ ਉਸ ਮਗਰੋਂ ਇਨ•ਾਂ ਦੀ ਮਾਂ ਛੱਡ ਕੇ ਚਲੀ ਗਈ। ਚਾਚੇ ਗੁਰਤੇਜ ਨੇ ਇਨ•ਾਂ ਬੱਚਿਆਂ ਦੇ ਸਿਰ ਤੇ ਹੱਥ ਤਾਂ ਰੱਖਿਆ ਪ੍ਰੰਤੂ  ਚਾਚੇ ਨੂੰ ਖੁਦ ਜ਼ਿੰਦਗੀ ਪੰਜੀ ਦਾ ਭੌਣ ਦਿਖਾ ਰਹੀ ਹੈ। ਨਰਮਾ ਪੱਟੀ 'ਚ ਹਜ਼ਾਰਾਂ ਬੱਚੇ ਹਨ ਜਿਨ•ਾਂ ਨੂੰ ਜ਼ਿੰਦਗੀ ਨੇ ਰੋਹੀ ਦੇ ਰੁੱਖ ਬਣਾ ਦਿੱਤਾ ਹੈ ਜੋ ਹੁਣ ਅਜਿਹੇ 'ਚਾਚੇ' ਦਾ ਰਾਹ ਤੱਕ ਰਹੇ ਹਨ ਜੋ ਉਨ•ਾਂ ਦੇ ਦੁੱਖਾਂ ਦੀ ਦਾਰੂ ਬਣ ਸਕੇ। ਹਕੂਮਤਾਂ ਦੇ ਜਰਨੈਲ ਇਨ•ਾਂ ਬੱਚਿਆਂ ਦੀ ਹੰਝੂ ਨਹੀਂ ਸਮਝ ਸਕੇ ਹਨ।
                   ਉਂਜ, ਪਿੰਡ ਲਹਿਰਾ ਖਾਨਾ ਦਾ ਸਿਕੰਦਰ ਸਿੰਘ ਉਸ ਬੱਚੀ ਗੁਰਬਿੰਦਰ ਕੌਰ ਲਈ ਕਿਸੇ ਜਰਨੈਲ ਤੋਂ ਘੱਟ ਨਹੀਂ ਜਿਸ ਦਾ ਬਾਪ ਸਤਪਾਲ ਸਿੰਘ ਖੁਦਕੁਸ਼ੀ ਕਰ ਗਿਆ ਅਤੇ ਮਾਂ ਉਸ ਨੂੰ ਛੱਡ ਕੇ ਚਲੀ ਗਈ। ਨਾ ਕੋਈ ਚਾਚਾ ਤੇ ਨਾ ਤਾਇਆ, ਉਹ ਜ਼ਿੰਦਗੀ ਚੋਂ ਹੀ ਖਾਰਜ ਹੋ ਗਈ। ਗੁਆਂਢੀ ਸਿਕੰਦਰ ਸਿੰਘ ਨੇ ਮ੍ਰਿਤਕ ਮਜ਼ਦੂਰ ਦੀ ਇਸ ਇਕੱਲੀ ਬੱਚੀ ਨੂੰ ਆਪਣੀ ਧੀ ਹੀ ਸਮਝਿਆ। ਉਸ ਨੂੰ ਪੜ•ਾ ਰਿਹਾ ਹੈ ਤੇ ਦਾਨੀ ਸੱਜਣ ਇਸ ਬੱਚੀ ਦਾ ਸਹਾਰਾ ਬਣ ਰਹੇ ਹਨ। ਮਾਨਸਾ ਦੇ ਪਿੰਡ ਬਰਨਾਲਾ ਦੇ ਗੁਰਪਿਆਰ ਲਈ ਕੋਈ ਬਾਲ ਦਿਵਸ ਢਾਰਸ ਨਹੀਂ ਬਣ ਸਕਿਆ। ਉਸ ਲਈ ਦਾਦੀ ਹੀ ਸਭ ਕੁਝ ਹੈ। ਗੁਰਪਿਆਰ ਦੇ ਬਾਪ ਕੁਲਦੀਪ ਸਿੰਘ ਦੀ ਮੌਤ ਹੋ ਗਈ ਤੇ ਮਾਂ ਨੇ ਖੁਦਕੁਸ਼ੀ ਕਰ ਲਈ। ਹੁਣ ਇਸ ਬੱਚੇ ਦੇ ਸਿਰ ਤੇ ਦੋ ਲੱਖ ਦਾ ਕਰਜ਼ ਹੈ। ਉਸ ਦੀ ਇਕਲੌਤੀ ਭੈਣ ਨਾਨਕੇ ਘਰ ਪੜ•ਨ ਲੱਗੀ ਹੈ। ਜ਼ਿੰਦਗੀ ਦੇ ਕੌੜੇ ਘੁੱਟ ਮਿੱਠੇ ਕਰਕੇ ਪੀਣ ਦੀ ਇਨ•ਾਂ ਨਿੱਕਿਆਂ ਦੀ ਆਦਤ ਬਣ ਗਈ ਹੈ। ਮਾਈਸਰਖਾਨਾ ਪਿੰਡ ਦੇ ਬੱਚੇ ਮਹਿਕਦੀਪ ਸਿੰਘ ਤੇ ਉਸ ਦੀ ਭੈਣ ਹਰਮਨਜੋਤ ਕੌਰ ਲਈ ਦਾਦੀ ਹੀ ਕਿਸੇ ਫਰਿਸ਼ਤੇ ਤੋਂ ਘੱਟ ਨਹੀਂ ਜੋ ਇਨ•ਾਂ ਬੱਚਿਆਂ ਲਈ ਜ਼ਿੰਦਗੀ ਦੇ ਪੱਤਣ ਤਲਾਸ਼ ਰਹੀ ਹੈ।
                  ਭੁੱਚੋ ਖੁਰਦ ਦੀ ਛੇ ਵਰਿ•ਆਂ ਦੀ ਅਰਸ਼ਦੀਪ ਦੂਸਰੀ ਜਮਾਤ ਵਿਚ ਪੜ•ਦੀ ਹੈ ਪ੍ਰੰਤੂ ਵਕਤ ਦੇ ਹੱਲੇ ਨੇ ਉਸ ਨੂੰ ਵੱਡੇ ਸਬਕ ਸਿਖਾ ਦਿੱਤੇ ਹਨ। ਜਦੋਂ ਇਸ ਬੱਚੀ ਦਾ ਬਾਪ ਸਤਨਾਮ ਸਿੰਘ ਖੁਦਕੁਸ਼ੀ ਕਰ ਗਿਆ ਤਾਂ ਮਾਂ ਉਸ ਨੂੰ ਛੱਡ ਕੇ ਚਲੀ ਗਈ। ਦਾਦੀ ਨਸੀਬ ਕੌਰ ਹੁਣ ਇਸ ਛੋਟੀ ਬੱਚੀ ਦੇ ਖੰਭ ਬਣੀ ਹੋਈ ਹੈ। ਗੁਜ਼ਾਰੇ ਦਾ ਕੋਈ ਸਾਧਨ ਨਹੀਂ ਹੈ। ਪਿੰਡ ਪੂਹਲਾ ਦੀਆਂ ਤਿੰਨ ਬੱਚੀਆਂ ਮਨਦੀਪ,ਨਵਨੀਤ ਤੇ ਸੁਖਜੀਤ ਕੌਰ ਦਾ ਬਾਪ ਬਿਮਾਰੀ ਨੇ ਖੋਹ ਲਿਆ ਜਦੋਂ ਕਿ ਮਾਂ ਲਾਪਤਾ ਹੋ ਗਈ ਹੈ। ਹੁਣ ਦਾਦੀ ਹੀ ਇਨ•ਾਂ ਬੱਚੀਆਂ ਨੂੰ ਪਾਲ ਰਹੀ ਹੈ। 'ਚਾਚਾ ਨਹਿਰੂ' ਨੂੰ ਭਲਕੇ ਜਨਮ ਦਿਨ 'ਤੇ ਚੇਤੇ ਕਰਨ ਵਾਲਿਆਂ ਨੂੰ ਇਹ ਬੱਚੇ ਹਲੂਣਾ ਦੇਣ ਲਈ ਕਾਫ਼ੀ ਹਨ। ਇਨ•ਾਂ ਬੱਚਿਆਂ ਨੇ ਬਚਪਨ ਉਮਰੇ 'ਬਾਲ ਦਿਵਸ' ਨਹੀਂ ਦੇਖੇ, ਜਦੋਂ ਵੇਖੇ, ਤਾਂ ਉਦੋਂ ਸਿਰਫ਼ ਆੜ•ਤੀਆਂ ਹੱਥੋਂ ਜਲੀਲ ਹੁੰਦੇ ਬਾਪ ਹੀ ਦੇਖੇ ਹਨ।

Thursday, November 9, 2017

                               ਲਾਲ ਗੁਆਚੇ
                 ਜਦੋਂ ਰੂਹ ਅੰਬਰਾਂ ਤੱਕ ਰੋਈ…
                              ਚਰਨਜੀਤ ਭੁੱਲਰ
ਬਠਿੰਡਾ  : ਦਰਜਨਾਂ ਮਾਪਿਆਂ ਦੇ ਆਲ•ਣੇ ਅੱਜ ਤੀਲਾ ਤੀਲਾ ਹੋ ਗਏ ਜਦੋਂ ਬਾਹਰੋ ਸੁਨੇਹਾ ਆਇਆ ਕਿ ਉਨ•ਾਂ ਦੇ ਜਾਏ ਹੁਣ ਕਦੇ ਘਰ ਨਹੀਂ ਪਰਤਣਗੇ। ਤੇਜ ਰਫ਼ਤਾਰ ਟਿੱਪਰ ਨੇ ਇਨ•ਾਂ ਮਾਪਿਆਂ ਦੇ ਅਰਮਾਨਾਂ ਨੂੰ ਵੀ ਇੱਕੋ ਪਲ 'ਚ ਕੁਚਲ ਦਿੱਤਾ। ਮਾਪਿਆਂ ਦੇ ਸੁਪਨੇ ਇੱਕ ਛਿਣ 'ਚ ਹੀ ਲਹੂ ਲੁਹਾਨ ਹੋ ਗਏ ਜਿਨ•ਾਂ ਨੇ ਧੀਆਂ ਦੇ ਸਿਰ ਪਲੋਸ ਕੇ ਘਰੋਂ ਤੋਰਿਆ ਸੀ। ਦਿਨ ਚੜਿ•ਆ ਤਾਂ ਨਵੇਂ ਖਿਆਲਾਂ ਨਾਲ ਸੀ ਪ੍ਰੰਤੂ ਬੋਹਲ਼ ਦਿਨ ਦਿਹਾੜੇ ਲੁੱਟੇ ਜਾਣਗੇ, ਮਾਂਵਾਂ ਨੂੰ ਇਸ ਦਾ ਇਲਮ ਨਹੀਂ ਸੀ। ਅੱਜ ਜ਼ਿਲ•ੇ ਦੇ ਦਸ ਘਰਾਂ ਵਿਚ ਦਰਦਾਂ ਦਾ ਦਰਿਆ ਵਗਿਆ ਅਤੇ ਹੰਝੂਆਂ ਤੇ ਹੌਕਿਆਂ ਦੀ ਝੜੀ ਲੱਗੀ। ਬਠਿੰਡਾ ਕੈਂਟ ਲਾਗੇ ਇੱਕ ਤੇਜ ਰਫ਼ਤਾਰ ਟਿੱਪਰ ਨੇ ਅੱਠ ਨੌਜਵਾਨ ਬੱਚਿਆਂ ਨੂੰ ਕੁਚਲ ਦਿੱਤਾ ਜੋ ਘਰੋਂ ਭਵਿੱਖ ਦੇ ਨੈਣ ਨਕਸ਼ ਦੇਖਣ ਲਈ ਤੁਰੇ ਸਨ। ਭੁੱਚੋ ਮੰਡੀ ਦੇ ਬਾਪ ਗੋਪਾਲ ਕ੍ਰਿਸ਼ਨ ਲਈ ਹੁਣ ਭਵਿੱਖ ਹਨੇਰਾ ਗੁਫਾ ਵਾਂਗ ਹੈ ਜਿਸ ਦਾ ਇਕਲੌਤਾ ਬੱਚਾ ਈਸ਼ਵਰ ਇਸ ਹਾਦਸੇ 'ਚ ਫੌਤ ਹੋ ਗਿਆ ਹੈ। ਬਠਿੰਡਾ 'ਚ ਮੈਡੀਕਲ ਸਟੋਰ ਚਲਾ ਰਹੇ ਗੋਪਾਲ ਕ੍ਰਿਸ਼ਨ ਦਾ ਇਹ ਲੜਕਾ ਗੁਰੂ ਨਾਨਕ ਸਕੂਲ ਭੁੱਚੋ ਮੰਡੀ ਵਿਚ ਜਮ•ਾ ਦੋ (ਮੈਡੀਕਲ) ਦਾ ਵਿਦਿਆਰਥੀ ਸੀ।
                    ਮਾਪੇ ਉਸ ਨੂੰ ਡਾਕਟਰ ਬਣਾਉਣ ਦਾ ਸੁਪਨਾ ਦੇਖ ਰਹੇ ਸਨ ਪ੍ਰੰਤੂ ਵਕਤ ਨੇ ਉਨ•ਾਂ ਨੂੰ ਸੁਪਨਿਆਂ ਦੇ ਹਾਣ ਦਾ ਹੋਣ ਦਾ ਮੌਕਾ ਹੀ ਨਹੀਂ ਦਿੱਤਾ। ਮੌਤ ਦੇ ਮੂੰਹ ਗਏ ਈਸ਼ਵਰ ਦੀ ਇੱਕੋ ਇੱਕ ਭੈਣ ਤੋਂ ਰੱਖੜੀ ਦਾ ਤਿਉਹਾਰ ਸਦਾ ਲਈ ਦੂਰ ਹੋ ਗਿਆ ਹੈ। ਲਹਿਰਾ ਖਾਨਾ ਦੇ ਕਿਸਾਨ ਬਾਪ ਜਗਰੂਪ ਸਿੰਘ ਨੇ ਆਪਣੀ ਧੀਅ ਮਨਪ੍ਰੀਤ ਕੌਰ ਨੂੰ ਵਿਦੇਸ਼ ਭੇਜਣ ਦਾ ਸੁਪਨਾ ਦੇਖਿਆ ਸੀ ਪ੍ਰੰਤੂ ਇੱਕ ਹਾਦਸੇ ਨੇ ਉਸ ਦੀ ਸੱਧਰ ਨੂੰ ਹੀ ਖਾਕ ਕਰ ਦਿੱਤਾ। ਮਨਪ੍ਰੀਤ ਕੌਰ ਆਪਣੀ ਕੈਨੇਡਾ ਵਸਦੀ ਸਹੇਲੀ ਕੋਲ ਜਾਣ ਲਈ ਆਈਲੈਟਸ ਕਰ ਰਹੀ ਸੀ। ਜਦੋਂ ਉਸ ਦੀ ਪਹਿਲੀ ਪ੍ਰੀਖਿਆ ਵਿਚ ਬੈਂਡ ਘਟ ਗਏ ਤਾਂ ਮਾਪਿਆਂ ਨੇ ਹੱਲਾਸ਼ੇਰੀ ਦਿੱਤੀ ਜਿਸ ਵਜੋਂ ਉਸ ਨੇ ਮੁੜ ਬਠਿੰਡਾ ਵਿਖੇ ਕੋਚਿੰਗ ਲੈਣੀ ਸ਼ੁਰੂ ਕਰ ਦਿੱਤੀ। ਹੁਣ ਇਕਲੌਤਾ ਭਰਾ ਆਪਣੀ ਭੈਣ ਦੀ ਘਰ ਵਿਚ ਕਦੇ ਪੈੜ ਚਾਲ ਨਹੀਂ ਸੁਣ ਸਕੇਗਾ।  ਰਾਮਪੁਰਾ ਦੇ 18 ਵਰਿ•ਆਂ ਦਾ ਵਿਨੋਦ ਕੁਮਾਰ ਮਿੱਤਲ ਅੱਜ ਘਰੋਂ ਨਵੀਂ ਆਸ ਨਾਲ ਤੁਰਿਆ ਪ੍ਰੰਤੂ ਸਭ ਉਮੀਦਾਂ ਨੂੰ ਟਿੱਪਰ ਨੇ ਇੱਕੋ ਹੱਲੇ ਖੇਰੂੰ ਖੇਰੂੰ ਕਰ ਦਿੱਤਾ। ਬਾਪ ਮੁਨੀਸ਼ ਕੁਮਾਰ ਖ਼ਬਰ ਸੁਣਦੇ ਸਾਰ ਹੀ ਹੋਸ਼ ਗੁਆ ਬੈਠਾ। ਵਿਨੋਦ ਦੀ ਮੌਤ ਮਗਰੋਂ ਉਸ ਦੇ ਇੱਕੋ ਇੱਕ ਭਰਾ ਨੂੰ ਹੁਣ ਆਪਣੀ ਸੱਜੀ ਬਾਂਹ ਦਾ ਕਦੇ ਅਹਿਸਾਸ ਨਹੀਂ ਹੋਵੇਗਾ।
                   ਰਾਮਪੁਰਾ ਦੀਆਂ ਦੋਵੇਂ ਭੈਣਾ ਸ਼ਿਖਾ ਤੇ ਤਾਨੀਆਂ ਬਾਂਸਲ ਅੱਜ ਘਰੋਂ ਇਕੱਠੀਆਂ ਚੱਲੀਆਂ ਪ੍ਰੰਤੂ ਕੁਦਰਤ ਨੂੰ ਇਹ ਸਾਥ ਮਨਜ਼ੂਰ ਨਾ ਹੋਇਆ। ਸ਼ਿਖਾ ਜ਼ਿੰਦਗੀ ਤੋਂ ਹੱਥ ਧੋ ਬੈਠੀ ਜਦੋਂ ਕਿ ਉਸ ਦੀ ਭੈਣ ਤਾਨੀਆਂ ਬਾਂਸਲ ਜ਼ਖਮੀ ਹਾਲਤ ਵਿਚ ਹੈ। ਰਾਮਪੁਰਾ ਦੀ ਹੀ ਲਵਪ੍ਰੀਤ ਕੌਰ ਦੀ ਮਾਂ ਦੀਆਂ ਉਦੋਂ ਆਂਦਰਾ ਠੰਢੀਆਂ ਹੋਈਆਂ ਸਨ ਜਦੋਂ ਧੀਅ ਨੂੰ ਸਰਕਾਰੀ ਨੌਕਰੀ ਮਿਲਣ ਦਾ ਸੁਨੇਹਾ ਆਇਆ ਸੀ। ਖੁਰਾਕ ਤੇ ਸਪਲਾਈਜ ਵਿਭਾਗ ਬਠਿੰਡਾ ਵਿਚ ਕਲਰਕ ਵਜੋਂ ਤਾਇਨਾਤ ਲਵਪ੍ਰੀਤ ਕੌਰ ਨੂੰ ਸਿਰਫ਼ ਇੱਕ ਸਾਲ ਹੀ ਨੌਕਰੀ ਕਰਨੀ ਨਸੀਬ ਹੋਈ ਅਤੇ ਉਹ ਵੀ ਅੱਜ ਜ਼ਿੰਦਗੀ ਅਲਵਿਦਾ ਆਖ ਗਈ। ਸਰਕਾਰੀ ਸਕੂਲ ਪਿਥੋਂ ਦੀ ਅਧਿਆਪਕਾ ਮਨਦੀਪ ਕੌਰ ਅੱਜ ਬਠਿੰਡਾ ਤੋਂ ਰੋਜ਼ਾਨਾ ਦੀ ਤਰ•ਾਂ ਸਕੂਲ ਲਈ ਰਵਾਨਾ ਹੋਈ ਪ੍ਰੰਤੂ ਉਹ ਸਕੂਲ 'ਚ ਬੱਚਿਆਂ ਕੋਲ ਪੁੱਜਣ ਦੀ ਥਾਂ ਮੌਤ ਦੀ ਗੋਦ ਵਿਚ ਚਲੀ ਗਈ। ਇੱਕ ਵਰ•ਾ ਪਹਿਲਾਂ ਹੀ ਉਸ ਨੂੰ ਇਹ ਨੌਕਰੀ ਮਿਲੀ ਸੀ।
                    ਸਭ ਘਰਾਂ ਦੀ ਅੱਜ ਇੱਕੋ ਚੀਸ ਦੀ ਸਾਂਝ ਸੀ ਜਿਨ•ਾਂ ਨੂੰ ਧਰਵਾਸ ਦੇਣ ਲਈ ਨੇੜਲਿਆਂ ਨੇ ਦਿਲਾਸੇ ਵੀ ਦਿੱਤੇ ਪ੍ਰੰਤੂ ਦੂਰ ਤੁਰ ਗਈਆਂ ਧੀਆਂ ਦਾ ਗਮ ਇਨ•ਾਂ ਮਾਪਿਆਂ ਨੂੰ ਕਦੇ ਨਹੀਂ ਭੁੱਲ ਸਕੇਗਾ। ਜਿਨ•ਾਂ ਨੇ ਦਿਨ ਚੜ•ਦੇ ਨਵੀਂ ਆਸ ਦਾ ਸੂਰਜ ਦੇਖਿਆ ਸੀ ਪ੍ਰੰਤੂ ਕਿਸਮਤ ਨੇ ਉਨ•ਾਂ ਨੂੰ ਸਮੇਂ ਤੋਂ ਪਹਿਲਾਂ ਹੀ ਜ਼ਿੰਦਗੀ ਦੀ ਢਲਦੀ ਸ਼ਾਮ ਦਿਖਾ ਦਿੱਤੀ। ਹੁਣ ਇਨ•ਾਂ ਘਰਾਂ 'ਚ ਕਦੇ ਚਿੜੀਆਂ ਦੀ ਚਹਿਕਣ ਬੰਦ ਹੋ ਗਈ ਜਿਨ•ਾਂ ਦਾ ਵਕਤ ਨੇ ਸਮੇਂ ਤੋਂ ਪਹਿਲਾਂ ਹੀ ਚੋਗਾ ਮੁਕਾ ਦਿੱਤਾ ਹੈ।

Tuesday, November 7, 2017

                      ...ਖਾਤੇ 'ਚ ਡਿੱਗੇ
     ਪੰਜਾਹ ਲੱਖ ਗੋਲੀ ਛਕ ਗਏ ਨਸ਼ੇੜੀ !
                        ਚਰਨਜੀਤ ਭੁੱਲਰ
ਬਠਿੰਡਾ : ਪੰਜਾਬ ਭਰ ਦੇ ਨਸ਼ੇੜੀ 'ਟਰੈਮਾਡੋਲ' ਦੀ ਪੰਜਾਹ ਲੱਖ ਗੋਲੀ ਛਕ ਗਏ ਹਨ ਜੋ ਨਸ਼ਾ ਛੱਡਣ ਆਏ ਸਨ। ਨਸ਼ੇੜੀਆਂ ਲਈ 'ਟਰੈਮਾਡੋਲ' ਸਰਕਾਰੀ ਗੱਫੇ ਤੋਂ ਘੱਟ ਨਹੀਂ ਸੀ। ਮੁਫਤੋਂ ਮੁਫ਼ਤ 'ਚ ਮਿਲਦੀ 'ਟਰੈਮਾਡੋਲ' ਨੇ ਨਸ਼ੇੜੀਆਂ ਨੂੰ ਮੌਜ ਲਾਈ ਰੱਖੀ। ਬਹੁਤੇ ਨਸ਼ੇੜੀ ਨਸ਼ਾ ਤਾਂ ਛੱਡ ਗਏ ਹਨ ਪ੍ਰੰਤੂ ਹੁਣ ਉਹ 'ਟਰੈਮਾਡੋਲ' ਤੇ ਲੱਗ ਗਏ ਹਨ। ਪੰਜਾਬ ਸਰਕਾਰ ਨੇ ਵਿਵਾਦਾਂ 'ਚ ਘਿਰੀ 'ਟਰੈਮਾਡੋਲ' ਦਾ ਨਵਾਂ ਆਰਡਰ ਵੀ ਜੂਨ ਮਹੀਨੇ 'ਚ ਕੀਤਾ ਹੈ। ਗਠਜੋੜ ਸਰਕਾਰ ਸਮੇਂ ਅਗਸਤ 2014 'ਚ ਨਸ਼ਾ ਛੁਡਾਊ ਮੁਹਿੰਮ ਚੱਲੀ ਸੀ ਅਤੇ ਉਦੋਂ 'ਟਰੈਮਾਡੋਲ' ਦੀ ਸਪਲਾਈ ਇਕਦਮ ਵਧਾ ਦਿੱਤੀ ਗਈ ਸੀ। ਮੁਹਿੰਮ ਦੇ ਸ਼ੁਰੂਆਤੀ ਤਿੰਨ ਮਹੀਨਿਆਂ 'ਚ ਮਾਲਵਾ ਖ਼ਿੱਤੇ ਦੇ ਨਸ਼ੇੜੀ ਟਰੈਮਾਡੋਲ ਦੀ 4.65 ਲੱਖ ਗੋਲੀ ਛਕ ਗਏ ਸਨ।  ਕੈਪਟਨ ਸਰਕਾਰ ਨੇ ਹੁਣ ਅੰਮ੍ਰਿਤਸਰ, ਤਰਨਤਾਰਨ ਤੇ ਮੋਗਾ ਜ਼ਿਲ•ੇ ਵਿਚ ਨਵੀਂ ਨਸ਼ਾ ਛੁਡਾਊ ਮੁਹਿੰਮ ਵਿੱਢੀ ਹੈ ਜਿਸ ਤਹਿਤ ਹੁਣ ਟਰੈਮਾਡੋਲ ਦੀ ਥਾਂ 'ਤੇ ਦੋ ਹੋਰ ਨਵੀਆਂ ਦਵਾਈਆਂ ਦਿੱਤੀਆਂ ਜਾ ਰਹੀਆਂ ਹਨ। ਨਵੀਂ ਸਰਕਾਰ ਨੇ ਵੀ ਲੰਘੇ ਜੂਨ ਮਹੀਨੇ ਵਿਚ ਹੀ ਟਰੈਮਾਡੋਲ ਦੀ 15 ਲੱਖ ਗੋਲੀ ਦਾ ਆਰਡਰ ਕੀਤਾ ਹੈ ਜਿਸ ਚੋਂ ਕਰੀਬ ਢਾਈ ਲੱਖ ਗੋਲੀ ਜ਼ਿਲਿ•ਆਂ ਵਿਚ ਪੁੱਜ ਚੁੱਕੀ ਹੈ। ਲੰਘੇ ਤਿੰਨ ਵਰਿ•ਆਂ 'ਚ ਟਰੈਮਾਡੋਲ ਦੀ ਕਰੀਬ 50 ਲੱਖ ਗੋਲੀ ਦੀ ਲਾਗਤ ਹੋਈ ਹੈ।
                  ਵੇਰਵਿਆਂ ਅਨੁਸਾਰ ਜਨਵਰੀ 2017 ਵਿਚ ਕਰੀਬ 15 ਹਜ਼ਾਰ ਟਰੈਮਾਡੋਲ ਦਾ ਆਰਡਰ ਦਿੱਤਾ ਗਿਆ ਸੀ ਅਤੇ ਉਸ ਤੋਂ ਪਹਿਲਾਂ ਨਵੰਬਰ 2016 ਵਿਚ ਸਿਹਤ ਵਿਭਾਗ ਨੇ ਟਰੈਮਾਡੋਲ ਦੀ 20 ਲੱਖ ਗੋਲੀ ਖਰੀਦ ਕੀਤੀ ਸੀ। ਸਾਲ 2015 ਵਿਚ ਵੀ ਟਰੈਮਾਡੋਲ ਦੀ ਕਰੀਬ 15 ਲੱਖ ਗੋਲੀ ਦਾ ਆਰਡਰ ਦਿੱਤਾ ਗਿਆ ਸੀ ਅਤੇ ਇਸੇ ਤਰ•ਾਂ ਸਾਲ 2014 ਵਿਚ ਵੀ 15 ਲੱਖ ਟਰੈਮਾਡੋਲ ਦੀ ਲਾਗਤ ਹੋਈ ਸੀ। ਸਿਹਤ ਵਿਭਾਗ ਤਰਫ਼ੋਂ ਹੁਣ ਦਿੱਲੀ ਦੀ ਫਰਮ ਮੈਡੀਕਾਮਿੰਨ ਤੋਂ 2.10 ਰੁਪਏ ਪ੍ਰਤੀ ਪੱਤਾ ਦੇ ਹਿਸਾਬ ਨਾਲ ਟਰੈਮਾਡੋਲ ਖਰੀਦ ਕੀਤੀ ਜਾ ਰਹੀ ਹੈ। ਪਿਛਲੇ ਅਰਸੇ ਦੌਰਾਨ ਮਾਰਕੀਟ ਵਿਚ ਟਰੈਮਾਡੋਲ ਬਲੈਕ ਵਿਚ ਵਿਕਦੀ ਰਹੀ ਹੈ। ਸਿਹਤ ਵਿਭਾਗ ਵਲੋਂ ਨਸ਼ੇੜੀਆਂ ਨੂੰ ਟਰੈਮਾਡੋਲ ਮੁਫ਼ਤ ਦਿੱਤੀ ਜਾਂਦੀ ਹੈ। ਸਿਹਤ ਵਿਭਾਗ ਦੇ ਪੰਜਾਬ ਭਰ ਵਿਚ ਤਿੰਨ ਵੱਡੇ ਗੋਦਾਮ ਬਠਿੰਡਾ,ਵੇਰਕਾ ਅਤੇ ਖਰੜ• ਵਿਖੇ ਹਨ ਜਿਥੋਂ ਪੂਰੀ ਪੰਜਾਬ ਨੂੰ ਦਵਾਈ ਦੀ ਸਪਲਾਈ ਹੁੰਦੀ ਹੈ। ਸੂਤਰਾਂ ਅਨੁਸਾਰ ਲੰਘੇ ਤਿੰਨ ਵਰਿ•ਆਂ ਦੌਰਾਨ ਪ੍ਰਤੀ ਸਾਲ 15 ਲੱਖ ਟਰੈਮਾਡੋਲ ਆਰਡਰ ਕੀਤੀ ਜਾ ਰਹੀ ਹੈ। ਮਾਲਵਾ ਖ਼ਿੱਤੇ ਦੇ ਇੱਕ ਪੁਰਾਣੇ ਡਾਕਟਰ ਨੇ ਦੱਸਿਆ ਕਿ ਬਹੁਤੇ ਨਸ਼ੇੜੀ ਹੁਣ ਟਰੈਮਾਡੋਲ ਦੀ ਆਦੀ ਹੋ ਗਏ ਹਨ ਜੋ ਕਿ ਬਾਜ਼ਾਰ ਵਿਚ ਮਿਲਣੀ ਮੁਸ਼ਕਲ ਹੋ ਗਈ ਹੈ।
                   ਮਾਲਵਾ ਪੱਟੀ 'ਚ ਟਰੈਮਾਡੋਲ ਦੀ ਸਭ ਤੋਂ ਵੱਡੀ ਮੰਗ ਰਹੀ ਹੈ ਅਤੇ ਤਿੰਨ ਵਰਿ•ਆਂ ਦੌਰਾਨ ਟਰੈਮਾਡੋਲ ਤੋਂ ਕਾਫ਼ੀ ਲੋਕਾਂ ਨੇ ਹੱਥ ਰੰਗੇ ਹਨ। ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਜੱਦੀ ਪਿੰਡ ਬਾਦਲ ਦੇ ਹਸਪਤਾਲ ਨੂੰ ਲੰਘੇ ਵਰਿ•ਆਂ ਵਿਚ ਕਰੀਬ ਟਰੈਮਾਡੋਲ ਦੀ ਕਰੀਬ 2 ਲੱਖ ਗੋਲੀ ਦਿੱਤੀ ਜਾ ਚੁੱਕੀ ਹੈ। ਪਿਛਲੀ ਸਰਕਾਰ ਨੇ ਉਦੋਂ ਨਸ਼ਾ ਛੁਡਾਊ ਮੁਹਿੰਮ ਤਹਿਤ ਛੋਟੇ ਮੋਟੇ ਤਸਕਰਾਂ ਤੇ ਵੱਡੀ ਗਿਣਤੀ ਵਿਚ ਪੁਲੀਸ ਕੇਸ ਦਰਜ ਕੀਤੇ ਸਨ ਅਤੇ ਟਰੈਮਾਡੋਲ ਵੀ ਸਪਲਾਈ ਕੀਤੀ ਸੀ ਜਿਸ 'ਤੇ ਹੁਣ ਉਂਗਲ ਉਠ ਰਹੀ ਹੈ। ਪੰਜਾਬ ਦੀਆਂ ਜੇਲ•ਾਂ ਵਿਚ 'ਟਰੈਮਾਡੋਲ' ਪਹਿਲੀ ਪਸੰਦ ਬਣੀ ਹੋਈ ਹੈ। ਬਠਿੰਡਾ, ਮਾਨਸਾ, ਸੰਗਰੂਰ ਆਦਿ ਜੇਲ•ਾਂ ਵਿਚ ਟਰੈਮਾਡੋਲ ਦੀ ਸਪਲਾਈ ਜ਼ਿਕਰਯੋਗ ਰਹੀ ਹੈ।
                                ਨਵੀਂ ਮੁਹਿੰਮ ਚੋਂ 'ਟਰੈਮਾਡੋਲ' ਆਊਟ : ਐਮ.ਡੀ
ਪੰਜਾਬ ਸਿਹਤ ਸਿਸਟਮਜ਼ ਨਿਗਮ ਦੇ ਐਮ.ਡੀ ਸ੍ਰੀ ਵਰੁਣ ਰੂਜਮ ਦਾ ਕਹਿਣਾ ਸੀ ਕਿ ਡਾਕਟਰ ਵਲੋਂ ਸਿਫਾਰਸ਼ ਹਿੱਤ ਹੀ ਮਰੀਜ਼ਾਂ ਨੂੰ 'ਟਰੈਮਾਡੋਲ' ਦਿੱਤੀ ਜਾਂਦੀ ਹੈ ਪ੍ਰੰਤੂ ਹੁਣ ਜੋ ਨਵਾਂ ਪ੍ਰੋਗਰਾਮ ਤਿੰਨ ਜ਼ਿਲਿ•ਆਂ ਵਿਚ ਸ਼ੁਰੂ ਕੀਤਾ ਗਿਆ ਹੈ, ਉਸ 'ਚ 'ਟਰੈਮਾਡੋਲ' ਸ਼ਾਮਲ ਨਹੀਂ ਹੈ। ਜਿਥੇ ਕਿਤੇ ਡਾਕਟਰ 'ਟਰੈਮਾਡੋਲ' ਸਿਫਾਰਸ਼ ਕਰਦੇ ਹਨ, ਉਥੇ ਸਪਲਾਈ ਮੰਗ ਦੇ ਹਿਸਾਬ ਨਾਲ ਦਿੱਤੀ ਜਾਂਦੀ ਹੈ। ਨਵੇਂ ਪ੍ਰੋਗਰਾਮ ਦਾ ਹਿੱਸਾ ਹੁਣ 'ਟਰੈਮਾਡੋਲ' ਨਹੀਂ ਰਹੀ ਹੈ। ਨਿਗਮ ਵਲੋਂ ਸਿਰਫ਼ ਦਵਾਈਆਂ ਦੀ ਸਪਲਾਈ ਦਿੱਤੀ ਜਾਂਦੀ ਹੈ। 

Sunday, November 5, 2017

                         ਸਰਕਾਰੀ ਲੁੱਟ
    ਮੁਫਤ ਫਾਰਮ ਦੀ ਕੀਮਤ ਵੀਹ ਹਜ਼ਾਰ !
                         ਚਰਨਜੀਤ ਭੁੱਲਰ
ਬਠਿੰਡਾ : ਬਠਿੰਡਾ ਪ੍ਰਸ਼ਾਸਨ ਨੇ ਅਸਲਾ ਲਾਇਸੈਂਸ ਵਾਲੇ ਫਾਰਮ ਦੀ ਕੀਮਤ ਵੀਹ ਹਜ਼ਾਰ ਰੁਪਏ ਕਰ ਦਿੱਤੀ ਹੈ ਜੋ ਫਾਰਮ ਮੁਫ਼ਤ ਦਿੱਤਾ ਜਾਣਾ ਹੁੰਦਾ ਹੈ। ਵੈਸੇ ਇਸ ਫਾਰਮ ਵਾਲੀ ਫਾਈਲ ਦੀ ਲਾਗਤ ਕੀਮਤ 20 ਰੁਪਏ ਤੋਂ ਜਿਆਦਾ ਨਹੀਂ ਜਿਸ ਦੇ 20 ਹਜ਼ਾਰ ਵਸੂਲੇ ਜਾ ਰਹੇ ਹਨ। ਪਿਛਲੀ ਸਰਕਾਰ ਨੇ ਇਹੋ ਕੀਮਤ 10 ਹਜ਼ਾਰ ਰੱਖੀ ਸੀ ਜਦੋਂ ਕਿ ਨਵੀਂ ਹਕੂਮਤ ਨੇ ਕੀਮਤ ਦੁੱਗਣੀ ਕਰ ਦਿੱਤੀ ਹੈ ਜੋ ਕਿ ਪੰਜਾਬ ਭਰ ਚੋਂ ਸਭ ਤੋਂ ਵੱਧ ਹੈ। ਰੈਡ ਕਰਾਸ ਬਠਿੰਡਾ ਨੂੰ 20 ਹਜ਼ਾਰ ਦਾ ਚੰਦਾ ਦੇਣ ਵਾਲਾ ਹੀ ਅਸਲਾ ਲਾਇਸੈਂਸ ਲਈ ਅਪਲਾਈ ਕਰ ਸਕਦਾ ਹੈ। ਰੈਡ ਕਰਾਸ ਵਲੋਂ ਸਸਤੀ ਰੋਟੀ ਸਕੀਮ ਤਹਿਤ ਖਾਣਾ ਖੁਆਇਆ ਜਾ ਰਿਹਾ ਹੈ। ਸੂਤਰ ਆਖਦੇ ਹਨ ਕਿ ਜਬਰੀ ਚੰਦਾ ਇਸ ਸਕੀਮ ਖਾਤਰ ਹੀ ਲਿਆ ਜਾਂਦਾ ਹੈ। ਕਾਂਗਰਸੀ ਖੁਦ ਇਸ ਗੱਲੋਂ ਔਖੇ ਹੋ ਗਏ ਹਨ। ਬਠਿੰਡਾ ਜ਼ਿਲ•ਾ ਪੰਜਾਬ ਭਰ ਚੋਂ ਅਸਲਾ ਲਾਇਸੈਂਸਾਂ 'ਚ ਮੋਹਰੀ ਰਿਹਾ ਹੈ। ਗਠਜੋੜ ਸਰਕਾਰ ਸਮੇਂ ਆਗੂ ਨੌਜਵਾਨਾਂ ਨੂੰ ਨੌਕਰੀ ਦੀ ਥਾਂ ਅਸਲਾ ਲਾਇਸੈਂਸ ਵੰਡਦੇ ਰਹੇ ਹਨ। ਭਾਵੇਂ ਨਵੇਂ ਅਸਲਾ ਲਾਇਸੈਂਸ ਬਣਾਏ ਜਾਣ ਦੀ ਰਫ਼ਤਾਰ ਬਹੁਤ ਘਟੀ ਹੈ ਪ੍ਰੰਤੂ ਇਨ•ਾਂ ਲਾਇਸੈਂਸਾਂ ਵਾਲੇ ਫਾਰਮ ਦੀ ਕੀਮਤ ਦੁੱਗਣੀ ਕਰ ਦਿੱਤੀ ਗਈ ਹੈ।
                     ਮਾਨਸਾ ਜ਼ਿਲ•ੇ ਵਿਚ ਇਹੋ ਫੀਸ 15 ਹਜ਼ਾਰ ਰੁਪਏ ਹੈ ਪ੍ਰੰਤੂ ਹੁਣ ਬਠਿੰਡਾ ਜ਼ਿਲ•ੇ ਨੇ ਮੱਲ ਮਾਰ ਲਈ ਹੈ। ਕੇਂਦਰੀ ਗ੍ਰਹਿ ਮੰਤਰਾਲੇ ਅਨੁਸਾਰ ਨਵੀਂ ਗੰਨ/ਰਿਵਾਲਵਰ/ਪਿਸਟਲ ਦੀ ਸਰਕਾਰੀ ਫੀਸ ਇੱਕ ਹਜ਼ਾਰ ਰੁਪਏ ਹੈ ਜਦੋਂ ਇਨ•ਾਂ ਦੀ ਰੀਨਿਊ ਫੀਸ 1500 ਰੁਪਏ ਹੈ। ਹੈਰਾਨੀ ਵਾਲੇ ਤੱਥ ਹਨ ਕਿ ਫਾਰਮ ਦੀ ਕੀਮਤ 20 ਹਜ਼ਾਰ ਹੈ ਤੇ ਲਾਇਸੈਂਸ ਦੀ ਸਰਕਾਰੀ ਫੀਸ ਇੱਕ ਹਜ਼ਾਰ ਰੁਪਏ ਹੈ। ਫੌਜਦਾਰੀ ਕੇਸਾਂ ਦੇ ਐਡਵੋਕੇਟ ਸ੍ਰੀ ਰਾਜੇਸ਼ ਸ਼ਰਮਾ ਦਾ ਪ੍ਰਤੀਕਰਮ ਸੀ ਕਿ ਰੈਡ ਕਰਾਸ ਚੰਦਾ ਵਸੂਲ ਨਹੀਂ ਸਕਦਾ ਹੈ ਪ੍ਰੰਤੂ ਨਾ ਹੀ ਕਿਸੇ ਨੂੰ ਚੰਦਾ ਲੈਣ ਲਈ ਮਜਬੂਰ ਕੀਤਾ ਜਾ ਸਕਦਾ ਹੈ। ਪੰਜਾਬ ਸਰਕਾਰ ਤਰਫ਼ੋਂ ਬਕਾਇਦਾ ਨੋਟੀਫਿਕੇਸ਼ਨ ਜਾਰੀ ਕਰਕੇ ਹਰ ਤਰ•ਾਂ ਦੇ ਫਾਰਮ ਸਮੇਤ ਅਸਲਾ ਲਾਇਸੈਂਸ ਫਾਰਮ ਮੁਫ਼ਤ ਦੇਣ ਦੀ ਵਿਵਸਥਾ ਕੀਤੀ ਹੋਈ ਹੈ। ਦੂਸਰੀ ਤਰਫ਼ ਰੈਡ ਕਰਾਸ ਦੇ ਸਕੱਤਰ ਸ੍ਰੀ ਨਵੀਨ ਗਡਵਾਲ ਦਾ ਕਹਿਣਾ ਸੀ ਕਿ ਅਸਲਾ ਲਾਇਸੈਂਸ ਲਈ ਅਪਲਾਈ ਕਰਨ ਵਾਲੇ ਖੁਦ ਹੀ ਰੈਡ ਕਰਾਸ ਦਫ਼ਤਰ ਆ ਕੇ 20 ਹਜ਼ਾਰ ਦੀ ਦਾਨ ਵਜੋਂ ਪਰਚੀ ਕਟਵਾਉਂਦੇ ਹਨ ਅਤੇ ਕਿਸੇ ਨੂੰ ਦਾਨ ਲਈ ਨਹੀਂ ਆਖਿਆ ਜਾਂਦਾ ਬਲਕਿ ਲੋਕ ਸਵੈ ਇੱਛਾ ਨਾਲ ਹੀ ਦਾਨ ਦਿੰਦੇ ਹਨ।
                    ਦੱਸਣਯੋਗ ਹੈ ਕਿ ਪਹਿਲਾਂ ਸੁਵਿਧਾ ਕੇਂਦਰ ਇਹੋ 'ਦਾਨ' ਵਸੂਲਦੇ ਸਨ ਪ੍ਰੰਤੂ 3 ਅਕਤੂਬਰ 2016 ਤੋਂ ਸੇਵਾ ਕੇਂਦਰ ਚਾਲੂ ਹੋਏ ਹਨ। ਸੇਵਾ ਕੇਂਦਰ ਤਰਫ਼ੋਂ ਪਹਿਲਾਂ ਅਸਲਾ ਲਾਇਸੈਂਸ ਦੀ ਫਾਈਲ ਲੈਣ ਵਾਲੇ ਨੂੰ ਰੈਡ ਕਰਾਸ ਕੋਲ ਭੇਜਿਆ ਜਾਂਦਾ ਹੈ। ਚੋਣਾਂ ਤੋਂ ਪਹਿਲਾਂ ਸਾਲ 2016 ਦੇ ਆਖਰੀ ਚਾਰ ਮਹੀਨਿਆਂ ਵਿਚ ਅਸਲਾ ਲਾਇਸੈਂਸ ਵਾਲੀਆਂ ਕਰੀਬ 700 ਫਾਈਲਾਂ ਦੀ ਵਿਕਰੀ ਹੋਈ ਸੀ। ਬਠਿੰਡਾ ਪ੍ਰਸ਼ਾਸਨ ਤਰਫ਼ੋਂ ਹਰ ਹਫਤੇ ਪੰਜ ਸੱਤ ਨਵੇਂ ਅਸਲਾ ਲਾਇਸੈਂਸ ਬਣਾਏ ਜਾ ਰਹੇ ਹਨ। ਏਨਾ ਕੁ ਫਿਲਹਾਲ ਫਰਕ ਹੈ ਕਿ ਪਹਿਲਾਂ ਪ੍ਰਸ਼ਾਸਨ ਕੋਲ ਵਿਧਾਇਕਾਂ/ਹਲਕਾ ਇੰਚਾਰਜਾਂ ਤੋਂ ਲਾਇਸੈਂਸਾਂ ਦੀ ਸੂਚੀ ਆਉਂਦੀ ਸੀ ਜੋ ਹੁਣ ਨਹੀਂ ਆਉਂਦੀ ਹੈ।  ਪੰਜਾਬ ਭਰ 'ਚ 3.44 ਲੱਖ ਲਾਇਸੈਂਸੀ ਹਥਿਆਰ ਹਨ ਅਤੇ ਪੰਜਾਬ 'ਚ 80 ਵਿਅਕਤੀਆਂ ਪਿਛੇ ਇੱਕ ਲਾਇਸੈਂਸੀ ਹਥਿਆਰ ਹੈ। ਬਠਿੰਡਾ ਜ਼ਿਲ•ੇ ਵਿਚ ਕਰੀਬ 24 ਹਜ਼ਾਰ ਅਸਲਾ ਲਾਇਸੈਂਸ ਹਨ ਜਦੋਂ ਕਿ 32 ਹਜ਼ਾਰ ਲਾਇਸੈਂਸੀ ਹਥਿਆਰ ਹਨ।
                                ਦੌੜ ਨੂੰ ਠੱਲ•ਣ ਲਈ ਫੀਸ ਵਧਾਈ : ਡਿਪਟੀ ਕਮਿਸ਼ਨਰ
ਡਿਪਟੀ ਕਮਿਸ਼ਨਰ ਦੀਪਰਵਾ ਲਾਕਰਾ ਦਾ ਕਹਿਣਾ ਸੀ ਕਿ ਲੋਕਾਂ ਨੂੰ ਅਸਲਾ ਲਾਇਸੈਂਸਾਂ ਪ੍ਰਤੀ ਨਿਰਉਤਸ਼ਾਹ ਕਰਨ ਵਾਸਤੇ 20 ਹਜ਼ਾਰ ਰੁਪਏ ਫਾਈਲ ਫੀਸ ਰੱਖੀ ਗਈ ਹੈ ਜਿਸ 'ਚ ਹੋਰ ਵਾਧੇ ਬਾਰੇ ਵੀ ਸੋਚ ਰਹੇ ਹਾਂ। ਜੋ ਫਾਈਲ ਫੀਸ ਦੀ ਕਮਾਈ ਹੈ, ਉਹ ਹੋਰ ਭਲਾਈ ਕੰਮਾਂ ਤੋਂ ਇਲਾਵਾ ਸਸਤੀ ਰੋਟੀ ਸਕੀਮ ਵਾਸਤੇ ਵੀ ਵਰਤੀ ਜਾ ਰਹੀ ਹੈ। ਉਨ•ਾਂ ਆਖਿਆ ਕਿ ਹਥਿਆਰਾਂ ਵਾਸਤੇ ਦੌੜ ਵਿਚ ਕਮੀ ਲਈ ਫੀਸ ਵਧਾਈ ਗਈ ਹੈ ਪ੍ਰੰਤੂ ਅਸਲਾ ਲਾਇਸੈਂਸਾਂ ਦੇ ਸ਼ੌਕੀਨ ਹਾਲੇ ਵੀ ਅਪਲਾਈ ਕਰ ਰਹੇ ਹਨ। 

Saturday, November 4, 2017

                                                         ਰੁਲ ਗਏ ਤੇਰੇ ਲਾਲੋ
                       ਰਿਕਸ਼ੇ ਵਾਲਾ ਗਰੈਜੂਏਟ,ਰੇਹੜੀ ਵਾਲਾ ਬੀ.ਟੈੱਕ !
                                                           ਚਰਨਜੀਤ ਭੁੱਲਰ
ਬਠਿੰਡਾ : ਬਾਬੇ ਨਾਨਕ ਦੇ ਕਿਰਤੀ ਅੱਜ ਵੀ ਰੁਲ ਰਹੇ ਹਨ ਜਿਨ•ਾਂ ਕੋਲ ਗੁਆਉਣ ਲਈ ਸਿਰਫ਼ ਗੁਰਬਤ ਬਚੀ ਹੈ। ਕੋਈ ਵੀ ਗਲ ਲਾਉਣ ਵਾਲਾ ਨਹੀਂ ਹੈ। ਗਰੈਜੂਏਟ ਮੇਜਰ ਸਿੰਘ ਪੂਰੇ 20 ਵਰੇ• ਰਿਕਸ਼ਾ ਚਲਾਉਂਦਾ ਰਿਹਾ। ਦਿਲ ਦੀ ਸਮੱਸਿਆ ਤੇ ਉਪਰੋਂ ਰੀੜ• ਦੀ ਹੱਡੀ ਦੇ ਨੁਕਸ ਨੇ ਉਸ ਦਾ ਰਿਕਸ਼ਾ ਰੋਕ ਦਿੱਤਾ ਹੈ। ਮੁਕਤਸਰ ਦੇ ਪਿੰਡ ਭਾਗਸਰ ਦੇ ਮੇਜਰ ਸਿੰਘ ਦੇ ਭਾਗ ਹੁਣ ਬਿਮਾਰੀ ਨੇ ਖਾ ਲਏ ਹਨ। ਦੱਸਦਾ ਹੈ ਕਿ ਉਸ ਨੇ ਸਰਕਾਰੀ ਕਾਲਜ 'ਚ ਪੜਾਈ ਦੌਰਾਨ ਹੀ ਰਿਕਸ਼ਾ ਚਲਾਉਣਾ ਸ਼ੁਰੂ ਕਰ ਦਿੱਤਾ ਸੀ। ਨਾ ਕਿਧਰੇ ਡਿਗਰੀ ਦਾ ਮੁੱਲ ਪਿਆ ਤੇ ਨਾ ਕਿਰਤ ਦਾ। ਸਰਕਾਰੀ ਮੋਦੀਖ਼ਾਨੇ ਚੋਂ ਉਨ•ਾਂ ਦੇ ਹਿੱਸੇ ਕੁਝ ਨਹੀਂ ਆਇਆ। ਹੁਣ ਉਸ ਦੇ ਦਸਵੀਂ ਕਲਾਸ 'ਚ ਪੜ•ਦੇ ਲੜਕੇ ਗੁਰਪ੍ਰੀਤ ਨੇ ਕਿਰਤ ਦਾ ਲੜ ਫੜਿਆ ਹੈ। 70 ਫੀਸਦੀ ਤੋਂ ਵੱਧ ਅੰਕ ਲੈਣ ਵਾਲਾ ਗੁਰਪ੍ਰੀਤ ਦਿਨੇ ਸਕੂਲ 'ਚ ਪੜਦਾ ਹੈ ਅਤੇ ਰਾਤ ਨੂੰ ਪਿੰਡ ਦੇ ਖਰੀਦ ਕੇਂਦਰ ਵਿਚ ਦਿਹਾੜੀ ਕਰਦਾ ਹੈ। ਬਦਲੇ ਵਿਚ ਰੋਜ਼ਾਨਾ 400 ਰੁਪਏ ਮਿਲਦੇ ਹਨ ਜਿਨ•ਾਂ ਨਾਲ ਘਰ ਚੱਲਦਾ ਹੈ। ਗੁਰਪ੍ਰੀਤ ਦਿਹਾੜੀ ਕਰ ਕਰ ਕੇ ਆਪਣੀ ਭੈਣ ਅਤੇ ਭਰਾ ਨੂੰ ਵੀ ਪੜਾ ਰਿਹਾ ਹੈ। ਬਾਪ ਨੇ ਦੱਸਿਆ ਕਿ ਉਸ ਨੂੰ ਡਾਕਟਰਾਂ ਨੇ ਰਿਕਸ਼ਾ ਚਲਾਉਣ ਤੋਂ ਰੋਕ ਦਿੱਤਾ ਹੈ। ਪਿਉ ਪੁੱਤ ਪੁੱਛਦੇ ਹਨ ਕਿ ਬਾਬਾ, ਅਸੀਂ ਤਾਂ ਦਿਨ ਰਾਤ ਕਿਰਤ ਵੀ ਕੀਤੀ, ਸਾਡੀ ਤਕਦੀਰ ਕਿਉਂ ਨਹੀਂ ਬਦਲੀ।
                      ਦਸਵੀਂ ਵਿਚ ਪੜਦਾ ਗੁਰਪ੍ਰੀਤ ਹੁਣ ਆਪਣੇ ਮਾਪਿਆਂ ਅਤੇ ਭੈਣ ਭਰਾ ਦਾ ਬੋਝ ਚੁੱਕ ਰਿਹਾ ਹੈ। ਕਿਸੇ ਮਲਕ ਭਾਗੋ ਦੀ ਨਜ਼ਰ ਅੱਜ ਤੱਕ ਉਸ ਤੇ ਨਹੀਂ ਪਈ ਹੈ। ਮੋਗਾ ਦੇ ਪਿੰਡ ਕਾਲੇਕੇ ਦੇ ਨੌਜਵਾਨ ਰਾਜਦੀਪ ਦੀ ਜਦੋਂ ਸੁਰਤ ਸੰਭਲੀ ਸੀ ਤਾਂ ਉਦੋਂ ਹੀ ਜ਼ਿੰਦਗੀ ਨੇ ਕਿਰਤ ਦੇ ਲੜ ਲਾ ਦਿੱਤਾ। ਦਿਹਾੜੀਆਂ ਕਰ ਕਰ ਕੇ ਉਸ ਨੇ ਬੀ.ਕਾਮ ਕਰ ਲਈ ਹੈ। ਹੁਣ ਰਾਜਦੀਪ ਆਪਣੀ ਪੜਾਈ ਲਈ ਬਾਘਾਪੁਰਾਣਾ ਦੀ ਮੰਡੀ ਵਿਚ ਪੱਲੇਦਾਰੀ ਕਰ ਰਿਹਾ ਹੈ। ਜ਼ਿੰਦਗੀ ਦੇ ਸਫ਼ਰ ਤੇ ਚੱਲਣ ਤੋਂ ਪਹਿਲਾਂ ਹੀ ਉਸ ਨੂੰ ਬੋਰੀਆਂ ਚੁੱਕਣੀਆਂ ਪੈ ਗਈਆਂ ਹਨ। ਬਠਿੰਡਾ ਦੇ ਪਿੰਡ ਲਾਲੇਆਣਾ ਦਾ ਜਸਵੰਤ ਸਿੰਘ 71 ਫੀਸਦੀ ਅੰਕਾਂ ਨਾਲ ਲਾਈਨਮੈਨ ਦਾ ਕੋਰਸ ਕਰਨ ਮਗਰੋਂ ਦਿਹਾੜੀ ਕਰ ਰਿਹਾ ਹੈ। ਬਠਿੰਡਾ ਜ਼ਿਲ•ੇ ਦਾ ਇੱਕ ਨੌਜਵਾਨ ਜੋ ਬੀ.ਐਡ ਤੋਂ ਇਲਾਵਾ ਪੋਸਟ ਗਰੈਜੂਏਟ ਵੀ ਹੈ। ਸੁਪਨਾ ਅਧਿਆਪਕ ਬਣਨ ਦਾ ਲਿਆ ਪ੍ਰੰਤੂ ਹੁਣ ਉਸ ਦੀ ਪੈਂਚਰਾਂ ਦੀ ਦੁਕਾਨ ਹੈ। ਡਿਗਰੀਆਂ ਦਾ ਕੋਈ ਮੁੱਲ ਨਾ ਪੈਣ ਕਰਕੇ ਉਸ ਨੇ ਸ਼ਰਮ ਵਿਚ ਜੱਗ ਜ਼ਾਹਰ ਤੋਂ ਵੀ ਪਾਸਾ ਵੱਟ ਲਿਆ। ਫਰੀਦਕੋਟ ਦੇ ਪਿੰਡ ਵਾੜਾ ਦਰਾਕਾ ਦਾ 77 ਫੀਸਦੀ ਅੰਕਾਂ ਨਾਲ ਬੀ.ਟੈੱਕ ਕਰਨ ਵਾਲਾ ਲੜਕਾ ਗੁਰਪ੍ਰੀਤ ਸਿੰਘ ਬਾਜਾਖਾਨਾ ਕੋਟਕਪੂਰਾ ਸੜਕ 'ਤੇ ਜੂਸ ਦੀ ਰੇਹੜਾ ਲਾ ਰਿਹਾ ਹੈ। ਪਹਿਲਾਂ ਉਸ ਦੇ ਬਾਪ ਈਸ਼ਰ ਸਿੰਘ ਨੇ ਵੀ ਬੇਰੁਜ਼ਗਾਰੀ ਦੀ ਸੱਟ ਝੱਲੀ ਹੈ।
                     ਲੰਬੀ ਦੇ ਪਿੰਡ ਫਤੂਹੀਵਾਲਾ ਦੀ 60 ਵਰਿ•ਆਂ ਦੀ ਜਗੀਰ ਕੌਰ ਕੋਲ ਸਿਰਫ਼ ਗੁਰਬਤ ਦੀ ਜੰਗੀਰ ਬਚੀ ਹੈ। ਪਹਿਲਾਂ ਨੂੰਹ ਦੀ ਮੌਤ ਹੋ ਗਈ ਤੇ ਫਿਰ ਲੜਕੇ ਦੀ। ਹੁਣ ਪਿਛੇ ਤਿੰਨ ਪੋਤੀਆਂ ਤੇ ਪੋਤਾ ਬਚਿਆ ਹੈ। ਨਿੱਕੀ ਉਮਰੇ ਹੀ ਇਨ•ਾਂ ਬੱਚਿਆਂ ਨੇ ਜ਼ਿੰਦਗੀ ਨਾਲ ਸੌਦਾ ਕਰ ਲਿਆ ਹੈ। ਪੜਾਈ ਛੱਡ ਕੇ 13 ਵਰਿ•ਆਂ ਦਾ ਗੁਰਤੇਜ ਪਿੰਡ ਵਿਚ ਕਿਸੇ ਵੱਡੇ ਘਰ ਨਾਲ ਸੀਰੀ ਰਲ ਗਿਆ ਹੈ। ਇੱਕ ਭੈਣ ਨੇ ਲੋਕਾਂ ਘਰਾਂ ਵਿਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ ਤਾਂ ਜੋ ਦੋ ਛੋਟੀਆਂ ਭੈਣਾਂ ਨੂੰ ਪੜਾਇਆ ਜਾ ਸਕੇ। ਇਨ•ਾਂ ਬੱਚਿਆਂ ਦੇ ਹਿੱਸੇ ਆਸ਼ਰਿਤ ਪੈਨਸ਼ਨ ਵੀ ਨਹੀਂ ਆਈ ਹੈ । ਗਿੱਦੜਬਹਾ ਦਾ ਅੰਗਹੀਣ ਹਰਦਵਿੰਦਰ ਸਿੰਘ ਬਾਬੇ ਦੇ ਕਿਰਤ ਦੇ ਸੁਨੇਹੇ ਤੇ ਪਹਿਰਾ ਦੇ ਰਿਹਾ ਹੈ। ਸਮੇਂ ਦੇ ਹਾਕਮਾਂ ਨੇ ਉਸ ਨੂੰ ਪੈਨਸ਼ਨ ਜੋਗਾ ਵੀ ਨਹੀਂ ਸਮਝਿਆ ਹੈ। ਸੌ ਫੀਸਦੀ ਅੰਗਹੀਣ ਹਰਦਵਿੰਦਰ ਹੁਣ ਅਦਾਲਤ ਦੀ ਕੰਟੀਨ ਵਿਚ ਭਾਂਡੇ ਧੋ ਕੇ ਆਪਣੀ ਜ਼ਿੰਦਗੀ ਦਾ ਬੋਝ ਆਪ ਚੁੱਕ ਰਿਹਾ ਹੈ। ਸੱਤਵੀਂ ਕਲਾਸ ਚੋਂ ਇਸ ਕਰਕੇ ਹਟਣਾ ਪੈ ਗਿਆ ਕਿ ਘਰ ਵਿਚ ਖਾਣ ਜੋਗਾ ਆਟਾ ਵੀ ਨਹੀਂ ਸੀ। ਬਾਪ ਦਿਹਾੜੀ ਕਰਦਾ ਹੈ ਅਤੇ ਮਾਂ ਲੋਕਾਂ ਦੇ ਘਰਾਂ ਵਿਚ ਝਾੜੂ ਪੋਚੇ ਲਾਉਂਦੀ ਹੈ। ਉਹ ਆਖਦਾ ਹੈ ਕਿ 'ਕਿਰਤ ਅਸੀਂ ਕਰਦੇ ਹਾਂ, ਛਕਦਾ ਕੋਈ ਹੋਰ ਹੈ'।
                   ਪਿੰਡ ਤੁੰਗਵਾਲੀ ਦੀ ਜਸਵੰਤ ਕੌਰ ਤਾਂ ਆਪਣੇ ਮਾਪਿਆਂ ਅਤੇ ਭੈਣ ਭਰਾਵਾਂ ਲਈ ਜ਼ਿੰਦਗੀ ਜੀਅ ਰਹੀ ਹੈ। ਜਦੋਂ ਘਰ ਦਾ ਬੋਝ ਭੈਣਾਂ ਤੋਂ ਵੱਡਾ ਦਿੱਖਿਆ ਤਾਂ ਉਸ ਨੇ ਖੁਦ ਲੜਕਿਆਂ ਵਾਲਾ ਪਹਿਰਾਵਾ ਪਾ ਲਿਆ। ਬਾਪ ਕੌਰ ਸਿੰਘ ਖੁਦ ਬੱਕਰੀਆਂ ਚਾਰਦਾ ਹੈ ਤਾਂ ਉਸ ਦੀ ਇਹ ਧੀਅ ਉਸ ਦਾ ਕਮਾਊ ਪੁੱਤ ਬਣ ਗਈ ਹੈ। ਮਾਪਿਆਂ ਦਾ ਬੋਝ ਵੰਡਾਉਣ ਲਈ ਦਸਵੀਂ ਮਗਰੋਂ ਪੜਾਈ ਛੱਡ ਦਿੱਤੀ । ਉਹ ਚਾਰ ਵਰਿ•ਆਂ ਤੋਂ ਮਗਨਰੇਗਾ ਵਿਚ ਦਿਹਾੜੀ ਕਰਦੀ ਹੈ। ਕਿਸੇ ਕੋਈ ਕੰਮ ਹੋਵੇ ,ਜਸਵੰਤ ਨੂੰ ਹਾਕ ਪੈਂਦੀ ਹੈ। ਉਸ ਨੇ ਖੁਦ ਜ਼ਿੰਦਗੀ ਵਿਚ ਵਿਆਹ ਨਾ ਕਰਾਉਣ ਦਾ ਫੈਸਲਾ ਕੀਤਾ ਹੈ।          

Friday, November 3, 2017

                                                         ਬਾਦਲ 'ਚ ਕਿਸਾਨ
                                 ਸ਼ਮਸ਼ਾਨਘਾਟ 'ਚ ਰਾਤਾਂ ਕੱਟਣ ਲਈ ਮਜਬੂਰ
                                                          ਚਰਨਜੀਤ ਭੁੱਲਰ
ਬਠਿੰਡਾ : ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਪਿੰਡ ਬਾਦਲ ਦੇ ਕਿਸਾਨਾਂ ਨੂੰ ਐਤਕੀਂ ਸ਼ਮਸ਼ਾਨਘਾਟ 'ਚ ਝੋਨਾ ਸੁੱਟਣਾ ਪਿਆ ਹੈ। ਮਜਬੂਰੀ 'ਚ ਕਿਸਾਨਾਂ ਨੂੰ ਸ਼ਮਸ਼ਾਨਘਾਟ ਵਿਚ ਰਾਤਾਂ ਕੱਟਣੀਆਂ ਪੈ ਰਹੀਆਂ ਹਨ। ਹਕੂਮਤ ਬਦਲਣ ਮਗਰੋਂ ਐਤਕੀਂ ਪਿੰਡ ਬਾਦਲ ਦੇ ਖਰੀਦ ਕੇਂਦਰ ਦੇ ਰੰਗ ਵੀ ਬਦਲੇ ਹੋਏ ਹਨ। ਖਰੀਦ ਕੇਂਦਰ ਨੱਕੋਂ ਨੱਕ ਝੋਨੇ ਦੀ ਫਸਲ ਨਾਲ ਭਰਿਆ ਹੋਇਆ ਹੈ। ਹਾਲਾਂਕਿ ਪਿੰਡ ਬਾਦਲ ਦੇ ਵੱਡੇ ਘਰਾਂ ਵਲੋਂ ਆਪੋ ਆਪਣੇ ਖੇਤਾਂ ਜਾਂ ਘਰਾਂ ਵਿਚ ਝੋਨਾ ਢੇਰੀ ਕੀਤਾ ਜਾਂਦਾ ਹੈ। ਖਰੀਦ ਏਜੰਸੀਆਂ ਵਲੋਂ ਇਨ੍ਹਾਂ ਵੱਡੇ ਘਰਾਂ ਦੇ ਖੇਤਾਂ ਚੋਂ ਹੀ ਜੀਰੀ ਖਰੀਦ ਕੀਤੀ ਜਾਂਦੀ ਹੈ। ਸੂਤਰ ਦੱਸਦੇ ਹਨ ਕਿ ਐਤਕੀਂ ਬਾਦਲ ਪਰਿਵਾਰ ਨੇ ਪਿੰਡ ਦੇ ਖਰੀਦ ਕੇਂਦਰ ਵਿਚ ਝੋਨਾ ਸੁੱਟਿਆ ਸੀ। ਪਿੰਡ ਬਾਦਲ ਦੇ ਖਰੀਦ ਕੇਂਦਰ ਦੇ ਨਾਲ ਸ਼ਮਸ਼ਾਨਘਾਟ ਪੈਂਦਾ ਹੈ। ਤਿੰਨ ਦਿਨ ਪਹਿਲਾਂ ਇਹ ਹਾਲ ਸੀ ਕਿ ਖਰੀਦ ਕੇਂਦਰ ਦੀ ਮੁੱਖ ਸੜਕ ਹੀ ਬੰਦ ਹੋ ਗਈ ਸੀ। ਸੜਕਾਂ ਦੇ ਕਿਨਾਰਿਆਂ 'ਤੇ ਝੋਨਾ ਕਿਸਾਨਾਂ ਨੂੰ ਸੁੱਟਣਾ ਪਿਆ। ਖਰੀਦ ਕੇਂਦਰ ਕਾਫ਼ੀ ਛੋਟਾ ਹੈ ਅਤੇ ਕਈ ਲਾਗਲੇ ਪਿੰਡਾਂ ਦੀ ਫਸਲ ਵੀ ਪਿੰਡ ਬਾਦਲ ਦੇ ਹੀ ਖਰੀਦ ਕੇਂਦਰ ਵਿਚ ਆਉਂਦੀ ਹੈ। ਕਰੀਬ ਚਾਰ ਪੰਜ ਕਿਸਾਨਾਂ ਨੇ ਪਿੰਡ ਦੇ ਸ਼ਮਸ਼ਾਨਘਾਟ ਵਿਚ ਫਸਲ ਸੁੱਟੀ ਹੋਈ ਹੈ ਅਤੇ ਉਨ੍ਹਾਂ ਵਲੋਂ ਝੋਨਾ ਸੁਕਾਇਆ ਜਾ ਰਿਹਾ ਹੈ।
                   ਕਿਸਾਨਾਂ ਨੇ ਦੱਸਿਆ ਕਿ ਖਰੀਦ ਏਜੰਸੀ ਵਲੋਂ ਸ਼ਮਸ਼ਾਨਘਾਟ ਦੇ ਅੰਦਰ ਹੀ ਫਸਲ ਦੀ ਬੋਲੀ ਲਗਾ ਦਿੱਤੀ ਜਾਂਦੀ ਹੈ। ਕਿਸਾਨਾਂ ਨੇ ਦੱਸਿਆ ਕਿ ਉਹ ਕਈ ਦਿਨਾਂ ਤੋਂ ਬੈਠੇ ਹਨ ਅਤੇ ਸ਼ਮਸ਼ਾਨਘਾਟ ਵਿਚ ਹੀ ਰਾਤਾਂ ਕੱਟ ਰਹੇ ਹਨ। ਭਾਰਤੀ ਖੁਰਾਕ ਨਿਗਮ ਅਤੇ ਪਨਸਪ ਤਰਫੋਂ ਪਿੰਡ ਬਾਦਲ ਦੇ ਖਰੀਦ ਕੇਂਦਰ ਚੋਂ ਫਸਲ ਖਰੀਦ ਕੀਤੀ ਜਾ ਰਹੀ ਹੈ। ਕਈ ਕਿਸਾਨਾਂ ਨੇ ਦੱਸਿਆ ਕਿ ਗਠਜੋੜ ਸਰਕਾਰ ਸਮੇਂ ਕਦੇ ਬਹੁਤੀ ਦਿੱਕਤ ਨਹੀਂ ਬਣੀ ਸੀ ਅਤੇ ਐਤਕੀਂ ਲਿਫਟਿੰਗ ਦੀ ਥੋੜੀ ਦਿੱਕਤ ਦੱਸ ਰਹੇ ਹਨ। ਮਾਰਕੀਟ ਕਮੇਟੀ ਮਲੋਟ ਦੇ ਰਿਕਾਰਡ ਅਨੁਸਾਰ ਪਿੰਡ ਬਾਦਲ ਦੇ ਖਰੀਦ ਕੇਂਦਰ ਵਿਚ ਇਸ ਵੇਲੇ 17 ਹਜ਼ਾਰ ਬੋਰੀ ਫਸਲ ਪਈ ਹੈ ਜਦੋਂ ਕਿ ਮੰਡੀ ਵਿਚ 30 ਹਜ਼ਾਰ ਦੇ ਕਰੀਬ ਬੋਰੀ ਝੋਨਾ ਪਿਆ ਹੈ। ਕਿਧਰੇ ਵੀ ਮੰਡੀ ਵਿਚ ਕੋਈ ਖਾਲੀ ਨਹੀਂ ਹੈ। ਇਸ ਖਰੀਦ ਕੇਂਦਰ ਚੋਂ ਹੁਣ ਤੱਕ 8525 ਮੀਟਰਿਕ ਟਨ ਫਸਲ ਦੀ ਖਰੀਦ ਹੋ ਚੁੱਕੀ ਹੈ। ਪਿਛਲੇ ਸੀਜ਼ਨ ਵਿਚ ਇਸ ਮੰਡੀ ਵਿਚ 3.10 ਲੱਖ ਬੋਰੀ ਫਸਲ ਆਈ ਸੀ ਜੋ ਕਿ ਐਤਕੀਂ 3.50 ਲੱਖ ਨੂੰ ਪਾਰ ਕਰਨ ਦਾ ਅਨੁਮਾਨ ਹੈ। ਖਰੀਦ ਕੇਂਦਰ ਵਿਚ ਵਿਕੀ ਤੇ ਅਣਵਿਕੀ ਫਸਲ ਦਾ ਕਰੀਬ 30 ਹਜ਼ਾਰ ਗੱਟਾ ਪਿਆ ਹੈ ਅਤੇ ਖੁਰਾਕ ਨਿਗਮ ਵਲੋਂ ਮਾਪਦੰਡਾਂ ਵਿਚ ਕੋਈ ਢਿੱਲ ਨਹੀਂ ਦਿੱਤੀ ਜਾ ਰਹੀ ਹੈ।
                  ਮਾਰਕੀਟ ਕਮੇਟੀ ਮਲੋਟ ਅਧੀਨ ਪੈਂਦੇ ਕਰੀਬ 45 ਖਰੀਦ ਕੇਂਦਰਾਂ ਵਿਚ ਹੁਣ ਤੱਕ 2.43 ਲੱਖ ਮੀਟਰਿਕ ਟਨ ਝੋਨਾ ਆ ਚੁੱਕਾ ਹੈ ਜਿਸ ਚੋਂ 2.39 ਲੱਖ ਐਮਟੀ ਦੀ ਖਰੀਦ ਹੋ ਚੁੱਕੀ ਹੈ। ਲੋਕਾਂ ਨੇ ਦੱਸਿਆ ਕਿ ਪਿਛਲੇ ਦਿਨਾਂ ਵਿਚ ਇੱਕ ਦੋ ਕਿਸਾਨਾਂ ਨੇ ਪਿੰਡ ਬਾਦਲ ਵਿਚਲੇ ਕਾਲਜਾਂ ਦੇ ਲਾਗੇ ਹੀ ਝੋਨਾ ਉਤਾਰ ਦਿੱਤਾ ਸੀ। ਮਾਰਕੀਟ ਕਮੇਟੀ ਮਲੋਟ ਦੇ ਸਕੱਤਰ ਸ੍ਰੀ ਅਜੇਪਾਲ ਸਿੰਘ ਦਾ ਕਹਿਣਾ ਸੀ ਕਿ ਪਿੰਡ ਬਾਦਲ ਦੇ ਖਰੀਦ ਕੇਂਦਰ ਵਿਚ 8625 ਐਮਟੀ ਚੋਂ 8525 ਐਮਟੀ ਦੀ ਖਰੀਦ ਹੋ ਚੁੱਕੀ ਹੈ ਅਤੇ 8025 ਐਮ.ਟੀ ਦੀ ਖਰੀਦ ਹੋ ਚੁੱਕੀ ਹੈ। ਉਨ੍ਹਾਂ ਦੱਸਿਆ ਕਿ ਲਾਗਲੇ ਪਿੰਡਾਂ ਦੇ ਕਿਸਾਨ ਬਾਸਮਤੀ ਖਰੀਦ ਕੇਂਦਰ ਵਿਚ ਸੁਕਾਉਣ ਲਈ ਲਿਆਉਂਦੇ ਹਨ ਜਿਸ ਕਰਕੇ ਜਗ੍ਹਾ ਘੱਟ ਜਾਂਦੀ ਹੈ। ਜਗ੍ਹਾ ਦੀ ਕਮੀ ਕਰਕੇ ਕਿਸਾਨਾਂ ਨੂੰ ਹੋਰ ਤਰੱਦਦ ਕਰਨੇ ਪੈਂਦੇ ਹਨ। 

Wednesday, November 1, 2017

                         ਕਰੋੜਾਂ ਦਾ ਚੂਨਾ 
     ਕੈਪਟਨ ਦੇ ਪਿੰਡ 'ਚ 'ਜ਼ਮੀਨ ਸਕੈਂਡਲ' !
                         ਚਰਨਜੀਤ ਭੁੱਲਰ
ਬਠਿੰਡਾ  : ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਦੇ ਪੁਰਖਿਆਂ ਦੇ ਪਿੰਡ ਮਹਿਰਾਜ 'ਚ ਕਰੋੜਾਂ ਰੁਪਏ ਦੇ 'ਜ਼ਮੀਨੀ ਸਕੈਂਡਲ' ਦਾ ਧੂੰਆਂ ਉਠਿਆ ਹੈ। ਇਸ ਪਿੰਡ ਦੀ ਪੰਚਾਇਤੀ ਜ਼ਮੀਨ ਕਰੀਬ ਚਾਰ ਵਰਿ•ਆਂ 'ਚ ਭੇਤ ਭਰੇ ਢੰਗ ਨਾਲ ਗਾਇਬ ਹੋ ਗਈ ਹੈ। ਜਦੋਂ ਪਿੰਡ ਮਹਿਰਾਜ ਨੂੰ ਚਾਰ ਵ•ਰੇ• ਪਹਿਲਾਂ ਨਗਰ ਪੰਚਾਇਤ ਦਾ ਦਰਜਾ ਦਿੱਤਾ  ਗਿਆ ਤਾਂ ਉਸ ਮਗਰੋਂ ਜ਼ਮੀਨ ਗਾਇਬ ਹੋਣ ਦਾ ਮੁੱਢ ਬੱਝ ਗਿਆ। ਪਿੰਡ ਮਹਿਰਾਜ 'ਚ ਚਾਰ ਪੰਚਾਇਤਾਂ ਸਨ ਜਿਨ•ਾਂ ਵਲੋਂ ਆਖਰੀ ਸਮੇਂ ਸਾਲ 2013-14 ਵਿਚ ਕਰੀਬ 92 ਏਕੜ ਵਾਹੀਯੋਗ ਜ਼ਮੀਨ ਠੇਕੇ ਤੇ ਦਿੱਤੀ ਗਈ ਸੀ। ਨਗਰ ਪੰਚਾਇਤ ਬਣਨ ਮਗਰੋਂ ਮਹਿਰਾਜ ਦੀ ਸਾਰੀ ਸੰਪਤੀ ਪੰਚਾਇਤਾਂ ਦੀ ਥਾਂ ਨਗਰ ਪੰਚਾਇਤ ਕੋਲ ਆ ਗਈ ਸੀ।  ਵੇਰਵਿਆਂ ਅਨੁਸਾਰ ਨਗਰ ਪੰਚਾਇਤ ਵਲੋਂ ਸਾਲ 2014-15 ਵਿਚ ਪਹਿਲੇ ਵ•ਰੇ• ਦੌਰਾਨ 59 ਏਕੜ ਜ਼ਮੀਨ ਠੇਕੇ ਤੇ ਦਿੱਤੀ ਗਈ ਸੀ ਜਿਸ ਤੋਂ ਨਗਰ ਪੰਚਾਇਤ ਨੂੰ ਕਰੀਬ 7.94 ਲੱਖ ਰੁਪਏ ਆਮਦਨ ਹੋਈ ਸੀ। ਪਹਿਲੇ ਵ•ਰੇ• ਵਿਚ ਹੀ ਕਰੀਬ 31 ਏਕੜ ਜ਼ਮੀਨ ਗਾਇਬ ਹੋ ਗਈ। ਦੋ ਵ•ਰੇ• • ਮਗਰੋਂ ਇਸ ਜ਼ਮੀਨ ਚੋਂ ਕਰੀਬ 12 ਏਕੜ ਜ਼ਮੀਨ ਇੱਕ ਵੱਖਰੀ ਹੋਰ ਪੰਚਾਇਤ ਨੂੰ ਚਲੀ ਗਈ। ਨਗਰ ਪੰਚਾਇਤ ਨੇ ਚਾਲੂ ਮਾਲੀ ਵ•ਰੇ• ਦੌਰਾਨ 25 ਏਕੜ 4 ਕਨਾਲ ਜ਼ਮੀਨ ਠੇਕੇ ਤੇ ਦਿੱਤੀ ਹੈ ਜਿਸ ਤੋਂ ਕਰੀਬ 4.50 ਲੱਖ ਰੁਪਏ ਦੀ ਆਮਦਨ ਹੋਈ ਹੈ।
                   ਸੂਤਰ ਹੈਰਾਨ ਹਨ ਕਿ ਚਾਰ ਵਰਿ•ਆਂ 'ਚ ਕਰੀਬ 55 ਏਕੜ ਜ਼ਮੀਨ ਗਾਇਬ ਹੋ ਗਈ ਹੈ ਜਿਸ ਦਾ ਕੋਈ ਥਹੁ ਪਤਾ ਨਹੀਂ ਹੈ। ਕੋਈ ਆਖ ਰਿਹਾ ਹੈ ਕਿ ਨਗਰ ਪੰਚਾਇਤ ਨੇ ਗਾਇਬ ਕੀਤੀ ਹੈ ਅਤੇ ਕੋਈ ਲੋਕਾਂ ਵਲੋਂ ਨਾਜਾਇਜ਼ ਕਬਜ਼ੇ ਕੀਤੇ ਜਾਣ ਦੀ ਗੱਲ ਆਖ ਰਿਹਾ ਹੈ। ਸੂਤਰ ਦੱਸਦੇ ਹਨ ਕਿ ਮਹਿਰਾਜ ਪਿੰਡ ਵਿਚ ਖੇਤੀ ਵਾਲੀ ਜ਼ਮੀਨ ਦਾ ਬਜ਼ਾਰੂ ਭਾਅ 18 ਤੋਂ 22 ਲੱਖ ਰੁਪਏ ਪ੍ਰਤੀ ਏਕੜ ਹੈ ਅਤੇ ਇਸ ਹਿਸਾਬ ਨਾਲ ਇਹ ਗਾਇਬ ਹੋਈ ਜ਼ਮੀਨ ਦੀ ਕੀਮਤ ਕਰੀਬ 11 ਕਰੋੜ ਰੁਪਏ ਬਣ ਜਾਂਦੀ ਹੈ। ਸਰਕਾਰੀ ਤੱਥਾਂ ਅਨੁਸਾਰ ਮਹਿਰਾਜ ਦੀ ਪੱਤੀ ਸੰਦਲੀ ਦੀ ਵਾਹੀਯੋਗ ਜ਼ਮੀਨ ਕਰੀਬ 29 ਏਕੜ, ਪੱਤੀ ਸੌਲ ਦੀ ਜ਼ਮੀਨ 25 ਏਕੜ ਤੇ ਸੱਤ ਕਨਾਲ,ਪੱਤੀ ਕਰਮਚੰਦ ਦੀ 18 ਏਕੜ ਦੋ ਕਨਾਲ ਅਤੇ ਪੱਤੀ ਕਾਲਾ ਦੀ 11 ਏਕੜ 4 ਕਨਾਲ ਸੀ ਜੋ ਕਿ ਆਖਰੀ ਦਫਾ ਸਾਲ 2013-14 ਵਿਚ ਠੇਕੇ ਤੇ ਦਿੱਤੀ ਗਈ ਸੀ। ਦਿਲਚਸਪ ਤੱਥ ਹਨ ਕਿ ਜਦੋਂ ਪੰਚਾਇਤਾਂ ਕੋਲ ਜ਼ਮੀਨ ਸੀ ਤਾਂ ਉਦੋਂ ਆਖਰੀ ਦਫ਼ਾ ਠੇਕੇ ਤੋਂ ਆਮਦਨ 11.07 ਲੱਖ ਰੁਪਏ ਸੀ। ਨਗਰ ਪੰਚਾਇਤ ਬਣਨ ਮਗਰੋਂ ਪਹਿਲੇ ਵਰੇ• ਆਮਦਨ 7.94 ਲੱਖ ਰੁਪਏ, ਦੂਸਰੇ ਵ•ਰੇ• 6.59 ਲੱਖ ਅਤੇ ਤੀਸਰੇ ਵਰੇ• 2.97 ਲੱਖ ਰੁਪਏ ਆਮਦਨ ਰਹਿ ਗਈ। ਹਕੂਮਤ ਬਦਲੀ ਮਗਰੋਂ ਚਾਲੂ ਮਾਲੀ ਵਰੇ• ਤੋਂ ਫਿਰ ਆਮਦਨ ਵਧਣ ਲੱਗੀ ਹੈ।
                    ਨਗਰ ਪੰਚਾਇਤ ਮਹਿਰਾਜ ਦੇ ਪ੍ਰਧਾਨ ਹਰਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਨਗਰ ਪੰਚਾਇਤ ਨੇ ਡਿਪਟੀ ਕਮਿਸ਼ਨਰ ਨੂੰ ਪੱਤਰ ਲਿਖ ਕੇ ਪੰਚਾਇਤਾਂ ਵਾਲੀ ਜ਼ਮੀਨ ਦਾ ਇੰਤਕਾਲ ਨਗਰ ਪੰਚਾਇਤ ਦੇ ਨਾਮ ਕਰਨ ਵਾਸਤੇ ਲਿਖਿਆ ਹੈ। ਉਨ•ਾਂ ਨੇ ਤਾਂ ਐਤਕੀਂ 25 ਏਕੜ ਜ਼ਮੀਨ ਦੀ ਬੋਲੀ ਕੀਤੀ ਹੈ ਅਤੇ ਮਹਿਰਾਜ ਦੀ ਬਹੁਤੀ ਜ਼ਮੀਨ ਨਾਜਾਇਜ਼ ਕਬਜ਼ਿਆਂ ਹੇਠ ਹੈ। ਉਨ•ਾਂ ਆਖਿਆ ਕਿ ਜ਼ਮੀਨ ਦੇ ਗਾਇਬ ਹੋਣ ਦਾ ਪਤਾ ਨਹੀਂ ਹੈ ਪ੍ਰੰਤੂ ਨਗਰ ਪੰਚਾਇਤ ਕੋਲ ਜਿੰਨੀ ਜ਼ਮੀਨ ਸੀ, ਉਸ ਦੀ ਬੋਲੀ ਕਰਾਈ ਗਈ ਹੈ। ਉਨ•ਾਂ ਇਹ ਵੀ ਆਖਿਆ ਕਿ ਪੰਚਾਇਤ ਵਿਭਾਗ ਵਲੋਂ ਨਗਰ ਪੰਚਾਇਤ ਨੂੰ ਜ਼ਮੀਨ ਸੌਂਪੀ ਹੀ ਨਹੀਂ ਗਈ ਹੈ।  ਮਹਿਰਾਜ ਦੇ ਜਨਤਿਕ ਆਗੂ ਹਰਮੀਤ ਸਿੰਘ ਮਹਿਰਾਜ ਦਾ ਕਹਿਣਾ ਸੀ ਕਿ ਪੰਚਾਇਤੀ ਜ਼ਮੀਨ ਵਿਚ ਵੱਡਾ ਘਪਲਾ ਹੋਇਆ ਹੈ ਜਿਸ ਦੀ Àੁੱਚ ਪੱਧਰੀ ਪੜਤਾਲ ਹੋਣੀ ਚਾਹੀਦੀ ਹੈ ਤਾਂ ਜੋ ਸੱਚ ਸਾਹਮਣੇ ਆ ਸਕੇ।
                    ਦੂਸਰੀ ਤਰਫ਼ ਜ਼ਿਲ•ਾ ਵਿਕਾਸ ਤੇ ਪੰਚਾਇਤ ਅਫਸਰ ਸ੍ਰੀ ਹਰਜਿੰਦਰ ਸਿੰਘ ਜੱਸਲ ਦਾ ਕਹਿਣਾ ਸੀ ਕਿ ਨਗਰ ਪੰਚਾਇਤ ਦੇ ਹੋਏ ਨੋਟੀਫਿਕੇਸ਼ਨ ਅਨੁਸਾਰ ਉਦੋਂ ਹੀ ਸਾਰੀ ਪੰਚਾਇਤੀ ਜ਼ਮੀਨ ਦੀ ਮਾਲਕ ਨਗਰ ਪੰਚਾਇਤ ਬਣ ਗਈ ਸੀ ਅਤੇ ਸਾਰੀ ਜ਼ਮੀਨ ਨਗਰ ਪੰਚਾਇਤ ਦੇ ਹਵਾਲੇ ਕੀਤੀ ਗਈ ਹੈ। ਜੋ ਇੰਤਕਾਲ ਵਗੈਰਾ ਦਾ ਕੰਮ ਹੈ, ਉਹ ਨਗਰ ਪੰਚਾਇਤ ਨੇ ਹੀ ਕਰਾਉਣਾ ਸੀ। ਇਸੇ ਦੌਰਾਨ ਵਿਧਾਇਕ ਗੁਰਪ੍ਰੀਤ ਕਾਂਗੜ ਨੇ ਆਖਿਆ ਕਿ ਇਸ ਮਾਮਲੇ ਦੀ ਉਚ ਪੱਧਰੀ ਜਾਂਚ ਹੋਣੀ ਚਾਹੀਦੀ ਹੈ ਅਤੇ ਉਹ ਮਾਮਲਾ ਮੁੱਖ ਮੰਤਰੀ ਪੰਜਾਬ ਦੇ ਧਿਆਨ ਵਿਚ ਲਿਆਉਣਗੇ

Thursday, October 26, 2017

                          ਸੱਤਾ ਦਾ ਨਸ਼ਾ
           ਠੇਕੇ ਤਾਂ ਚਾਲੂ ,ਸਕੂਲ ਕੀਤੇ ਬੰਦ
                          ਚਰਨਜੀਤ ਭੁੱਲਰ
ਬਠਿੰਡਾ  : ਮਾਨਸਾ ਜ਼ਿਲ•ੇ ਦੇ ਪਿੰਡ ਖਿਆਲਾ ਖੁਰਦ ਦੀ ਪੰਚਾਇਤ ਪਿੰਡ ਚੋਂ ਸ਼ਰਾਬ ਦੇ ਠੇਕਾ ਬੰਦ ਕਰਾਉਣਾ ਚਾਹੁੰਦੀ ਸੀ ਪ੍ਰੰਤੂ ਸਰਕਾਰ ਨੇ ਪਿੰਡ ਦਾ ਪ੍ਰਾਇਮਰੀ ਸਕੂਲ ਬੰਦ ਕਰਨ ਦਾ ਫੁਰਮਾਨ ਭੇਜ ਦਿੱਤਾ। ਪੰਚਾਇਤ ਇਸ ਗੱਲੋਂ ਔਖ ਵਿਚ ਹੈ ਕਿ ਉਨ•ਾਂ ਦੀ ਠੇਕਾ ਬੰਦ ਕਰਾਉਣ ਦੇ ਮਤੇ ਨੂੰ ਸਰਕਾਰ ਨੇ ਮੰਨਿਆ ਨਹੀਂ ਅਤੇ ਸਰਕਾਰੀ ਸਕੂਲ ਨੂੰ ਬੰਦ ਕਰਨ ਦਾ ਫੈਸਲਾ ਕਰ ਲਿਆ। ਪਿੰਡ ਦੇ ਸਰਪੰਚ ਜਗਰੂਪ ਸਿੰਘ ਨੇ ਦੱਸਿਆ ਕਿ ਪੰਚਾਇਤੀ ਮਤਾ ਪਾਸ ਕਰਕੇ ਠੇਕਾ ਬੰਦ ਕਰਾਉਣ ਦਾ ਫੈਸਲਾ ਲਿਆ ਸੀ ਜੋ ਸਰਕਾਰ ਨੇ ਪ੍ਰਵਾਨ ਨਹੀਂ ਕੀਤਾ ਪਰ ਹੁਣ ਸਕੂਲ ਨੂੰ ਬੰਦ ਕਰਨ ਦੇ ਹੁਕਮ ਆ ਗਏ ਹਨ। ਸਰਪੰਚ ਨੇ ਆਖਿਆ ਕਿ ਉਹ ਹੁਣ ਪਿੰਡ ਵਿਚ ਸ਼ਰਾਬ ਦਾ ਠੇਕਾ ਵੀ ਨਹੀਂ ਰਹਿਣ ਦੇਣਗੇ। ਸਰਪੰਚ ਦਾ ਪ੍ਰਤੀਕਰਮ ਸੀ ਕਿ ਸਰਕਾਰ ਠੇਕਾ ਵੀ ਪਿੰਡ ਚੋਂ ਚੁੱਕੇ। ਪਿੰਡ ਮਹਿਰਾਜ ਦੇ ਕੋਠੇ ਟੱਲਵਾਲੀ ਤੇ ਪਿੰਡ ਪਿਪਲੀ ਦੇ ਸਰਪੰਚਾਂ ਨੇ ਹੁਣ ਦੋਵਾਂ ਪਿੰਡਾਂ ਦੇ ਸਾਂਝੇ ਸ਼ਰਾਬ ਦੇ ਠੇਕੇ ਨੂੰ ਚੁੱਕਣ ਦੀ ਮੰਗ ਉਠਾਈ ਹੈ। ਇਨ•ਾਂ ਦੋਵਾਂ ਪਿੰਡਾਂ ਦੇ ਪ੍ਰਾਇਮਰੀ ਸਕੂਲ ਬੰਦ ਕਰਨ ਦਾ ਫੈਸਲਾ ਹੋਇਆ ਹੈ। ਕੋਠੇ ਟੱਲਵਾਲੀ ਦੇ ਸਰਪੰਚ ਸੁਖਮੰਦਰ ਸਿੰਘ ਤੇ ਪਿਪਲੀ ਦੇ ਸਰਪੰਚ ਮੇਜਰ ਸਿੰਘ ਦਾ ਪ੍ਰਤੀਕਰਮ ਸੀ ਕਿ ਉਹ ਸਕੂਲ ਤਾਂ ਨਹੀਂ ਚੁੱਕਣ ਦੇਣਗੇ ਪ੍ਰੰਤੂ ਸ਼ਰਾਬ ਦਾ ਠੇਕਾ ਜਰੂਰ ਚੁਕਾਉਣਗੇ। ਉਨ•ਾਂ ਮੰਗ ਕੀਤੀ ਕਿ ਸਰਕਾਰ ਅਗਲੇ ਵਰੇ• ਤੋਂ ਠੇਕਾ ਬੰਦ ਕਰੇ।
                    ਮਾਨਸਾ ਦੇ ਪਿੰਡ ਲੁਹਾਰ ਖੇੜਾ ਦੇ ਬੱਚਿਆਂ ਨਾਲ ਤਾਂ ਜੱਗੋਂ ਤੇਰ•ਵੀਂ ਹੋ ਗਈ ਹੈ। ਸਰਪੰਚ ਜਗਵਿੰਦਰ ਸਿੰਘ ਨੇ ਦੱਸਿਆ ਕਿ ਬੱਚਿਆਂ ਕੋਲ ਕਿਸੇ ਦੂਸਰੇ ਸਕੂਲ ਵਿਚ ਜਾਣਾ ਮੁਸ਼ਕਲ ਹੈ ਜਿਸ ਕਰਕੇ ਖਦਸ਼ਾ ਹੈ ਕਿ ਬੱਚੇ ਘਰਾਂ ਵਿਚ ਹੀ ਬੈਠ ਜਾਣਗੇ। ਜ਼ਿਲ•ਾ ਮੋਗਾ ਦੇ ਪਿੰਡ ਨੱਥੂਵਾਲਾ ਗਰਬੀ ਦਾ ਪ੍ਰਾਇਮਰੀ ਸਕੂਲ ਵੀ ਬੰਦ ਹੋਵੇਗਾ। ਇਸ ਪਿੰਡ ਦੀ ਮਹਿਲਾ ਸਰਪੰਚ ਮਨਜੀਤ ਕੌਰ ਦੱਸਦੀ ਹੈ ਕਿ ਦੋ ਵਰੇ• ਪਹਿਲਾਂ ਠੇਕਾ ਬੰਦ ਕਰਾਉਣਾ ਚਾਹਿਆ ਸੀ ਪ੍ਰੰਤੂ ਸਰਕਾਰ ਨਹੀਂ ਮੰਨੀ ਪ੍ਰੰਤੂ ਹੁਣ ਸਕੂਲ ਬੰਦ ਕਰਨ ਦਾ ਫੈਸਲਾ ਕਰ ਲਿਆ ਹੈ। ਉਨ•ਾਂ ਆਖਿਆ ਕਿ ਪੰਚਾਇਤ ਹੁਣ ਠੇਕਾ ਵੀ ਚੁਕਾਏਗੀ। ਪਿੰਡ ਅਸਪਾਲ(ਮਾਨਸਾ) ਦਾ ਪ੍ਰਾਇਮਰੀ ਸਕੂਲ ਬੰਦ ਹੋਇਆ ਤਾਂ ਸਕੂਲ ਦੇ ਬੱਚਿਆਂ ਨੂੰ ਪੌਣੇ ਚਾਰ ਕਿਲੋਮੀਟਰ ਦੂਰ ਪੜ•ਨ ਵਾਸਤੇ ਜਾਣਾ ਪਵੇਗਾ। ਸਾਬਕਾ ਸਰਪੰਚ ਬਿੱਕਰ ਸਿੰਘ ਦਾ ਕਹਿਣਾ ਸੀ ਕਿ ਬੱਚਿਆਂ ਨੂੰ ਤੁਰ ਕੇ ਜਾਣਾ ਮੁਸ਼ਕਲ ਹੋ ਜਾਵੇਗਾ। ਸੰਗਰੂਰ ਦੇ ਪਿੰਡ ਦੌਲੋਵਾਲ ਦੇ ਸਰਪੰਚ ਜਸਪਾਲ ਸਿੰਘ ਦਾ ਕਹਿਣਾ ਸੀ ਕਿ ਪੰਚਾਇਤ ਪਿੰਡ ਦੇ ਸਕੂਲ ਨੂੰ ਬੰਦ ਨਹੀਂ ਹੋਣ ਦੇਵੇਗੀ। ਇਸੇ ਜ਼ਿਲ•ੇ ਦੇ ਪਿੰਡ ਬੱਲਮਗੜ• ਦੇ ਸਾਬਕਾ ਸਰਪੰਚ ਜਰਨੈਲ ਸਿੰਘ ਵੀ ਇਹੋ ਗੱਲ ਆਖੀ।
                    ਪਟਿਆਲਾ ਜ਼ਿਲ•ੇ ਦੇ ਪਿੰਡ ਗਾਜੀਪੁਰ ਦੀ ਪੰਚਾਇਤ ਨੇ ਪੰਚਾਇਤੀ ਮਤਾ ਸ਼ਰਾਬ ਦਾ ਠੇਕਾ ਬੰਦ ਕਰਨ ਵਾਸਤੇ ਪਾਇਆ ਸੀ। ਸਰਕਾਰ ਨੇ ਇਸ ਪਿੰਡ ਚੋਂ ਠੇਕਾ ਵੀ ਬੰਦ ਕਰ ਦਿੱਤਾ ਹੈ ਅਤੇ ਹੁਣ ਸਕੂਲ ਵੀ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਲੋਕ ਤਾਂ ਪਿੰਡ ਚੋਂ ਇਕੱਲਾ ਠੇਕਾ ਹੀ ਚੁਕਾਉਣਾ ਚਾਹੁੰਦੇ ਸਨ। ਇਵੇਂ ਰੋਪੜ ਦੇ ਪਿੰਡ ਕੋਟਲੀ ਵਿਚ ਹੋਇਆ ਹੈ। ਪੰਚਾਇਤ ਨੇ ਠੇਕਾ ਬੰਦ ਕਰਾਉਣ ਵਾਸਤੇ ਮਤਾ ਪਾਸ ਕੀਤਾ ਸੀ। ਸਰਕਾਰ ਨੇ ਪਹਿਲਾਂ ਮਤੇ ਦੇ ਅਧਾਰ ਤੇ ਠੇਕਾ ਚੁਕਵਾ ਦਿੱਤਾ ਅਤੇ ਹੁਣ ਇਸ ਪਿੰਡ ਦਾ ਸਕੂਲ ਬੰਦ ਕਰਾਉਣ ਦਾ ਫੈਸਲਾ ਕੀਤਾ ਗਿਆ ਹੈ। ਇਸੇ ਤਰ•ਾਂ ਬਹੁਤ ਪਿੰਡਾਂ ਵਿਚ ਹੋਂਿÂਆ ਹੈ ਜਿਥੋਂ ਦੇ ਲੋਕ ਠੇਕਾ ਬੰਦ ਕਰਾਉਣ ਦੇ ਇੱਛੁਕ ਸਨ ਪ੍ਰੰਤੂ ਹੁਣ ਮਾਰ ਉਨ•ਾਂ ਪਿੰਡਾਂ ਦੇ ਸਕੂਲਾਂ ਨੂੰ ਪੈ ਗਈ ਹੈ।
                                 ਸਕੂਲ ਨਹੀਂ, ਠੇਕੇ ਬੰਦ ਕਰੇ ਸਰਕਾਰ : ਡਾਕਟਰ ਮਾਨ
ਸੰਗਰੂਰ ਦੇ ਸਮਾਜ ਸੇਵੀ ਡਾ.ਅਮਰਜੀਤ ਸਿੰਘ ਮਾਨ ਜੋ ਕਿ ਠੇਕੇ ਬੰਦ ਕਰਾਉਣ ਵਾਸਤੇ ਕਈ ਵਰਿ•ਆਂ ਤੋਂ ਲੜਾਈ ਲੜ ਰਹੇ ਹਨ, ਦਾ ਪ੍ਰਤੀਕਰਮ ਸੀ ਕਿ ਸਰਕਾਰ ਸੱਚਮੁੱਚ ਨਸ਼ੇ ਬੰਦ ਕਰਨਾ ਚਾਹੁੰਦੀ ਹੈ ਤਾਂ ਜਰੂਰਤ ਹੈ ਕਿ ਪਿੰਡਾਂ ਚੋਂ ਠੇਕੇ ਬੰਦ ਕੀਤੇ ਜਾਣ। ਉਨ•ਾਂ ਆਖਿਆ ਕਿ ਅਗਰ ਸਰਕਾਰ ਸਕੂਲ ਬੰਦ ਕਰੇਗੀ ਤਾਂ ਨਵੀਂ ਪੀੜੀ ਗਲਤ ਰਾਹ ਪੈ ਸਕਦੀ ਹੈ ਜਿਸ ਕਰਕੇ ਸਰਕਾਰ ਫੈਸਲੇ ਤੇ ਮੁੜ ਵਿਚਾਰ ਕਰੇ।

Tuesday, October 24, 2017

                                 ਕਰਜ਼ਾ ਮੁਆਫੀ 
                   ਅੱਠ ਸੌ ਕਰੋੜ 'ਚ ਪਏ 'ਲਾਰੇ'
                                 ਚਰਨਜੀਤ ਭੁੱਲਰ
ਬਠਿੰਡਾ  : ਪੰਜਾਬ ਭਰ ਦੇ ਕਿਸਾਨਾਂ ਨੂੰ ਕਰਜ਼ਾ ਮੁਆਫ਼ੀ ਦੀ ਝਾਕ ਨੇ ਕਰੀਬ 800 ਕਰੋੜ ਦਾ ਰਗੜਾ ਲਾ ਦਿੱਤਾ ਹੈ ਜਿਨ•ਾਂ ਨੇ 'ਲੰਮੇ ਸਮੇਂ ਦੇ ਕਰਜ਼ੇ' ਚੁੱਕੇ ਹੋਏ ਸਨ। ਕਰਜ਼ਾ ਮੁਆਫ਼ੀ ਦੀ ਆਸ ਨੇ ਕਰੀਬ 33 ਹਜ਼ਾਰ ਨਵੇਂ ਕਿਸਾਨਾਂ ਨੂੰ ਡਿਫਾਲਟਰ ਬਣਾ ਦਿੱਤਾ ਹੈ। ਜਦੋਂ ਪੰਜਾਬ ਚੋਣਾਂ ਤੋਂ ਪਹਿਲਾਂ ਸਿਆਸੀ ਧਿਰਾਂ ਨੇ ਕਰਜ਼ਾ ਮੁਆਫ਼ੀ ਦੇ ਐਲਾਨ ਕੀਤੇ ਤਾਂ ਰੈਗੂਲਰ ਕਿਸ਼ਤਾਂ ਭਰਨ ਵਾਲੇ ਕਿਸਾਨਾਂ ਨੇ ਵੀ ਕਿਸ਼ਤ ਭਰਨੀ ਬੰਦ ਕਰ ਦਿੱਤੀ। ਕੈਪਟਨ ਸਰਕਾਰ ਨੇ ਹੁਣ ਸਪੱਸ਼ਟ ਕੀਤਾ ਹੈ ਕਿ ਕਰਜ਼ਾ ਮੁਆਫ਼ੀ 'ਚ 'ਲੰਮੇ ਸਮੇਂ ਦੇ ਕਰਜ਼ੇ' ਸ਼ਾਮਲ ਨਹੀਂ ਹਨ ਜਿਸ ਦਾ ਮਤਲਬ ਹੈ ਕਿ ਖੇਤੀ ਵਿਕਾਸ ਬੈਂਕਾਂ ਤੋਂ ਕਰਜ਼ਾ ਲੈਣ ਵਾਲੇ ਕਿਸਾਨ 'ਕਰਜ਼ਾ ਮੁਆਫ਼ੀ' ਦੇ ਘੇਰੇ ਵਿਚ ਨਹੀਂ ਆਉਂਦੇ ਹਨ। ਪੰਜਾਬ ਭਰ 'ਚ 89 ਖੇਤੀ ਵਿਕਾਸ ਬੈਂਕਾਂ ਹਨ ਜਿਨ•ਾਂ ਨੇ ਐਤਕੀਂ ਕਿਸਾਨਾਂ ਤੋਂ 1800 ਕਰੋੜ ਦੀ ਵਸੂਲੀ ਕਰਨੀ ਹੈ। ਵੇਰਵਿਆਂ ਅਨੁਸਾਰ ਜਦੋਂ ਸਿਆਸੀ ਧਿਰਾਂ ਨੇ ਕਰਜ਼ਾ ਮੁਆਫ਼ੀ ਦੇ ਚੋਣਾਂ ਤੋਂ ਪਹਿਲਾਂ ਐਲਾਨ ਕੀਤੇ ਸਨ ਤਾਂ ਉਦੋਂ ਪਹਿਲੀ ਅਕਤੂਬਰ 2016 ਨੂੰ ਪੰਜਾਬ ਵਿਚ ਖੇਤੀ ਵਿਕਾਸ ਬੈਂਕਾਂ ਦੇ ਡਿਫਾਲਟਰ ਕਿਸਾਨਾਂ ਦੀ ਗਿਣਤੀ 59,950 ਸੀ ਜਿਨ•ਾਂ ਦੇ ਸਿਰ 'ਤੇ 652 ਕਰੋੜ ਦਾ ਕਰਜ਼ਾ ਸੀ।
                   ਉਸ ਮਗਰੋਂ ਕਰਜ਼ਾ ਮੁਆਫ਼ੀ ਦੀ ਝਾਕ 'ਚ ਕਿਸਾਨਾਂ ਨੇ ਕਿਸ਼ਤਾਂ ਦੇਣੀਆਂ ਬੰਦ ਕਰ ਦਿੱਤੀਆਂ ਜਿਸ ਦਾ ਨਤੀਜੇ ਵਜੋਂ ਹੁਣ ਇਨ•ਾਂ ਬੈਂਕਾਂ ਦੇ ਡਿਫਾਲਟਰ ਕਿਸਾਨਾਂ ਦੀ ਗਿਣਤੀ ਵਧ ਕੇ 93,778 ਹੋ ਗਈ ਹੈ ਜਿਨ•ਾਂ ਸਿਰ ਕਰਜ਼ਾ ਵਧਕੇ 1440 ਕਰੋੜ ਰੁਪਏ ਹੋ ਗਿਆ ਹੈ। ਮੁਆਫ਼ੀ ਦੀ ਝਾਕ 'ਚ ਡਿਫਾਲਟਰਾਂ ਵਿਚ 33,828 ਕਿਸਾਨ ਨਵੇਂ ਜੁੜ ਗਏ ਅਤੇ ਕਰਜ਼ੇ ਵਿਚ ਵੀ 788 ਕਰੋੜ ਦਾ ਵਾਧਾ ਹੋ ਗਿਆ। ਬੈਂਕ ਅਧਿਕਾਰੀ ਦੱਸਦੇ ਹਨ ਕਿ ਕਰਜ਼ਾ ਮੁਆਫ਼ੀ ਦੀ ਝਾਕ ਨੇ ਤਾਂ 'ਗੁੱਡ ਪੇਅ ਮਾਸਟਰਾਂ' 'ਤੇ ਵੀ ਦਾਗ ਲਾ ਦਿੱਤਾ ਹੈ ਜਿਨ•ਾਂ ਨੂੰ ਰੈਗੂਲਰ ਕਿਸ਼ਤਾਂ ਤਾਰਨ 'ਤੇ ਬੈਂਕ ਵਲੋਂ 0.5 ਫੀਸਦੀ ਤੋਂ ਇੱਕ ਫੀਸਦੀ ਛੋਟ ਦਿੱਤੀ ਜਾਂਦੀ ਸੀ। ਰੈਗੂਲਰ ਕਿਸ਼ਤਾਂ ਤਾਰਨ ਵਾਲੇ ਕਿਸਾਨਾਂ ਦੇ ਮੱਥੇ 'ਤੇ ਹੁਣ ਡਿਫਾਲਟਰ ਹੋਣ ਦਾ ਦਾਗ ਲੱਗ ਗਿਆ ਹੈ। ਪੰਜਾਬ ਭਰ ਦੇ ਖੇਤੀ ਵਿਕਾਸ ਬੈਂਕਾਂ ਦੀ ਕਰਜ਼ਾ ਮੁਆਫ਼ੀ ਨੇ ਚੂਲ ਹਿਲਾ ਕੇ ਰੱਖ ਦਿੱਤਾ ਹੈ। ਪਿਛਲੇ ਵਰੇ• ਦੇ ਝੋਨੇ ਦੀ ਸੀਜ਼ਨ ਵਿਚ ਇਨ•ਾਂ ਬੈਂਕਾਂ ਦੀ ਵਸੂਲੀ ਦਰ ਇਕਦਮ ਡਿੱਗ ਕੇ 17.48 ਫੀਸਦੀ ਰਹਿ ਗਈ।
                   ਐਤਕੀਂ ਕਣਕ ਦੇ ਸੀਜ਼ਨ ਇਹ ਵਸੂਲੀ ਦਰ ਹੋਰ ਘੱਟ ਕੇ 9.58 ਫੀਸਦੀ ਹੀ ਰਹਿ ਗਈ। ਜੋ ਹੁਣ ਵਸੂਲੀ ਸ਼ੁਰੂ ਹੋਈ ਹੈ, ਉਸ 'ਚ ਹੁਣ ਤੱਕ ਸਿਰਫ਼ 6.01 ਫੀਸਦੀ ਵਸੂਲੀ ਹੀ ਹੋਈ ਹੈ।  ਕਰਜ਼ਾ ਮੁਆਫ਼ੀ ਦਾ ਸੱਚ ਬਾਹਰ ਆਉਣ ਮਗਰੋਂ ਖੇਤੀ ਵਿਕਾਸ ਬੈਂਕਾਂ ਦੇ ਕਰਜ਼ਾਈ ਕਿਸਾਨ ਲੁੱਟੇ ਹੋਏ ਮਹਿਸੂਸ ਕਰ ਰਹੇ ਹਨ। ਇੱਕ ਉੱਚ ਅਧਿਕਾਰੀ ਨੇ ਦੱਸਿਆ ਕਿ ਮੁਆਫ਼ੀ ਦੀ ਝਾਕ ਨੇ ਕਿਸਾਨਾਂ 'ਤੇ ਦੋਹਰਾ ਬੋਝ ਵਧਾ ਦਿੱਤਾ ਹੈ ਅਤੇ ਇੱਧਰ ਬੈਂਕਾਂ ਦੇ ਖ਼ਜ਼ਾਨੇ ਨੂੰ ਵੀ ਸੱਟ ਵੱਜੀ ਹੈ। ਬੀ.ਕੇ.ਯੂ (ਸਿੱਧੂਪੁਰ) ਦੇ ਸੀਨੀਅਰ ਮੀਤ ਪ੍ਰਧਾਨ ਕਾਕਾ ਸਿੰਘ ਕੋਟੜਾ ਦਾ ਪ੍ਰਤੀਕਰਮ ਸੀ ਕਿ ਸਰਕਾਰ ਨੇ ਕੀਤੇ ਮੁਕੰਮਲ ਵਾਅਦੇ ਨੂੰ ਲਾਗੂ ਨਹੀਂ ਕੀਤਾ ਅਤੇ ਖੇਤੀ ਵਿਕਾਸ ਬੈਂਕਾਂ ਦੇ ਕਰਜ਼ਾਈ ਕਿਸਾਨਾਂ ਦੇ ਭਾਰ ਹੋਰ ਵਧਾ ਦਿੱਤੇ ਹਨ। ਅਧਿਕਾਰੀ ਦੱਸਦੇ ਹਨ ਕਿ ਕਿਸਾਨਾਂ ਨੇ ਕਰਜ਼ਾ ਮੁਆਫ਼ੀ ਦੇ ਚੱਕਰ ਵਿਚ ਵਿਆਜ ਦਾ ਵਾਧੂ ਬੋਝ ਵਧਾ ਲਿਆ ਹੈ ਜੋ ਕਿਸਾਨਾਂ ਦੀ ਗੱਡੀ ਲੀਹੋਂ ਲਾਹੇਗਾ।
                                ਖੇਤੀ ਵਿਕਾਸ ਬੈਂਕ ਮੁਆਫ਼ੀ ਦੇ ਘੇਰੇ ਤੋਂ ਬਾਹਰ : ਐਮ.ਡੀ
ਖੇਤੀ ਵਿਕਾਸ ਬੈਂਕਾਂ ਦੇ ਮੈਨੇਜਿੰਗ ਡਾਇਰੈਕਟਰ ਸ੍ਰ. ਹਰਿੰਦਰ ਸਿੰਘ ਸਿੱਧੂ ਨੇ ਕਿਸਾਨਾਂ ਨੂੰ ਸਪੱਸ਼ਟ ਅਪੀਲ ਕੀਤੀ ਹੈ ਕਿ ਖੇਤੀ ਵਿਕਾਸ ਬੈਂਕ ਕਰਜ਼ਾ ਮੁਆਫ਼ੀ ਦੇ ਘੇਰੇ ਚੋਂ ਬਾਹਰ ਹਨ ਜਿਸ ਕਰਕੇ ਕਿਸਾਨ ਮੌਜੂਦਾ ਫਸਲ ਦੌਰਾਨ ਬਕਾਇਆ ਕਿਸ਼ਤਾਂ ਤਾਰ ਦੇਣ। ਉਨ•ਾਂ ਆਖਿਆ ਕਿ ਮੁਆਫ਼ੀ ਦੀ ਝਾਕ ਵਿਚ ਡਿਫਾਲਟਰਾਂ ਦੀ ਗਿਣਤੀ ਵਿਚ ਵੱਡਾ ਵਾਧਾ ਹੋਇਆ ਹੈ। ਉਨ•ਾਂ ਆਸ ਕੀਤੀ ਕਿ ਐਤਕੀਂ ਫਸਲੀ ਪੈਦਾਵਾਰ ਚੰਗੀ ਹੈ ਤੇ ਕਿਸਾਨ ਕਿਸ਼ਤਾਂ ਤਾਰ ਕੇ ਮੁੜ ਗੱਡੀ ਲੀਹ 'ਤੇ ਪਾ ਸਕਦੇ ਹਨ।
                                   ਡਿਫਾਲਟਰ ਕਿਸਾਨਾਂ ਦੇ ਕਰਜ਼ੇ ਦੀ ਮੌਜੂਦਾ ਸਥਿਤੀ
 ਜ਼ਿਲ•ੇ ਦਾ ਨਾਮ                  ਡਿਫਾਲਟਰ ਕਿਸਾਨਾਂ ਵੱਲ ਖੜ•ੀ ਬਕਾਇਆ ਰਾਸ਼ੀ
1.  ਫਿਰੋਜ਼ਪੁਰ                                          320.87 ਕਰੋੜ
2.  ਮੁਕਤਸਰ                                           131.86 ਕਰੋੜ
3.   ਸੰਗਰੂਰ                                             103.04 ਕਰੋੜ
4.   ਬਠਿੰਡਾ                                              99.69 ਕਰੋੜ
5.   ਮਾਨਸਾ                                              93.77 ਕਰੋੜ
   

Sunday, October 22, 2017

                       ਕੌਮੀ ਸ਼ਾਹਰਾਹ
           ਬਦਲੇ ਜਾਣਗੇ ਸਾਰੇ ਬੋਰਡ
                       ਚਰਨਜੀਤ ਭੁੱਲਰ
ਬਠਿੰਡਾ : ਬਠਿੰਡਾ-ਅੰਮ੍ਰਿਤਸਰ ਕੌਮੀ ਸ਼ਾਹਰਾਹ 'ਤੇ ਸਭ ਸਾਈਨ ਬੋਰਡ ਹੁਣ ਪੰਜਾਬੀ ਭਾਸ਼ਾ ਵਿਚ ਲੱਗਣਗੇ। ਕੈਪਟਨ ਹਕੂਮਤ ਨੇ ਇਨ•ਾਂ ਸਾਈਨ ਬੋਰਡਾਂ ਨੂੰ ਮਾਂ ਬੋਲੀ ਵਿਚ ਲਿਖਣ ਦਾ ਫੈਸਲਾ ਲੈ ਲਿਆ ਹੈ। ਪੰਜਾਬੀ ਭਾਸ਼ਾ ਪ੍ਰੇਮੀਆਂ ਦੇ ਦਬਾਓ ਮਗਰੋਂ ਲੋਕ ਨਿਰਮਾਣ ਵਿਭਾਗ ਹਰਕਤ ਵਿਚ ਆ ਗਿਆ ਜਿਸ ਨੇ ਹੱਥੋਂ ਹੱਥੀ ਹੁਣ ਕੇਂਦਰ ਸਰਕਾਰ ਤੋਂ ਪ੍ਰਵਾਨਗੀ ਲੈ ਲਈ ਹੈ। ਭਾਵੇਂ ਇੱਕ ਦਫ਼ਾ ਕੇਂਦਰ ਸਰਕਾਰ ਨੇ ਪੰਜਾਬੀ ਭਾਸ਼ਾ ਵਾਲੇ ਬੋਰਡ ਤਬਦੀਲ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ ਪ੍ਰੰਤੂ ਹੁਣ ਪ੍ਰਵਾਨਗੀ ਦੇ ਦਿੱਤੀ ਹੈ। ਦੱਸਣਯੋਗ ਹੈ ਕਿ ਪੰਜਾਬੀ ਟ੍ਰਿਬਿਊਨ ਤਰਫ਼ੋਂ ਪਹਿਲ ਕਰਕੇ ਇਹ ਮਾਮਲਾ ਪ੍ਰਮੁਖਤਾ ਨਾਲ ਉਭਾਰਿਆ ਗਿਆ ਸੀ।ਬਠਿੰਡਾ ਅੰਮ੍ਰਿਤਸਰ ਕੌਮੀ ਸ਼ਾਹਰਾਹ 'ਤੇ ਲੱਗੇ ਸਾਰੇ ਸਾਈਨ ਬੋਰਡਾਂ ਤੇ ਪੰਜਾਬੀ ਭਾਸ਼ਾ ਨੂੰ ਤੀਜੇ ਨੰਬਰ ਤੇ ਰੱਖਿਆ ਗਿਆ ਸੀ ਜਦੋਂ ਕਿ ਹਿੰਦੀ ਨੂੰ ਪਹਿਲਾ ਅਤੇ ਅੰਗਰੇਜ਼ੀ ਨੂੰ ਦੂਸਰਾ ਸਥਾਨ ਦਿੱਤਾ ਗਿਆ ਹੈ। ਰੋਹ ਵਿਚ ਆ ਕੇ ਅੱਜ ਮਾਲਵਾ ਯੂਥ ਫੈਡਰੇਸ਼ਨ ਤੇ ਪੰਥਕ ਧਿਰਾਂ ਨੇ ਇਸ ਕੌਮੀ ਸ਼ਾਹਰਾਹ 'ਤੇ ਲੱਗੇ ਸਾਈਨ ਬੋਰਡਾਂ 'ਤੇ ਗੈਰ ਪੰਜਾਬੀ ਭਾਸ਼ਾਵਾਂ 'ਤੇ ਕਾਲਾ ਪੋਚਾ ਫੇਰ ਦਿੱਤਾ।
                      ਫੈਡਰੇਸ਼ਨ ਦੀ ਅਗਵਾਈ ਵਿਚ ਸੈਂਕੜੇ ਨੌਜਵਾਨਾਂ ਨੇ ਕਰੀਬ 20 ਕਿਲੋਮੀਟਰ ਦੇ ਘੇਰੇ ਵਿਚ ਪੈਂਦੇ ਸਾਈਨ ਬੋਰਡਾਂ ਤੇ ਗੈਰ ਪੰਜਾਬੀ ਭਾਸ਼ਾਵਾਂ ਤੇ ਕਾਲੀ ਕੂਚੀ ਫੇਰ ਦਿੱਤੀ। ਫੈਡਰੇਸ਼ਨ ਦਾ ਸਹਿਯੋਗ ਅੱਜ ਦਲ ਖਾਲਸਾ ਅਤੇ ਹੋਰ ਧਿਰਾਂ ਨੇ ਵੀ ਕੀਤਾ ਹੈ।  ਸਾਬਕਾ ਗੈਂਗਸਟਰ ਲੱਖਾ ਸਧਾਣਾ ਨੇ ਇਸ ਮੌਕੇ ਆਖਿਆ ਕਿ ਪੰਜਾਬ ਵਿਚ ਪੰਜਾਬੀ ਭਾਸ਼ਾ ਨੂੰ ਦੇਸ਼ ਨਿਕਾਲ਼ਾ ਦੇਣ ਦੇ ਖ਼ਿਲਾਫ਼ ਸੰਘਰਸ਼ ਵਿੱਢਿਆ ਗਿਆ ਹੈ ਤਾਂ ਜੋ ਮਾਂ ਬੋਲੀ ਨੂੰ ਆਪਣੀ ਹੀ ਧਰਤੀ ਤੇ ਮਾਣ ਸਨਮਾਨ ਦਿਵਾਇਆ ਜਾ ਸਕੇ। ਜਦੋਂ ਅੱਜ ਪੁਲੀਸ ਨੂੰ ਭਿਣਕ ਪਈ ਤਾਂ ਨੌਜਵਾਨਾਂ ਨੂੰ ਪੁਲੀਸ ਦੇ ਐਸ.ਪੀਜ਼ ਨੇ ਕਾਰਵਾਈ ਕਰਕੇ ਰੋਕ ਦਿੱਤਾ ਜਿਸ ਦੇ ਰੋਸ ਵਜੋਂ ਇਨ•ਾਂ ਆਗੂਆਂ ਨੇ ਪਿੰਡ ਹਰਰਾਏਪੁਰ ਕੋਲ ਸੜਕ ਜਾਮ ਕੀਤੀ। ਇਸ ਮੌਕੇ ਦਲ ਖ਼ਾਲਸਾ ਦੇ ਮੀਤ ਪ੍ਰਧਾਨ ਬਾਬਾ ਹਰਦੀਪ ਸਿੰਘ ਗੁਰੂਸਰ ਮਹਿਰਾਜ ਨੇ ਆਖਿਆ ਕਿ ਕੇਂਦਰ ਦੀ ਹਿੰਦੂਤਵ ਹਕੂਮਤ ਪੰਜਾਬੀ ਨੂੰ ਮਿਟਾਉਣ ਤੇ ਤੁਲੀ ਹੈ। ਇਸ ਮੌਕੇ ਨੌਜਵਾਨ ਆਗੂ ਰਾਜਵਿੰਦਰ ਰਾਜੀ, ਅਕਾਲੀ ਦਲ ਅੰਮ੍ਰਿਤਸਰ ਦੇ ਜ਼ਿਲ•ਾ ਪ੍ਰਧਾਨ ਪਰਮਿੰਦਰ ਸਿੰਘ ਪਾਰੀ, ਦਲ ਖਾਲਸਾ ਦੇ ਜੀਵਨ ਸਿੰਘ ਗਿੱਲ ਕਲਾਂ,ਸਿੱਖ ਸਟੂਡੈਂਟ ਫੈਡਰੇਸ਼ਨ 1984 ਦੇ ਪਰਨਜੀਤ ਸਿੰਘ ਕੋਟਫੱਤਾ, ਲੇਖਕ ਬਲਜਿੰਦਰ ਸਿੰਘ ਬਾਗੀ ਕੋਟਭਾਰਾ ਆਦਿ ਨੇ ਵੀ ਅਗਵਾਈ ਕੀਤੀ।
                    ਲੋਕ ਨਿਰਮਾਣ ਵਿਭਾਗ ਦੇ ਮੁੱਖ ਇੰਜੀਨੀਅਰ (ਕੌਮੀ ਹਾਈਵੇਅ) ਸ੍ਰੀ ਏ.ਕੇ.ਸਿੰਗਲਾ ਦਾ ਕਹਿਣਾ ਸੀ ਕਿ ਬਠਿੰਡਾ-ਅੰਮ੍ਰਿਤਸਰ ਕੌਮੀ ਸ਼ਾਹਰਾਹ ਦੇ ਸਾਰੇ ਸਾਈਨ ਬੋਰਡ ਤਬਦੀਲ ਕਰਕੇ ਪੰਜਾਬੀ ਭਾਸ਼ਾ ਵਿਚ ਬੋਰਡ ਲਿਖੇ ਜਾਣਗੇ। ਉਨ•ਾਂ ਦੱਸਿਆ ਕਿ ਕੇਂਦਰ ਸਰਕਾਰ ਤੋਂ ਇਸ ਸਬੰਧੀ ਲੋੜੀਂਦੀ ਪ੍ਰਵਾਨਗੀ ਆਦਿ ਲੈ ਲਈ ਗਈ ਹੈ ਅਤੇ 10 ਨਵੰਬਰ ਤੱਕ ਸ਼ਾਹਰਾਹ ਦੇ ਸਾਰੇ ਬੋਰਡ ਬਦਲ ਦਿੱਤੇ ਜਾਣਗੇ। ਉਨ•ਾਂ ਆਖਿਆ ਕਿ ਕਿਸੇ ਨੂੰ ਮੌਜੂਦਾ ਬੋਰਡਾਂ ਤੇ ਕੁਝ ਕਰਨ ਦੀ ਲੋੜ ਨਹੀਂ ਹੈ ਕਿਉਂਕਿ ਉਨ•ਾਂ ਨੇ ਹਦਾਇਤਾਂ ਜਾਰੀ ਕਰ ਦਿੱਤੀਆਂ ਹਨ ਬਠਿੰਡਾ ਪੁਲੀਸ ਨੇ ਅੱਜ ਸਾਈਨ ਬੋਰਡਾਂ ਤੇ ਕਾਲਖ ਫੇਰਨ ਵਾਲੇ ਲੱਖਾ ਸਧਾਣਾ, ਦਲ ਖਾਲਸਾ ਦੇ ਹਰਦੀਪ ਮਹਿਰਾਜ ਸਮੇਤ 70-80 ਜਣਿਆ ਤੇ ਪੁਲੀਸ ਕੇਸ ਦਰਜ ਕਰ ਲਿਆ ਹੈ। ਐਸ.ਪੀ (ਡੀ) ਸ੍ਰੀ ਸਵਰਨ ਖੰਨਾ ਨੇ ਦੱਸਿਆ ਕਿ ਥਾਣਾ ਨੇਹੀਆਂ ਵਾਲਾ ਵਿਚ ਇਨ•ਾਂ ਆਗੂਆਂ 'ਤੇ ਡੈਮੇਜ ਆਫ ਪਬਲਿਕ ਪ੍ਰੋਪਰਟੀ ਐਕਟ 1984 ਅਤੇ  ਦਾ ਪੰਜਾਬ ਪ੍ਰੋਵੈਨਸ਼ਨ ਆਫ਼ ਡੀਫੇਸਮੈਂਟ  ਪ੍ਰੋਪਰਟੀ ਐਕਟ 1997 ਦੀਆਂ ਧਾਰਾਵਾਂ ਤੇ ਕੇਸ ਦਰਜ ਕੀਤਾ ਗਿਆ ਹੈ ਕਿਉਂਕਿ ਇਨ•ਾਂ ਲੋਕਾਂ ਨੇ ਸਰਕਾਰੀ ਸੰਪਤੀ ਨਾਲ ਛੇੜਛਾੜ ਕੀਤੀ ਹੈ। 

Thursday, October 19, 2017

                                                             ਸਿਵੇ ਬਣੇ ਸਹਾਰਾ
                         ਨਾ ਕੋਈ ਛੱਤ ਨਾ ਬਨੇਰਾ, ਅੰਦਰ ਬਾਹਰ ਦੁੱਖਾਂ ਦਾ ਹਨੇਰਾ
                                                             ਚਰਨਜੀਤ ਭੁੱਲਰ
ਬਠਿੰਡਾ  : ਮਜ਼ਦੂਰ ਛੋਟਾ ਸਿੰਘ ਦੀ ਮਜਬੂਰੀ ਵੱਡੀ ਹੈ ਜੋ ਵਰਿ•ਆਂ ਤੋਂ ਸਿਵਿਆਂ 'ਚ ਰਹਿ ਰਿਹਾ ਹੈ। ਸਿਵਿਆਂ ਦੀ ਅੱਗ ਤੋਂ ਉਸ ਦੇ ਢਿੱਡ ਦੀ ਅੱਗ ਛੋਟੀ ਨਹੀਂ। ਉਸ ਕੋਲ ਇੱਕੋ ਮੰਜਾ ਹੈ, ਇਸ ਤੋਂ ਬਿਨ•ਾਂ ਨਾ ਘਰ ਹੈ ਤੇ ਨਾ ਬਾਰ। ਸਿਵਿਆਂ ਦੇ ਸ਼ੈੱਡ ਵਿਚ ਜ਼ਿੰਦਗੀ ਦੇ ਦਿਨ ਕੱਟ ਰਿਹਾ ਹੈ। ਕੋਈ ਦੀਵਾਲ਼ੀ ਉਸ ਦੀ ਭਾਗ ਦਾ ਦੀਵਾ ਨਹੀਂ ਜਗਾ ਸਕੀ। ਲਟ ਲਟ ਬਲਦੇ ਸਿਵੇ ਦੇਖ ਦੇਖ ਕੇ ਉਸ ਦਾ ਜ਼ਿੰਦਗੀ ਨਾਲੋਂ ਮੋਹ ਟੁੱਟ ਗਿਆ ਹੈ। ਮੁਕਤਸਰ ਦੇ ਪਿੰਡ ਮੱਲਣ ਦੇ ਸਿਵਿਆਂ 'ਚ ਕਰੀਬ 64 ਵਰਿ•ਆਂ ਦਾ ਛੋਟਾ ਸਿੰਘ ਰਹਿ ਰਿਹਾ ਹੈ। ਪਹਿਲੋਂ ਮਜ਼ਦੂਰੀ ਕਰਦਾ ਸੀ, ਹੁਣ ਬੇਵੱਸ ਹੈ। ਪਿੰਡ ਚੋਂ ਮੰਗ ਮੰਗ ਕੇ ਖਾਂਦਾ ਹੈ। ਉਸ ਦੇ ਨਾਲ ਸਿਵੇ 'ਚ ਇੱਕ ਸਰੀਰਕ ਪੱਖੋਂ ਨਕਾਰਾ ਸੇਠ ਵੀ ਰਹਿੰਦਾ ਹੈ ਜੋ ਉਸ ਲਈ ਧਰਵਾਸ ਬਣਦਾ ਹੈ। ਮੱਲਣ ਦੇ ਸਰਪੰਚ ਬਲਕਰਨ ਸਿੰਘ ਨੇ ਦੱਸਿਆ ਕਿ ਪਿੰਡ ਦੇ ਲੋਕ ਇਨ•ਾਂ ਦੀ ਮਦਦ ਕਰਦੇ ਹਨ ਤੇ ਲੋੜ ਮੁਤਾਬਕ ਸਹਾਰਾ ਵੀ ਬਣਦੇ ਹਨ। ਬਠਿੰਡਾ ਦੇ ਪਿੰਡ ਬੁਲਾਡੇ ਦੇ ਪੁਰਾਣੇ ਸਿਵੇ ਵਿਚ ਰਹਿਣਾ ਤਰਸੇਮ ਸਿੰਘ ਦਾ ਸ਼ੌਕ ਨਹੀਂ। ਜਦੋਂ ਕਿਧਰੇ ਵੀ ਛੱਤ ਜੋਗੀ ਜਗ•ਾ ਨਸੀਬ ਨਾ ਹੋਈ ਤਾਂ ਪੁਰਾਣਾ ਸਿਵਾ ਉਸ ਦਾ ਰੈਣ ਬਸੇਰਾ ਬਣ ਗਿਆ। ਉਸ ਦੇ ਦੋ ਛੋਟੇ ਬੱਚੇ ਸਿਵੇ ਵਿਚ ਰਾਤ ਨੂੰ ਡਰ ਡਰ ਉੱਠਦੇ ਹਨ। ਤਰਸੇਮ ਸਿੰਘ ਆਖਦਾ ਹੈ ਕਿ ਸਿਵੇ 'ਚ ਪਾਏ ਛੱਪਰ ਦਾ ਤਾਂ ਕੋਈ ਬੂਹਾ ਵੀ ਨਹੀਂ ਹੈ, ਫਿਰ ਵੀ ਕਦੇ ਲੱਛਮੀ ਨਹੀਂ ਆਈ। ਉਸ ਦੇ ਹਿੱਸੇ ਤਾਂ ਕੋਈ ਸਰਕਾਰੀ ਸਕੀਮ ਵੀ ਨਹੀਂ ਆਈ। ਇਸ ਪਰਿਵਾਰ ਦੀ ਜ਼ਿੰਦਗੀ ਵਿਚ ਕੋਈ ਦੀਵਾਲ਼ੀ ਵੀ ਦੀਪ ਨਹੀਂ ਜਗਾ ਸਕੀ।
                       ਮੁਕਤਸਰ ਦੇ ਪਿੰਡ ਚੱਕ ਕਾਲਾ ਸਿੰਘ 'ਚ ਸਿਵਿਆਂ ਦੇ ਕੋਲ ਨੇਤਰਹੀਣ ਮਹਿੰਦਰ ਸਿੰਘ ਆਪਣੀ ਪਤਨੀ ਪ੍ਰੀਤੋ ਬਾਈ ਨਾਲ ਰਹਿ ਰਿਹਾ ਹੈ। 10 ਵਰਿ•ਆਂ ਤੋਂ ਕੱਚੇ ਢਾਰੇ ਵਿਚ ਬੈਠਾ ਹੈ। ਬਜ਼ੁਰਗ ਪ੍ਰੀਤੋ ਬਾਈ ਨੇ ਪੂਰੀ ਜ਼ਿੰਦਗੀ ਦੀਵੇ ਦੀ ਲੋਅ ਵਿਚ ਗੁਜ਼ਾਰ ਦਿੱਤੀ ਹੈ ਤੇ ਬਿਜਲੀ ਦਾ ਇੱਕ ਬਲਬ ਵੀ ਨਸੀਬ ਨਹੀਂ ਹੋ ਸਕਿਆ ਹੈ। ਉਸ ਲਈ ਦੀਵਾਲ਼ੀ ਦੇ ਦੀਪ ਕੋਈ ਮਾਅਨਾ ਨਹੀਂ ਰੱਖਦੇ ਹਨ। ਮਹਿੰਦਰ ਸਿੰਘ ਆਖਦਾ ਹੈ ਕਿ ਉਸ ਨੂੰ ਤਾਂ ਕੁਦਰਤ ਨੇ ਹੀ ਨਿਤਾਣਾ ਬਣਾ ਦਿੱਤਾ ਹੈ, ਸਰਕਾਰ ਤਾਂ ਥੋੜਾ ਰਹਿਮ ਕਰ ਲੈਂਦੀ। ਇਸ ਬਜ਼ੁਰਗ ਜੋੜੇ ਨੂੰ ਕਈ ਮਹੀਨਿਆਂ ਤੋਂ ਬੁਢਾਪਾ ਪੈਨਸ਼ਨ ਨਹੀਂ ਮਿਲੀ ਹੈ। ਨੇਤਰਹੀਣ ਮਹਿੰਦਰ ਸਿੰਘ ਆਖਦਾ ਹੈ ਕਿ 'ਮੈਨੂੰ ਦੀਂਹਦਾ ਹੁੰਦਾ ਤਾਂ 'ਵਿਕਾਸ' ਜਰੂਰ ਵੇਖਦਾ'। ਇਵੇਂ ਕਾਦੀਆਂ (ਗੁਰਦਾਸਪੁਰ) ਦੀਆਂ ਕਬਰਾਂ ਵਿਚ ਕਾਲਾ ਸਿੰਘ ਰਹਿਣ ਲਈ ਮਜਬੂਰ ਹੈ। ਕਿਤੇ ਹੋਰ ਢੋਈ ਨਾ ਮਿਲੀ ਤਾਂ ਕਬਰਾਂ ਦਾ ਸਹਾਰਾ ਤੱਕ ਲਿਆ। ਉਹ ਕਬਰਾਂ ਤੇ ਦੀਵਾ ਜਗਾਉਂਦਾ ਹੈ। ਗੁਰਬਤ ਦੀ ਜਿੱਲ•ਣ ਚੋਂ ਕੱਢਣ ਲਈ ਕੋਈ ਸਰਕਾਰੀ ਸਕੀਮ ਇਨ•ਾਂ ਲਈ ਮੱਲਮ ਨਹੀਂ ਬਣ ਸਕੀ ਹੈ। ਇਨ•ਾਂ ਘਰਾਂ ਵਿਚ ਲੱਛਮੀ ਨਹੀਂ, ਗੁਰਬਤ ਛੜੱਪੇ ਮਾਰਦੀ ਹੈ।  ਜ਼ਿਲ•ਾ ਮੋਗਾ ਦੇ ਪਿੰਡ ਮਾਛੀਕੇ ਦੇ ਪੰਚਾਇਤ ਘਰ 'ਚ ਬਜ਼ੁਰਗ ਬਖਸ਼ੀਸ਼ ਸਿੰਘ ਮੌਤ ਨੂੰ ਉਡੀਕ ਰਿਹਾ ਹੈ। ਬਖ਼ਸ਼ੀਸ਼ ਸਿੰਘ ਨੂੰ ਪੂਰੀ ਜ਼ਿੰਦਗੀ ਵਿਚ ਇੱਕ ਘਰ ਨਹੀਂ ਜੁੜ ਸਕਿਆ। ਉਹ ਆਖਦਾ ਹੈ ਕਿ ਦੀਵੇ ਕਿਥੇ ਰੱਖੀਏ ? ਇਲਾਜ ਲਈ ਕੋਈ ਸਾਧਨ ਨਹੀਂ ਹੈ ਜਿਸ ਕਰਕੇ ਇਸ ਪਰਿਵਾਰ 'ਚ ਦੁੱਖਾਂ ਦੇ ਦੀਵੇ ਹੀ ਬਲ ਰਹੇ ਹਨ।
                     ਇਸੇ ਤਰ•ਾਂ ਫਾਜਿਲਕਾ ਦੇ ਪਿੰਡ ਕੰਧਵਾਲਾ 'ਚ ਮਹਿਲਾ ਭੱਠਣ ਦੇਵੀ ਨੂੰ ਪੰਚਾਇਤ ਘਰ 'ਚ ਓਟ ਲੈਣੀ ਪਈ ਹੈ। ਇਹ ਉਹ ਪਰਿਵਾਰ ਹਨ ਜਿਨ•ਾਂ ਨੂੰ ਪੰਜ ਪੰਜ ਮਰਲੇ ਦੀ ਪਲਾਂਟ ਵੀ ਨਹੀਂ ਮਿਲੇ ਅਤੇ ਜਿਨ•ਾਂ ਲਈ ਇੱਕ ਛੱਤ ਵੀ ਸੁਪਨਾ ਬਣ ਗਈ ਹੈ। ਦੀਵਾਲ਼ੀ ਇਨ•ਾਂ ਦੇ ਦੁੱਖਾਂ ਵਿਚ ਕਦੇ ਸੁੱਖਾਂ ਦਾ ਚਿਰਾਗ ਨਹੀਂ ਬਾਲ ਸਕੀ ਹੈ। ਪਿੰਡ ਖੁੰਢੇ ਹਲਾਲ (ਮੁਕਤਸਰ) ਦੇ ਬਿਰਧ ਰਾਮ ਰੱਖੀ ਆਪਣੇ ਪੁੱਤ ਨਾਲ ਪਿੰਡ ਦੀ ਧਰਮਸਾਲਾ ਵਿਚ ਰਹਿ ਰਹੀ ਹੈ। ਮਜ਼ਦੂਰ ਆਗੂ ਤਰਸੇਮ ਸਿੰਘ ਆਖਦਾ ਹੈ ਕਿ ਸਰਕਾਰੀ ਟੀਮ ਕਦੇ ਇਨ•ਾਂ ਪਰਿਵਾਰਾਂ ਦੇ ਦੁੱਖ ਸੁਣ ਲਵੇ ਤਾਂ 'ਵਿਕਾਸ' 'ਤੇ ਸਰਕਾਰ ਨੂੰ ਹੀ ਤਰਸੇਂਵਾ ਆਉਣ ਲੱਗ ਪਵੇਗਾ। ਹਲਕਾ ਲੰਬੀ ਦੇ ਪਿੰਡ ਫਤੂਹੀਵਾਲਾ (ਸਿੰਘੇਵਾਲਾ) ਦੇ ਮਜ਼ਦੂਰ ਮੁੱਖਾ ਸਿੰਘ, ਸੁੱਖਾ ਸਿੰਘ ਅਤੇ ਛੋਟੂ ਸਿੰਘ ਦਾ ਪਰਿਵਾਰ ਪਿੰਡ ਵਿਚ ਸਿਹਤ ਵਿਭਾਗ ਦੇ ਕੰਡਮ ਐਲਾਨੇ ਕੁਆਰਟਰਾਂ ਵਿਚ ਬੈਠਾ ਹੈ। ਮੁੱਖਾ ਸਿੰਘ ਨੇ ਤਾਂ ਇੱਕ ਧੀ ਦੀ ਡੋਲੀ ਵੀ ਇਸ ਕੰਡਮ ਮਕਾਨ ਚੋਂ ਤੋਰੀ ਹੈ। ਇਨ•ਾਂ ਪਰਿਵਾਰਾਂ ਦਾ ਕਹਿਣਾ ਹੈ ਕਿ ਉਨ•ਾਂ ਕੋਲ ਨਾ ਤਾਂ ਦੀਵੇ ਹਨ ਤੇ ਨਾ ਹੀ ਦੀਵੇ ਵਿਚ ਤੇਲ ਪਾਉਣ ਦੀ ਪਹੁੰਚ ਹੈ। ਇਨ•ਾਂ ਪਰਿਵਾਰਾਂ ਨੇ ਛੱਤ ਖਾਤਰ ਜਿੰਦਗੀ ਦਾਅ 'ਤੇ ਲਾਈ ਹੋਈ ਹੈ। ਏਦਾ ਦੇ ਪੰਜਾਬ ਵਿਚ ਹਜ਼ਾਰਾਂ ਪਰਿਵਾਰ ਹਨ ਜਿਨ•ਾਂ ਕੋਲ ਦੀਵੇ ਰੱਖਣ ਲਈ ਕੋਈ ਬਿਨੇਰੇ ਹੀ ਨਹੀਂ ਹੈ।